line/o [...] 3 EL Konduktiloj uzataj por porti elektran energion laux fiksita vojo: unuopa, duopa ~o; kontakto~o de trajno aux tramo. -> drato, kablo. 4 TEL Konduktiloj aux optika fibro uzataj por porti telekomunikajn signalojn: telefon~o; alstacia ~o; unu ~o povas havi multajn kanalojn; rekt~a, sen~a uzado de aparato. -> plekti.

• Versxajne estas utile apartigi la energian kaj komunikan sencojn de lineo, sed cxu la detala terminologio en la PIV-a artikolo estas aktuala aux utila? Mi dubas.

• La esprimoj rektlinea kaj senlinea estas proponoj de POK por traduki la anglajn esprimojn on-line kaj off-line. Ili ne ricevas proprajn difinojn, cxar ili ankoraux ne estas gxenerale uzataj, kaj laux mi ili apenaux estas bezonataj en Esperanto: preskaux cxiam la gxusta traduko de on-line estas konektita, rekte konektita, rekta aux simile, kaj bona traduko de off-line estas, krom la malo de tio, ankaux auxtonome. En la angla oni ofte uzas tiajn esprimojn pli pro modo aux jxargonemo ol pro vera utilo. Interesa ekzerco estas legi la respondajn artikolojn en Oxford English Dictionary kaj traduki la tieajn ekzemplojn.