redund/a. Estanta pluroble aux ripete, aux aldonita por sekurigi kontraux perdigxo, misfunkcio ks. -> balasto. ~o 1 TEL KOMP Uzo de pli da datenoj ol necese por transdoni iun informon, por tiel malpliigi la riskon de eraro en komunikado aux komputado. -> kontrolbito. => pleonasmo. 2 TEK Enesto de pluraj ekzempleroj de parto en elektronika aux mehxanika ekipajxo, por ke la ekipajxo povu plu funkcii post paneo de parto.

• La formo redund' estas jam establita en Esperanto, do PIVS malpravas per sia propono redundanc'.

• PIVS pretendas, ke la vorto havas filologian aux lingvistikan sencon kaj donas kiel ekzemplon la akordon de adjektivoj kaj substantivoj. Tamen redundo ne estas multe menciata en konsultlibroj pri moderna lingvoscienco, do versxajne la ekzemplo en PIVS estas maltipa, do ne tre tauxga por vortaro. Certe la nocio pri redundo estas uzebla en multaj aliaj fakoj ol nur la fakoj menciitaj, sed ne indas aparte dokumenti cxiun eblon.

• En la angla la substantivo redundancy devenas de adjektivo redundant, kies baza senco estas nebezonata, superflua. Sxajnas, ke en Esperanto, same kiel en la germana, oni transprenas nur la teknikajn sencojn. Tio estas evidente gxusta, cxar ni ne volas per aldono de teknika termino sxangxi tradician, komunlingvan parton de Esperanto, sed gxi havas la konsekvencon, ke redundo estos falsa amiko por anglalingvanoj; la angla vorto redundant gxenerale estu tradukata per: nebezonata, superflua, balasta, tro abunda, superabunda, malkonciza, tauxtologia, seninforma, pleonasma, senlabora, maldungita, ktp, ktp.

• La vorto redundo sxajnas havi la sencan elastecon, kiu estas tipa pri derivajxo el adjektiva radiko, do mi difinas la radikon tia.