[kompatibil/a] [Ne enmetu.]

• ... kion oni pensu pri la vorto kompatibila (interkonvena, kongrua) el PIVS? \par Gxi sxajne finigxas per la sufikso -il', sed gxi tute ne estas ilo. Efektive, -ibil' evidente estas speco de franca -ebl'. Tamen la afero neniel rilatas al kompato! \par Iel gxi trafe reprezentas la kulminon de Esperanta leksikografio. \par Sed por vere taksi la altan nivelon de nia plej prestigxa, plej profesia, plej akademia Suplemento, necesas legi ankaux la difinon: ``Kvalifikas du sistemojn (biologiajn, elektronikajn...), kiuj povas akordigxi''. \par Enestas pluraj el la klasikaj evitendajxoj: Adjektivo estas difinita per sensubjekta frazo anstataux per adjektivo. Tute ne estas klare, kiajn sistemojn oni aludas per ``biologiajn, elektronikajn...''. (Se temas pri inteligentotesto ``Kio sekvas en cxi tiu serio?'', laux mi mankas iom da informo.) Amaso da maltrafa balasto. \par Mankas ekzemploj pri ``kompatibila'', sed la ekzemploj pri ``kompatibileco'' apenaux rilatas al ``sistemoj'', escepte de ``kompatibileco inter komputoro k gxiaj aneksoj'' ... kiam ne vere temas pri ``du''. \par Kompreneble la vorto ``anekso'' nenie estas difinita: unu el la plej nepraj leksikografiaj evitendajxoj plej trafe trafitaj, kvazaux la auxtoro plej lerte volus montri, kiel oni ne faru vortaron. \par Oni tamen devas ridi.