datum/o 1 SCI = donitajxo. 2 KOMP = dateno.

• Laux mi oni ne povas pretendi, kiel PIVS, ke datumo en cxi tiu senco estas derivajxo de dato. (Se oni volus derivi tiusencan vorton per la sufikso -um', versxajne la vorto estus donumo.) Oni povas longe diskuti, cxu dateno aux datumo estas pli bona por la komputika senco; mi, same kiel KBT, preferas datenon. Tamen mi konstatas, ke la vorto datumo estas efektive uzata de kompetentaj auxtoroj kaj por la komputika senco (dateno) kaj por la scienca senco (donitajxo), kaj mi ne konsideras gxin kiel tre evitindan.

• Oni iom atakis min pro tio, ke mi faras distingon inter dateno kaj datumo, sed tiel ne estas. Mi mem uzas nur la vorton dateno. Mi ne scias, cxu ekzistas homoj, kiuj uzadas ambaux vortojn kontraste; mi supozas, ke ne. Tamen oni devas konstati, ke la vorto datumo estas uzata por tiuj du apartaj sencoj, kaj ke la vorto dateno estas uzata por nur unu el tiuj du sencoj.