Eventoj n-ro 231 retposxta versio
*********************************

Titolpagxe: - Brusela komunikad-centro

Faka aplikado: - Unuforma praktiko por dokumentaj kreditoj
               - Novajxoj pri la mondo en Esperanto

Interreto: - Esperanta proverbaro en plia reteldono
           - Mallonge (7)

Arangxoj: - Euxrop-Unia Esperanto-Kongreso
          - Renkontigxo de Esperantistaj Familioj
          - Kompleta monata kalendaro

Movado: - Internacia lingvo: Cxu plia homa rajto?
        - Oficejo de "Amerika Komisiono"
        - Membraro de UEA en 2001
        - Esperanto-libroj en hispana biblioteko
        - La dauxra kresko de Esperantujo

Radio: - Vieno tutmonde

Muziko: - Movada sprito - monda kritiko

Gazetoj: - Israela Esperantisto en nova formo
         - Esperanto renovigxas!
         - Malnova-nova revuo en Francio

Libroj: - Vojagxo en Esperanto-lando

Rubrikoj: - Mallonge (8), anoncetoj (3), korespondi deziras (8)

"Eventa ludkvizo"

Interese: - Infanaj anekdotoj

***************************************************************************

TITOLPAGxE
//////////

Brusela Komunikad-Centro
========================

La Brusela Komunikad-Centro konkrete kontribuas al la tri agaddirektoj de
la Strategia Laborplano 2001-2010 de UEA: profesiigxo, tutmondigxo kaj
plijunigxo. Gxi liveras lingvopolitikajn informojn al esperantlingvaj
retpagxoj, kunlaboras kun landaj asocioj kaj informas pri lingva politiko.

Pere de la retlisto "rebato" gxi instigas esperantistojn al pripensita
reago, publikigas leterojn en mondaj gazetoj, atentigas nome de UEA, EEU
kaj landaj asocioj pri lingva malegaleco. Gxi disvastigas gazetarajn
komunikojn, respondojn al jxurnalistoj, ktp. Gxi funkciigas retpagxon por
jxurnalistoj kaj politikistoj en pluraj lingvoj cxe: www.lingvo.org.

Informado pri konkretaj problemoj malfermas pordojn al funkciuloj kaj
jxurnalistoj, ankaux rilate al nia lingvo. Tiel eblas eviti ke oni ne tro
rapide fermu la pordon pro antauxaj spertoj pri tro postulemaj petoj kaj
projektoj, neadekvataj rezoluciproponoj, amatorecaj intervenoj cxe
funkciuloj kaj politikistoj.

Dum kelkaj monatoj la centro kreis zorge elektitajn adresarojn de 5000
retposxtaj adresoj de germanaj politikistoj kaj jxurnalistoj, 4000
hispanaj, 1000 flandraj, 500 nederlandaj, 800 italaj, 300 svedaj ktp. La
Komunikad-Centro disponigas al belgaj kaj italaj esperantistaj agantoj
"Resumojn de artikoloj" pri la lingva problemo kaj "Informojn pri Lingva
Politiko" por interesigi politikistojn kaj jxurnalistojn pri la lingva
problemo kaj por altiri vizitantojn al la retpagxoj de la asocioj.

Unu el la temoj de la gazetaraj komunikoj, kun klaraj starpunktoj de UEA
kaj aliaj Esperanto-organizoj, estis pri "Lingva diskriminacio cxe
internaciaj organizoj", kiuj postulas denaskan scipovon de la angla por
postenoj oficiale malfermitaj al cxiuj civitanoj. La Komunikad-Centro
preparis oficialan plendon de UEA cxe la Euxropa Popoldefendanto rilate
lingvan diskriminacion. La Komisiono nun repripensas sian antauxan
starpunkton pri dunganoncoj. Politikistoj kaj jxurnalistoj telefonis al
Esperanto-asocioj por ekscii pli, la germana televido ARD faris intervjuon
pri la temo kun la direktoro de la Komunikad-Centro, David Ferguson. Estas
du pliaj parlamentaj demandoj pri lingva diskriminacio: "Deviga uzado de la
angla cxe Euxropa Komisiono kadre de la SAPARD-programo" kaj "Oficiala
plendo cxe la Euxropa Popoldefendanto".

La Komunikad-Centro instigas aliajn landajn asociojn kaj esperantistojn al
kunlaboro!

Temoj de la estontaj gazetaraj komunikoj estos "Internaciaj studentoj en
anglalingvaj landoj" (cxefe Usono, Britio, kaj Auxstralio), "Instruado de
la angla", "Kosto kaj kvalito de anglaj kursoj", "La angla sur
produketikedoj", "La angla en dunganoncoj", kaj "Euxropaj patentoj".

Renato Corsetti
Via del Castello, 1. IT-00036 Palestrina, Italio
Rete: renato.corsetti@forigu.uniroma1.it

***************************************************************************

                         w w w . e v e n t o j .h u

***************************************************************************

FAKA APLIKADO
/////////////

Unuforma praktiko por dokumentaj kreditoj
=========================================

Unu el la kernaj taskoj de la ICC (angla mallongigo de Internacia Komerca
Cxambro) estas plifaciligi por kompanioj en diferencaj landoj komercadon
unu kun alia, tiel kontribuante al la disvastigo de internacia komerco.

La rimedoj inkluzivas regulojn de la ICC por la plenumo de komerco kaj
pagoj, el kiuj la Unuformaj kutimoj kaj praktiko por dokumentaj kreditoj
estas la unuaranga ekzemplo.

Cxiuj enkorpigas bazan ICC-an principon, memreguladon fare de komerco. Ili
estas elpensitaj de ekspertoj el la privata sektoro, laborantaj en
Komisionoj de ICC, kiuj donas sindoneme sian tempon por la profito de la
pli vasta komerca komunumo.

La universala akcepto de tiuj cxi reguloj kaj difinoj estas konvinka
demonstrado de la kapablo de aferistoj en landoj kun diferencaj legxaj
sistemoj apliki siajn proprajn praktikajn mekanismojn por la plenumo de
komerco.

En mondo de rapide sxangxigxanta teknologio kaj rapide plibonigxantaj
komunikadoj, perioda revizio de ICC-reguloj por faciligo de komerco estas
neevitebla. Kaj la reguloj devas ne nur teni pasxon kun nova teknologio.
Ili devas ankaux preni en konsideron kurantan legxodonadon, tiel nacian
kiel internacian.

Uzanco de Dokumenta kredito estas neniu escepto. Tiu cxi revizio de la
reguloj prenas en konsideron sxangxojn dum la lastaj 10 jaroj. La publikigo
de UCP 500 estas grava okazajxo por bankistoj, juristoj kaj aferistoj tra
la mondo kiuj estas envolvitaj en internacia komerco.

La novaj reguloj estas la frukto de tri jaroj da dedicxita laboro de ICC-
ekspertoj kaj Naciaj Komitatoj, kaj fonto de fiero por cxiuj el ni. Preparo
de ili, profitiganta cxiujn engagxitajn en internacia komerco, estas tio
pri kio temas entute la ICC.

Jean Charles Rouher
gxenerala sekretario de ICC

Enkonduko al la Esperanto-Traduko

Unu el la taskoj de nia fakgrupo estas ebligi la uzadon de la planlingvo
Esperanto en la internacia komerco. Ni tre aprezas la normigan laboron de
ICC, inter alie per gxiaj publikajxoj. Ilin ni prenas kiel bazon por nia
tiurilata agado.

En la jaro 2000 ni jam esperantigis la noveldonon de la regularo "Incoterms
2000" kaj eldonis gxin sub la nomo "Inkotermoj 2000". Nun ni tradukis
"Uniform Customs and Practice for Documentary Credits". En la traduklaboro
nia teamo strikte klopodis resti tre proksime al la decida angla vortumo,
tiel ke ni povas aserti ke nia Esperanto-versio tute konformas laux enhavo
al la angla originalo kaj povus esti uzata ecx en juraj disputoj.

Dankon al la kunlaborantoj: Werner Bormann, Franz Josef Braun, Josef Mendl,
Gianfranco Polerani, Roland Rotsaert, Yamasaki Seiko kaj la eldoneja skipo
de Flandra Esperanto-Ligo.

Al ICC ni dankas pro la rajtigo por la Esperanto-traduko.

Franz Josef Braun

***************************************************************************

Novajxoj pri la mondo - en Esperanto!
=====================================

Estis lancxita nova, esperantlingva novajxservo de la internacia firmaeto
Abonasoft, Hungario, per kiu eblas ricevi mallongajn novajxojn pri la
mondaj okazajxoj senpage aux per retposxto aux per posxtelefonaj mesagxetoj
(SMS).

Oni devas nur simple sendi siajn datenojn kaj elekti la manieron de la
ricevado. Poste oni devas nur atendi, ke la unuaj mallonga novajxoj pri
gravaj okazajxoj aperu!
Pliaj informoj kaj aligxo cxe:

Thierry Salomon
Telefone: +36-1-2173912
Rete: e-inform@forigu.index.hu
http://intergazeto.inf.hu/

***************************************************************************

INTERRETO
/////////

Esperanta proverbaro en plia reteldono
======================================

La Esperanta proverbaro de Zamenhof estas populara ankaux en la interreto.
La plej nova versio estas konsultebla cxe la adreso:
http://esperanto.nu/espro/.

Tie la proverbaro estas sercxebla laux cxiu unuopa vorto. Eblas ankaux peti
de la programo, kiu administras la proverbaron, ke gxi montru tute hazardan
proverbon aux ke gxi montru plurajn hazarde elektitajn proverbojn, gxis 99
samtempe. Cxiun fojon la elekto estas malsama. Ankaux cxe esperanto.nu
estas preparata "Proverbaro por la nova jarmilo", kiu estos kreskanta
proverbaro komune disvolvigata de la diverslandaj esperantistoj, kiu
enhavos novajn proverbojn en esperanto, ofte el aliaj mondopartoj ol tiuj,
kiujn Zamenhof prilaboris.

el Nun

***************************************************************************

Profesiaj, allogaj retpagxoj de la "grafika, ret"dezajna firmao Artemos".
Informoj cxe: http://www.artemos.com.
* * *
Filmo pri la lastkristnaskaj papaj bondeziroj en Esperanto rigardeblas en
la retejo de Bresxa Esperanto-Grupo cxe: http://www.esperanto.subito.cc.
* * *
Multaj interesaj ligoj trovigxas cxe: http://esperanto-panorama.net.
* * *
Esperanto kantoj en orginiala kaj kareokea versio trovigxas cxe:
http://mpovorin.narod.ru.
* * *
Por uzantoj de komputiloj Apple Macintosh, eblas elsxuti centon da
litertiparoj kiujn Donald Broadribb, Auxstralio speciale preparis por
unikoda uzado cxe: http://homepage.mac.com /tipsit/kompleto.sit.
* * *
Ekzistas E-lingva retpagxo pri la urbo, Karagmatatubo, norda marbordo de
provinco San Paulo cxe Brazilo cxe:
http://www.caraguatatuba.sp.gov.br/esperanto.html
* * *
Hejmpagxo pri la maniero de kuirado per la energio de la suno trovigxas
cxe: http://www.boliviainti.org.

***************************************************************************

ARANGxOJ
////////

Euxrop-Unia Esperanto-Kongreso
==============================

La 5-a Euxrop-Unia Esperanto-Kongreso okazas inter 23-28. 08. 2002 en
Verona, Italio. La cxeftemo de la kongreso estas "Efektiva lingva egaleco:
rajtoj de la euxropanoj". La arangxo estas oficiala kunveno de Euxropa
Esperanto-Unio, EEU, sed kompreneble ne nur la reprezentantoj de la ano-
asocioj rajtas partopreni gxin. Okazas dum la kongreso komitatkunveno de
EEU. Oni povas gxui diversajn, interesajn prelegojn pri la cxeftemo kaj pri
temoj, kiuj estas gravaj kaj interesaj por homoj, kiuj vivas en Euxropo.
Pliaj informoj kaj aligxo cxe:

Verona Esperanto-Grupo
CP 1616, IT-37100 Verona, Italio
Rete: esperantoverona@forigu.adriacom.it

***************************************************************************

Renkontigxo de Esperantistaj Familioj
=====================================

La 24-a Renkontigxo de Esperantistaj Familioj okazas en Sikonda, Hungario
inter 12-21. 08. 2002. La renkontigxo estas tauxga al cxiuj familioj, kiuj
hejme esperantumas.

La loko estas malgranda ripoz- kaj kuracvilagxo en belega montara regiono
kun lageto por boatumi kaj baseno por nagxi. Al la renkontigxo oni atendas
proksimume 15-20 familiojn kun infanoj.

En la programo trovigxas matene apartaj programoj por infanoj kaj gepatroj.
Posttagmeze partoprenantaro povas promenadi, nagxi, ekskursi al la belega
cxirkauxajxo.
Pliaj informoj kaj aligxo cxe:

Familio Slezak
Damjanich u. 2. HU-9200 Mosonmagyarovar, Hungario
Rete: pannonbe@forigu.elender.hu
http://ref2002.freeweb.hu

***************************************************************************

Kompleta monata kalendaro
=========================

La kompleta jara listo de E-arangxoj dauxre aktualigata de ni, troveblas en
interreto http://www.eventoj.hu . Korektoj, aldonoj estas bonvenaj! Por
ricevi txt-formatan version sendu mesagxon (enhavo ne gravas) al la
auxtomato: kalendaro@forigu.esperanto.org

* * *

01-03.08. Komuna Seminario de Japana, Korea kaj Cxina Esperanto-Junularoj
en Tiba (apud la flughaveno Narita, Japanio). Inf: Japana Esperanto-
Junularo cxe JEI, Sinzyuku-ku, Waseda-machi 12-3, JP-162-0042 Tokio,
Japanio. Rete: jej@forigu.egroups.co.jp
* * *
01-04.08. 62-a Hispana Kongreso de Esperanto en Alicante. Inf: Augusto
Casquero de la Cruz, Av. Burjasot 29, ES"Valencia, Hispanio. Tel:
+34-96-3401369, fakso: +34-96-3849616. Rete:
augustocasquero@forigu.infonegocio.com
* * *
01-11.08. Vojagxkaravanoj al Suda Ameriko kun kongresa partopeno laux
diversaj datoj. Inf: Esperantotour, M.Sklodowskiej-Curie 10, PL-85-094
Bydgoszcz, Polio. Tel/fakso: +48-52-3415744, +48-52-3460082. Rete:
andreo@forigu.rubikon.net
* * *
01-16.08. Flugkaravano el Prago al Brazilo pro UK Inf: Petro Chrdle,
Anglicka 878, CZ-252 29 Dobrichovice, Cxehio. Tel.: +420-2-9912201, fakso:
+420-2-9912126. Rete: chrdle@forigu.kava-pech.cz
* * *
03-10.08. 87-a Universala Kongreso de Esperanto en Fortaleza, Brazilio.
Temo: Ekologia turismo. Inf: Universala Esperanto-Asocio, NL-3015 BJ
Rotterdam, Nieuwe Binnenweg 176, Nederlando. Tel: +31-10-436144,
+31-10-4361751. Rete: kongresoj@forigu.co.uea.org
* * *
03-10.08. 52-a Kristana Esperantista Ligo Internacia (KELI) en BerekfurdXX.
Inf: s-ino Iren Bagi, HU-1201 Budapest, Baross u. 54/b aux s-ino Eva
Farkas-Tatar, HU-1077 Budapest, Dohany u. 36, Hungario
* * *
03-10.08. Renkontigxoj kun Distra Muziko en Sxibenska Rogoznica. Inf:
Zelimir Pehar, 14 Boronia Av., Dandenong North, Vic. 3175, Auxstralio. Tel:
+61-3-97130011. Rete: zpehar@forigu.yahoo.com
* * *
06-10.08. Preparado al ekzameno Kapableco en Bouresse. Inf: Kvinpetalo,
Esperanto-Centro, FR-86410 Bouresse, Francio. Tel/faksilo:
+33-(0)549428074. Rete: kvinpetalo@forigu.club"internet.fr
* * *
09-11.08. 50-a Somera Esperanto-Tendaro, renkontigxo de iamaj tendaranoj en
Lancxov. Inf: Esperanto, CZ-674 01 Trebicx, Cxehio. Tel/registrilo:
+420-(0)618"850196, tel/fakso: +420-(0)618-841909, rete:
podhradska@forigu.volny.cz
* * *
10-17.08. Renkontigxoj de Kant-Ensembloj en Sxibenska Rogoznica. Inf:
Zelimir Pehar, 14 Boronia Av., Dandenong North, Vic. 3175, Auxstralio. Tel:
+61-3-97130011. Rete: zpehar@forigu.yahoo.com
* * *
10-20.08. Somera E-Lernejo kun trinivelaj kursoj, Recxicxi, Bosnio kaj
Hercegovino. Inf: Esperanto-ligo de Serba Respubliko, p.k. 335, BA-78000
Banja Luka, Bosnio kaj Hercegovino. Rete: elsr@forigu.blic.net
* * *
11-17.08. E-Semajno pri Martinus-Kosmologio. Inf: Martinus-Instituto,
Mariendalsvej 96, DK-2000 F. Kopenhago,Danio. Rete: institut@forigu.martinus.dk
* * *
12-21.08. 24-a Renkontigxo de E-istaj Familioj en Sikonda. Inf: Familio
Slezak, HU-9200 Mosonmagyarovar, Damjanich u. 2, Hungario. Tel:
+36-96-211271, +36-30-9372490. fakso: +36"96-579430, Rete:
pannonbe@forigu.elender.hu
* * *
13-17.08. Praktikado de la lingvo (2a nivelo) laux la natura metodo Freinet
en Bouresse. Inf: Kvinpetalo, Esperanto"Centro, FR-86410 Bouresse, Francio.
Tel/faksilo: +33"(0)549428074. Rete: kvinpetalo@forigu.club-internet.fr
* * *
15-25.08. Rusiaj E-Tagoj apud Kovrov (regiono Vladimir). Inf: RET-02, Pk.
57, RU-105318 Moskvo, Rusio. Andrej Grigorjevskij tel: +7-83556-59856,
rete: andreo@forigu.mailru.com
* * *
17-18.08. 1-a Mongola Kongreso de Esperanto, Mongolio.
* * *
17-24.08. Sxakturniro en Sxibenska Rogoznica. Inf: Zelimir Pehar, 14
Boronia Av., Dandenong North, Vic. 3175, Auxstralio. Tel: +61-3-97130011.
Rete: zpehar@forigu.yahoo.com
* * *
17-24.08. 6-aj Bretonaj Renkontigxoj en Plouezec, Bretonio. Inf: Roger
Eon, 5 kervilin Izelan FR-22470 Plouezec, Francio. Tel +33-296227717. rete:
esperanto.22@forigu.libertysurf.fr
* * *
18-26.08. 3-a Euxropa Medicina E-Kongreso en HodmezXXvasarhely. Inf:
Katalin Farago, pk. 89, HU-6801 HodmezXXvasarhely, Hungario. rete:
konyv@forigu.korhaz.hodtav.hu kaj esp"med@forigu.freemail.hu
* * *
19-24.08. 1-a Internacia Naturkuraca Konferenco, Krefeld, Germanio.Inf:
Anatolo Goncxarov, p/k 65, RU-197022 Sankt-Peterburg, Rusio. Rete:
anatolog@forigu.mail.ru
* * *
19-25.08. Kafoklacxa Internacia Somera RenkontigxO (KISO) Marburg. Inf:
Marburga Esperanto-Grupo (MEG), Affollerstr. 19, DE-35039 Marburg/Lahn,
Germanio. Rete: kiso@forigu.esperanto.de
* * *
23-26.08. 3-a Azia Kongreso de Esperanto en Seulo, Koreio. Inf: 3-a Azia
Kongreso de Esperanto, 1601 Gangbyeon Hansin Core B/D, 350 Mapo-dong, Mapo-
gu, KR-121-703 Seoul, Koreio. Tel: +82-2-7176974, fakso: +82-2-7176975.
Rete: aziakongreso@forigu.hanmir.com
* * *
23-28.08. 5-a Euxrop-Unia (EEU) E-Kongreso en Verona, Italio. Inf: Verona
E-Grupo, CP 1616, IT-37100 Verona, Italio. Rete:
esperantoverona@forigu.adriacom.it
* * *
24.08. 6-a Internacia "Esperanto" Tablotenis"konkurso. Inf: Katalin Farago,
pk. 89, HU-6801 HodmezXXvasarhely, Hungario. rete: konyv@forigu.korhaz.hodtav.hu
kaj esp-med@forigu.freemail.hu
* * *
24-31.08. 28-a Internacia Semajno cxe Mediteraneo kaj someraj kursoj en
Sete (suda Francio). Inf : Esperanto Culture et Progres 5, rue du Docteur
Roux, FR-34090 Montpellier, Francio. Tel: +0467541543. rete
yvierne@forigu.netcourrier.com aux nikolao.k@forigu.wanadoo.fr
* * *
24-31.08. Renkontigxoj kun Distra Muziko en Sxibenska Rogoznica. Inf:
Zelimir Pehar, 14 Boronia Av., Dandenong North, Vic. 3175, Auxstralio. Tel:
+61-3-97130011. Rete: zpehar@forigu.yahoo.com
* * *
26.08-01.09. Humanismaj Esperanto-semajnoj en Cxervar-Porat. Temo: Bertrand
Russell -granda humanisto de la 20-a jarcento. Inf: Mato Spekuljak,
Ostarijska 8, HR-10000Zagreb, Kroatio. Rete: mato.spekuljak@forigu.zg.tel.hr

***************************************************************************

MOVADO
//////

Internacia lingvo: cxu plia homa rajto?
=======================================

Jam pasis pli ol du jaroj de kiam mi partoprenis arangxon en Bruselo, en la
EU-parlamentejo, en kiu oni priparolis diversajn ideojn rilatajn al
Esperanto kaj gxia estonteco. Lauxsence temis pri fantaziaj ideoj, sed
ankaux tiaj bezonas esti pridiskutataj. Esperanto mem ja komence estis nur
fantazia ideo.

Unu el la ideoj temis pri akceptigo de koncepto, ke "cxiu homo havas rajton
al internacia lingvo." Laux la proponintoj devus temi pri 20-jara plano -
kaj pli ol du jaroj jam pasis, sen ke io estu farita por realigi gxin.

Cxu naturaj rajtoj?

Kiam oni parolas pri rajtoj, oni tuj pensas pri la Deklaracio de la Homaj
Rajtoj, kiu estas gxenerale akceptata, almenaux en la plejparto de la
civilizita mondo, kaj pri la bazaj rajtoj, kiujn cxiuj homoj havas: rajto
uzi sian propran lingvon, rajto al edukigxo, rajto al deca vivo, rajto al
religia esprimigxo laux sia propra decido, kaj simile. Enmeti en tiun
kontekston la rajton al internacia lingvo eble ne sonas tute nature, cxar
en tiu Deklaracio oni parolas pri la homaj rajtoj kiel pri naturaj rajtoj
de cxiu homo. Rajto al internacia lingvo, iamaniere, ne sentigxas same
natura.

Sed se oni iom analizas la rajtojn, kiuj estas esprimitaj en tiu
Deklaracio, oni venas al la konkludo, ke ili ne estas tiel naturaj, kiel
oni kredas. Prenu, ekzemple, la rajton al edukigxo. Cxiu el vi, kaj tre
versxajne plejparto de la homoj en la mondo, akceptas, ke ekzistas tia
rajto. Sed imagu alian socion, ekzemple sxtonepokan, kiam lernejo ecx ne
ekzistis kiel koncepto. Cxu oni povas en tia kazo paroli pri rajto? Iasence
jes -rajto lerni la bezonatajn spertojn -, sed ne en nia senco. Rajto do
povas ekzisti, kiam ekzistas kondicxoj, ke oni povas realigi tiun rajton.

Rajto al propra lingvo: cxu oni parolas pri rajto uzi la propran lingvon en
socio, kiu estas unulingva? Gxi estas tiel memklara, ke neniu venus al la
ideo difini tion kiel rajton. La koncepto "rajto uzi la propran lingvo"
ekestas en socio, kiu estas plurlingva, kaj kiam unu grupo volas nei al la
alia grupo, ke gxi rajtu uzi sian propran lingvon.

Kaj rajto libere esprimi sian religian kredon? Cxu gxi povas ekzisti en
socio, en kiu ecx la koncepto "Dio" ne ekzistas?

Tauxgaj cirkonstancoj

Tiuj cxi rajtoj do estas kondicxitaj de sociaj cirkonstancoj. Ili ne estas
naturaj en la senco, ke la homo naskigxas kun ili. Ili ekekzistas, kiam
aperas la bezono por ili kaj kiam la kondicxoj estas pretaj por realigi
ilin. Tial ankaux rajto al internacia lingvo estas je simila nivelo: gxi
estas rajto, kiu kreigxas, kiam la cirkonstancoj estas tauxgaj por tio. Kaj
la cirkonstancoj en la mondo estas pli kaj pli tauxgaj, por ke oni havu
internacian lingvon.

La komunikado estas pli kaj pli tutgloba, en cxiuj eblaj formoj: vojagxoj,
skribaj aux busxaj kontaktoj, unu- aux dudirektaj komunikkanaloj... Cxiocxi
kreis bazon, tiel ke oni povas levi la demandon pri rajto al internacia
lingvo.

Kiam ni parolas pri rajto al internacia lingvo, ni ne auxtomate parolas pri
rajto al Esperanto, cxar ekzistas multaj aliaj eblecoj. Plej nature multaj
homoj komprenus tion, ke oni prenu la anglan. Tio ankaux estus realigo de
la ideo pri internacia lingvo, ecx se malpli bona.

Novaj argumentoj - cxiuj homoj havas rajton al Esperanto

Kial tiu cxi ideo pri rajto al internacia lingvo estas interesa por ni
esperantistoj? Cxar gxi donas al ni la eblecon alimaniere argumenti por
Esperanto. Kiam iu demandas al ni, kio estas Esperanto, ni povas prezenti
tion en diversaj manieroj. Unu el la alternativoj estas, ke "Esperanto
estas solvo de la lingvo-problemo." En nia plua argumentado ni devas
klarigi, kio estas la lingvo-problemo. Tio ne nepre estas memklara al la
homoj: kelkaj tute ne konscias pri gxi, dum aliaj rimarkis gxin tre akute.
Tial, se oni komencas la argumentadon per tiu argumento, eventuale oni
perdigxas en la klarigado de la problemo kaj neniam alvenas al la solvo.

Alia alternativo argumenti estas, ke "Esperanto plenumas bezonon." Kreigxis
bezono pri internacia lingvo en internacia komunikado kaj Esperanto
plenumas tiun bezonon. Por tre multaj homoj tiu bezono limigxas al mendo de
mangxajxoj kaj trinkajxoj dum vojagxo eksterlande kaj al la frazo "Kiom
kostas?" Laux ilia kompreno Esperanto plenumas nur malgrandan bezonon.

Rajton oni povas postuli

Nun eble ni havos trian alternativon: ke ekzistas rajto al internacia
lingvo. Rajto estas krome io, kion oni povas postuli. Do, se oni sukcesas
akceptigi la ideon, ke ekzistas rajto al internacia lingvo, cxiu homo povos
ankaux postuli, ke oni instruu la internacian lingvon. Krome, se estas
akceptita tiu koncepto, ni povas multe pli aktive argumenti, ke devas temi
pri internacia lingvo, ne pri nacia lingvo en internacia rolo.

Ideo - sed kiel realigi gxin?

Kiel mi menciis enkonduke, tiu cxi ideo estis prezentita kiel projekto,
kiun oni akceptigu dum periodo de 20 jaroj. Kiom ajn alloga gxi sentigxas,
ecx en 200 jaroj gxi ne realigxos, se oni ne faras ion al gxi.

Ni komencu cxe ni mem: ni devas mem esti konvinkitaj, ke ekzistas io nomata
rajto al internacia lingvo kaj ke ni postulu, ke tiu lingvo estu instruata,
simile kiel la naciaj lingvoj estas instruataj por enlanda
interkomprenigxo. Nur kiam ni mem estas konvinkitaj, ni povas provi
konvinki aliajn.

Cxar ni estas esperantistoj, ni jam dekomence metu egalsignon inter
internacia lingvo kaj Esperanto, t.e internacia lingvo = Esperanto. Tial
nia slogano devos ne nur esti: "Cxiu homo havas rajton al internacia
lingvo", sed ankaux: "Cxiu homo havas rajton al Esperanto".

Ni bezonos 20 jarojn

Sonas bone, cxu ne? Mi ne dubas, ke ni povassukcesi konvinki nin mem,
almenaux grandan parton de ni esperantistoj. Sed pluen? Kiel pludoni la
ideon al la cetera mondo?

Mi tion ne povas. Ne sola. Kaj ankaux vi ne, se vi provos tion fari sola.
Nur komune, per persista ripetado, cxiun fojon, kiam ni mencias la vorton
Esperanto - busxe kaj skribe - ni akompanu gxin per la koncepto "rajto al
internacia lingvo".

Sed tio povas esti nur komenco, kvazaux la Zamenhofa "Ecx guto malgranda
..." Estos bezonate ankaux pli sisteme agi, kunordigi nian agadon kun
aliaj, kiuj povus helpi nin, cxar akcepto de nia solvo helpus ankaux al
ili.

20 jaroj rapide pasas. Du jam estas for kaj neniu faris ion al cxi tiu ideo
dumtempe, ankaux mi ne. Cxu gxi ne meritas pli bonan sorton?

Franko Luin
el Magdeburga Folio, junio/2002

***************************************************************************

Oficejo de "Amerika Komisiono"
==============================

Universala Esperanto-Asocio, UEA decidis starigi oficejon por Amerika
Komisiono en Brasilia, cxefurbo de Brazilio.

La Oficejo ekfunkciis la 2-an de majo cxi-jare, en cxambro kiun Brazila
Esperanto-Ligo, BEL prunte disponigis al UEA. La posxta adreso de la
Oficejo estas:

Cx. Postal 03811, BR-70084-970 Brasilia (DF)"Brazilio
Rete: bel@forigu.esperanto.org.br

***************************************************************************

Membraro de UEA en 2001
=======================

En 2001 por la membreco en UEA pagis esperantistoj el 122 landoj, i.a. 6428
individuaj kaj 14889 aligitaj, kio sume estas 21317 membroj. La tendenco de
la IM malkreski dauxras, kvankam tre modere en 2001. Cxi jare gxi estas,
cxiukaze, kontrauxita de la kresko de aligitaj membroj, tiel ke la saldo
estas pozitiva. Estas tro da faktoroj implikitaj, pro kiuj estas tre
malfacile eltiri pozitivan jugxon el cxi tiu pozitiva saldo, kiu sxuldigxas
cxefe al la abrupta kresko de aligitaj membroj en unu lando kaj al modestaj
kreskoj en aliaj landoj.

Individuaj membroj de UEA je la 1-a de julio estis 5365. Je la sama dato de
2001 ili estis 6127. Por havi fidindan ideon pri la suma nombro de
individuaj membroj en 2002, tamen, estas necese atendi la UK-on dum kiu
multaj membroj aligxas.

Renato Corsetti
Via del Castello, 1, IT-00036 Palestrina, Italio
Rete: renato.corsetti@forigu.uniroma1.it

***************************************************************************

La dauxra kresko de Esperantujo
===============================

Per la cxi-supra invito mi informas vin pri la Novjara Renkontigxo, kiun
kelkaj kunlaborantoj kaj mi por nia projekto "EsperantoLand" organizos cxi-
jarfine. (EsperantoLand.de informas provizore nur - germanlingve per
cxiusemajnaj Esperanto-novajxoj, ofertas interaktivan retan
Esperanto"kurson, gxeneralajn informojn kaj forumon pri Esperanto.) Kiam ni
komencis plani la renkontigxon kaj demandis pri la gxenerala intereso,
estigxis la demando:

Cxu aldoni plian renkontigxon?

La cxefa celo de nia Novjara Renkontigxo estas doni eblecon festi la Novan
Jaron al tiuj Esperanto-parolantoj, kiuj en la gxisnunaj renkontigxoj ne
trovis lokon pro iuj kauxzoj. Ni konstatis, ke tre multaj el la homoj, kun
kiuj ni partoprenis internaciajn junularajn renkontigxojn en la okdekaj
jaroj, kutime ne plu partoprenas en jarsxangxaj arangxoj. Por la Internacia
Seminario (IS) de Germana Esperanto-Junularo (GEJ) ili estas ekster la
kerna celgrupo. Principe ili povus partopreni en la Internacia Festivalo,
sed IF jam delonge atingis sian celatan grandecon de 200 homoj kaj do ne
havas lokon por plia kvindeko da homoj. (Cetere ankaux IS evidente jam
atingis plenecon kun pli ol 300 partoprenantoj kaj tie restas de deko da
jaroj.)

Cxirkaux dekprocenta kreskado de renkontigxaj partoprennombroj

Pri dua IS ni diskutis jam en la okdekaj jaroj. Fakte IS kreskis tre forte
en la sepdekaj kaj okdekaj jaroj - en 1970 estis proksimume 50
partoprenantoj, en 1980 jam cx. 150 kaj en 1990 estis pli ol 300.
Triobligxo en dek jaroj signifas 11"procentan kreskon. Tiutempe en Germanio
estigxis IF kaj PSI kaj ankaux SEFT (Somera Esperanto-Familia Tendaro) kaj
ili kreskis al 200 kaj 150 kaj cxirkaux 50 partoprenantoj. Entute oni povas
do diri, ke la unusemajnaj internaciaj renkontigxoj en Germanio kreskis de
50 partoprenantoj en 1970 al cxirkaux 700 homoj tridek jarojn poste
-proksimume 9"procenta jara kresko.

Tutmonda evoluo: Esperantujo progresas

Pri tiu kresko la Esperanto-komunumo apenaux konscias - mi ne vidis
publikajn statistikojn pri la suma partoprenantaro de Esperanto-
renkontigxoj. Sed la kresko ekzistas, estas mezurebla kaj sxajne estas
tutmonda tendenco - mi dauxre vidas, ke estigxas novaj renkontigxoj
tutmonde, mi legas pri relative junaj renkontigxoj (3a, 5a, 8a ktp.) en
Afriko, en Hindujo, tre multloke - kaj ili dauxre kaj rapide kreskas. Ni
devas fronti krudan fakton: Esperanto eniris la vojon de sukceso, kreskanta
nombro da homoj volas lerni kaj poste uzi Esperanton en internaciaj
renkontigxoj - kaj ili fakte faras!

De Esperanto-movado al kreskanta Esperanto-komunumo

Tiu turnigxo en la historio de Esperanto ekis en la sesdekaj kaj sepdekaj
jaroj. La unua IS de GEJ komencigxis la 27-an de decembro 1957 (se mi ne
miskalkulis) kun dudekkvino da partoprenantoj gxis 1970 gxi kreskis al 50.
(La temoj de IS-oj cetere cxiam kutimis esti ekster-Esperantujaj - kaj
sxajne ankaux tio estis io nova.) Cxirkaux 1968Hermann Behrmann fondis la
Esperanto-Centron (plej longe gxi trovigxis en Paderborn), okazigis amasajn
korespondajn kursojn kaj kreis multajn Esperanto-parolantojn - iam en la
sepdekaj jaroj cxiuj GEJ-estraranoj estis lernintaj per lia "Esperanto
programita". La tempo estis matura, Euxropo rekonstruinte la vivon post la
militaj detruoj ekvojagxadis - la Esperanto"parolantoj kunvojagxadis kaj
aliaj homoj komprenis la kernan praktikan utilon de Esperanto: Personaj
rilatoj internacie. Krom IS estigxis pliaj junularaj renkontigxoj,
Internacia Junulara Festivalo en Italio, Internacia Junulara Semajno en
Hungario, Kultura Esperanto-Festivalo en Nordio kaj multaj aliaj -
malgrandaj kaj grandaj, du-tri-landaj kaj multnaciaj.

Esperantuja muzika kulturo

Estigxis esperantuja muziko - cxefe, cxar en la kreskantaj kaj
plioftigxantaj renkontigxoj kunigxis kreskanta publiko. Antaux 1970 sxajne
estis plej multe tradukoj. Gianfranco Molle kaj aliaj ekis kanti pri ni -
la teknika kvalito de la kasedoj estis pro financaj kauxzoj, nu,
plibonigebla ;-) kaj ja plibonigita: La postaj jardekoj vidis estigxon de
muzika esperantuja kulturo kun alta kvalito - kaj la dauxra kresko estas
impona. (Oni sxatu aux ne sxatu la memstarigxon de la esperantuja kulturo -
gxi estas fakto!)

Gazetoj diversigxis

La lastaj tridek jaroj vidis ankaux la aperon de multaj novaj gazetoj. Pri
la internacia komunumo raportas nun ankaux Eventoj kaj la Ondo de
Esperanto, pri la mondo Monato kaj pri apartaj temoj kaj regione ekestis
pliaj gazetoj. La gazetoj vivas eksterrete kaj interrete, eble ne vere
floras en kelkaj kazoj, sed ja kutime pluekzistas.

La interreto - cxu elpensita por ni?

Venis la tempo de la interreto - kaj sekve plia internaciigxo de la mondo.
La Esperanto-parolantoj jxetis kaj plu jxetadas sin al tiu ebleco - nun oni
povas cxiutage, cxiuminute vivi Esperantujon. Kaj la kresko de Esperantujo
pluiris en plia dimensio.

Ni atingis dauxran kreskadon

Ni Esperanto-parolantoj povas iomete trankviligxi: "La mondo" ja akceptas
nian lingvon. Heziteme kaj iom post iom, nerimarkite de la publika opinio
kaj de la politikistoj - sed pri la tendenco ne estu dubo.

Kaj kien post la junularaj jaroj?

La cxefa temo de tiu cxi teksto estas renkontigxoj kaj por multaj el ni
venis iam la demando: Kaj nun, kio post la junulara agxo? Cxu ni gxuu
Esperantujon plu nur papere? Nu, estigxis IF, PSI kaj kelkaj similaj
arangxoj - kaj mi havas la impreson, ke la emo de plenkreskaj Esperanto-
parolantoj teni la amikajn rilatojn el la junulaj jaroj momente ne havas
suficxe da loko. Tial ni pripensis okazigi plian renkontigxon, ne kiel
konkurencon, sed kiel aldonon. Ni ja imagu Esperantujon post kvin jaroj.
Plej supozeble plu alvenados la junuloj al siaj renkontigxoj - kaj agxigxos
ni cxiuj. Aldone venadas homoj pli agxaj. Esperantujo kreskadas. Cxu ni
cxiuj kunpremigxu en la jamekzistantaj renkontigxoj?

Lu Wunsch-Rolshoven
Por la kreskigo de Esperantujo
EsperantoLand.org

***************************************************************************

RADIO
/////

Vieno tutmonde
==============

La Esperanto-lingvaj radioelsendoj de Radio Auxstrio Internacia el Vieno
estas reelsenditaj en 8 landoj pere de lokaj radiostacioj. La elsendoj
estas elsenditaj en Vladivostok, Rusio; Sorocaba, Brazilio; Melburno kaj
kaj Sidnejo, Auxstralio; Lome, Togolando; Bordeaux, Francio; Tuluzo,
Francio, Zuriko, Svisio; Vilnius, Litovio; Tokio, Japanio. La programojn
elsendas ankaux kablaj retoj en Linz, Salzburg, Steyer, Wien en Auxstrio.

Pasintjare en Eventoj n-ro 185 (kaj poste ankaux en "ret"info") aperis
artikolo, kiu alvokis realigi Esperantan radiostacion en via urbo.

Temis tie pri la relajsado de la E-elsendoj de Radio Vieno.

Ekde tiam la projekto realigxis en pluraj urboj. Lige al la pasintjaraj
statistikajxoj (32 mil alskriboj, 1-a loko inter la apartaj redakcioj de
ORF).

***************************************************************************

MUZIKO
//////

Movada sprito - monda kritiko
=============================

Por cxiuj 19 gxuindaj kantoj el la kompakta disko "Ni tostu la verdan
fortunon" de la pola bardo kaj eldonisto Georgo Handzlik la vortojn
prizorgis li mem - du en traduko, la ceteraj originale verkitaj. Ecx pri la
muziko respondecas plejparte la bardo, asistata foje de aliaj polaj
komponistoj. Malic-miena krokodilo ornamas la eksteron de la KD"kovrilo,
kio kreas antauxsupozojn pri la enhavo. Efektive, movadaj simboloj kaj
nocioj ludas centran rolon en la plimulto de la kantoj, kun trakto iom
moka, satira, sed samtempe simpatia. Felicxe, movadajxoj, bezonantaj
klarigon, ricevas koncizajn nekantajn enkondukojn.

Sub la lupeon venas Andreo Cseh, apartajxoj de gxuste tiuj kongresoj, la
akademio, Volapuko, la mok"turismo, ktp. La movada devigajxo "Dek boteloj"
transformigxas al sinkopa "Dek klubanoj", montranta kiel ili malaperas.

Inter movado kaj politiko situas "EgalecXX per lingvo", kiu tezas ke
neuxtrala lingvo en si mem ne kuracas pli premajn malegalecojn kiel
senhejmecon, malsaton, nepagipovon kaj similajn. Estus troigo pretendi, ke
la esperantistaro kredas ke komuna lingvo solvos cxion, sed veras, ke
malsuficxe ni meditis kaj esploris kiel alfronti la rilatojn inter lingvaj
kaj aliaj malegalecoj.

Plej rekte politikaj kaj grandmondaj estas "Justaj bomboj", "Tropostulo"
kaj "La knaboj de la nigra-blanka foto". Sed la kantoj ne sxvebas en
abstraktajxoj - oni konas Tiranon, Senegalon, Pekinon, Cxecxenion ne el
televidaj raportoj, sed el memoroj pri unuopuloj, foje iamaj amikoj kaj
kongresanoj.

Iuj kantoj reliefigas lokojn ("Finnlando", "Bieno en Nordio", "Dancu
Euxropo"), aliaj eventojn ("TitanikXX"). Loksxajna estas "Ukrainio" sed
fakte estas kanto pri amo estingita de limoj kaj baroj. Nostalgio rolas
forte en pluraj kantoj, de la komenca "Ludoviko", tra "Knaboj de tiu
kongreso", gxis la disknomdona "Ni tostu la verdan fortunon" kaj la lasta
kaj surprizfina "Gxis revido".

La cxefinstrumento estas akustika gitaro, foje kun aldono de violono, foje
piano, foje sxajne sintezilo, kiu donas bonvenan varion. La registrado kaj
muzikado estas profesinivelaj. Neniam la muziko superregas - felicxe la
tekstoj, indaj je proksima auxskultado, restas cxiam facile kapteblaj.

Georgo Handzlik: "Ni tostu la verdan fortunon". Eld. KLEKS, Bielsko-Biala,
Pollando, 2001. Kompakta disko, 52 min. Prezo cxe FEL: 17,50 euxroj +
afranko.

Flandra Esperanto-Ligo
Frankrijklei 140. BE-2000 Antwerpen, Belgio
Rete: retbutiko@forigu.fel.esperanto.be

***************************************************************************

GAZETOJ
///////

Israela Esperantisto en nova formo
==================================

Surpriziga estas la lasta numero de Israela Esperantisto kun sia
renovigxinta aspekto. Gxi havas koloran kovrilon kaj ankaux interne estas
koloraj fotoj.

***************************************************************************

Esperanto renovigxas!
=====================

La januara numero de la "Revuo Esperanto" de UEA redaktita de Stano Marcxek
aperas ankaux rete! La senpaga provversio en formato PDF estas trovebla cxe
www.uea.org en la sekcio "revuo Esperanto" en kompaktigita formo (zip).
Pasvorto por la malfermo: "revuo" (sen citiloj).

Por legi la pdf-dosierojn oni bezonas la senpagan legilon "Adobe Acrobat
Reader" kiu estas libere elsxutebla de www.adobe.com.

La nuna publikigo estas eksperimenta, cele al sekvajara enkoduko de
abonebla elektronika versio.

laux [esper-inform]

***************************************************************************

Malnova-nova revuo en Francio
=============================

La revuo "Franca Esperantisto", gxis nun redaktita de H. Gonin, farigxos
"Le monde de lXXesperanto", redaktota de Christian Lavarenne. La nova
gazeto aperados dumonate, kun 20 A4"pagxoj, unua numero estos preta komence
de marto.

Christian Lavarenne
Rete: mondo@forigu.esperanto-france.org

***************************************************************************

LIBROJ
//////

Vojagxo en Esperanto-lando
==========================

Tiel nomigxas la eminenta verko de akademiano Boris Kolker, jxus eldonita
de UEA. La libro apartenas al malofta gxenro de perfektigaj kursoj de
Esperanto, kiuj pro klaraj kialoj estas multe malpli oftaj ol la startigaj
lerniloj. Aparte gxin elstarigas la fakto, ke gxi estas samtempe gvidlibro
pri la Esperanta kulturo.

"La ambiciaj celoj de tiu cxi neordinara lernolibro estas instrui krean
regadon de la literatura lingvo kaj kreskigi emocian ligitecon al
Esperanto" - skribis Boris Kolker, prezentante la libron.

Tio estas la dua eldono de la libro, radikale relaborita kaj
internaciigita. La instruado okazas per la uzo de verkoj de Ludoviko
Zamenhof, Claude Piron, Istvan Nemere, Julio Baghy, John Wells, Marjorie
Boulton, Albert Goodheir, Emilja Lapenna, Cezaro Rossetti, Lorjak, Kolomano
Kalocsay kaj dudeko da aliaj konataj kaj ne tre konataj, sed interesaj
auxtoroj.
Pliaj informoj kaj mendoj cxe:

Universala Esperanto-Asocio
Niuwe Binnenweg 176. NL-3015 BJ Rotterdam, Nederlando
Rete: libroservo@forigu.co.uea.org

***************************************************************************

MALLONGE
////////

E-societo de Maribor, Slovenio organizas la 6-an internacian festivalon de
video-filmoj en E-o fine de oktobro 2002. Oni sendu siajn videofilmojn en
formato VHS al: Esperanto"societo, SI-2000 Maribor, Besednjakova 1,
Slovenio gxis la 30. 09. 2002. Kondicxoj: artaj filmoj ne pli ol 10-minutaj
kaj dokumentaj filmoj ne pli ol 15-minutaj. Cxefa premio: 100 euxroj.
Jugxos internacia faka jxurio.
* * *
Okazis publika defendo de doktorigxa faklaborajxo "La misio de Oomoto en
Esperanto" en la universitato de Uppsala, Svedio la 29-an de majo. La
disertacio estas skribita en la sveda kun resumoj en Esperanto kaj en la
angla. La disertacion verkis Leif Nordenstorm, lutherana pastro en Boden,
norda Svedio.
* * *
Aperis "Biografia leksikono de kroatiaj esperantistoj". La libro enhavas
datenojn pri cxirkaux 1000 personoj kun 450 fotoj. Redaktoro estas Josip
Pleadin, rete: ivan.pleadin@forigu.kc.hinet.hr.
* * *
La radio-dissendoj de Radio Havano, Kubo en Esperanto por Euxropo okazas
dimancxe je 19,30 en mallongaj ondoj 21 metroj 13715 kHz.
* * *
Okazis unuhora elsendo en maribora televido pri euxropa lingva problemo la
21-an de majo en loka televido NET"TV. En la televida rondtabla debato
paroprenis ankaux 2 esperantistoj. En la elsendo oni konstatis ke Euxropo
nepre bezonas neuxtralan lingvan solvon por sia identeca kaj komunika
problemo kaj plurfoje menciis Esperanton kiel cxefan kandidaton por tio.
* * *
Aperis nova eldono de Esperanta-rusa vortaro de E. Bokarev. Kompare al la
antauxa eldono gxi estas grandparte reviziita kaj kompletigita. La
redaktadon gvidis Jurij Finkel. Oni povas gxin mendi cxe: Rusa Esperanto-
Unio, REU.
* * *
TEJO kunsidis inter 13-16. 06. en la Centra Oficejo, Roterdamo. Inter la
diskutitaj temoj estis strategio, plibonigo de servoj, financa stato k.a.
* * *
David Cholet kaj Rachel Prual realvenis al La Roche"sur-Yon, Francio post
23-monata vojagxo cxirkaux la mondo. Estas antauxvidita ilia oficiala
akcepto en la urbodomo. Membroj de la societo E-Vendee dankas al la e-istoj
kiuj dumvoje, en cxirkaux 40 landoj, bone flegis kaj dorlotis la
vojagxintojn, kiuj revenis kun amaso da neforgeseblaj impresoj.

***************************************************************************

ANONCETOJ
/////////

Afrika Oficejo de UEA atendas esperantajxojn por varbado kaj transdonado al
membroj, interesigxantoj. Cxiuj kontribuoj estas bonvenaj kaj atendataj
cxe: Afrika Oficejo, B.P. 13169, Lome, Togo, rete:
afrikaoficejo@forigu.hotmail.com.
* * *
Manfred Westernayer, prezidanto de Asocio de Verdulaj Esperantistoj, AVE
havas novan retadreso, gxi estas: manfred@forigu.westermayer.de.
* * *
Sxangxigxis la posxta adreso de la E"Redakcio cxe Radio Polonia. Bv. noti
la sxangxojn en vian notlibron, cxar ekde nun funkcias nur: Radio Polonia,
Esperanto Redakcio, Al. Niepodleglosci 77/85, PL-00-977 Warszawa, Pollando

***************************************************************************

KORESPONDI DEZIRAS
//////////////////

27 j. verkisto, muzikisto. Interesoj: politiko, rok"muziko (speciale "punk"
kaj "mod"), reggej-muziko, literaturo kaj kino. Adreso: Jason Toon, 3853A
Connecticut St. MO-63116 St. Louis, Usono, rete: jason@forigu.justcallinc.com.
* * *
20 j. verkistino. Interesoj: lingvoj, historio de la dudeka jarcento,
muziko, legado kaj skribado de rakontoj kaj historioj, la kulturoj de
Orienta Euxropo kaj Rusio, filozofio, ekonomio, politiko, kaj
mondproblemoj. Adreso: Jessica Woobridge, 1018 9th Avenue WA-98104 #111
Seattle, Usono, rete: LukesRevng@forigu.aol.com.
* * *
55 j. viro. Interesoj: lingvoj, muziko, komputiloj, korespondado,
posxtmarkkolektanto. Adreso: Ugo Patti, via C. Colombo, 156 IT-94019
Valguarnera C. (EN) - Italio, rete: satumare@forigu.tiscali.it.
* * *
37 j. virino. Adreso: Martina Zlatohlavkova, Sobetuchy 8, 537 Chrudim,
Cxehio, rete: m.zlatohlavkova@forigu.knihovna"pardubice.cz.
* * *
13 j. lernanto. Interesoj: verkado kaj legado de poemoj kaj libroj, kreado
retpagxoj, muzikoj. Adreso: Jake Schneider, 6 Meyersville Rd. Chatham, New
Jersey 07928, Usono, rete: alwaysawake247@forigu.hotmail.com.
* * *
56 j. vidvino. Interesoj: popolmuziko, danco, gxardena laboro, kuirarto,
literaturo, amikaj rilatoj. Adreso: S-ino Gallai Zoltanne, Szondi u. 8.
I/5. HU-7400 Kaposvar, Hungario, rete: gallai@forigu.freeweb.hu.
* * *
26 j. frauxlo. Interesoj: lingvoj, gitaro, krud"vegetarismo, sano,
literaturo. Adreso: Frederic Patenaude, 216 Loyola Repentigny, QC J6A 5X2,
Kanado, rete: fred@forigu.sunfood.net.
* * *
42 j. frauxlo. Interesoj: legado (sciencfikcio en diversaj lingvoj),
komputiloj, informadiko (Java, XML, HTML), scienco (matematiko, fiziko),
tradukado, verkado, pentrado. Adreso: Joop Eggen, Heinestr. 2, DE-63165
Muehlheim am Main, Germanio, rete: joop_eggen@forigu.yahoo.de.

***************************************************************************

"Eventa ludkvizo"
=================

Cxiuj gxustaj respondoj valoras 2 poentojn. Ludantoj, atingintaj 50
poentojn ricevas premion. Resendu la solvojn al la redakcio rete, letere,
fakse.

1. Kiam okazis la lasta Internacia Junulara Kongreso, IJK en Svedio?
   A. En 1980
   B. En 1983
   C. En 1991

2. Kies bildo trovigxas sur la 3-a pagxo de la Jarlibro 2001 de Universala
   Esperanto-Asocio?
   A. Ludoviko Lazaro Zamenhof
   B. Ivo Lapenna
   C. Gaston Waringhien

3. Kion singifas la mallongigo KES?
   A. Komerca Esperanto-Servo
   B. Kvakera Esperanto-Servo
   C. Kultura Esperanto-Servo

Limdato por alsendo: la 20-a de auxgusto 2002. La gxustaj solvoj aperos
post 2 numeroj.

* * *

Respondoj al la demandoj aperintaj en numero 225.

1. Kiam okazis la unua Internacia Junulara Kongreso, IJK?
   A. En 1938

2. Kie oni eldonis la unuan posxtmarkon kun Esperanto-teksto (en 1925)?
   B. En Sovetio

3. Kion singifas la mallongigo ASLE?
   A. Asocio de Sociallaboristoj Esperantistaj

Ni invitas vin, ludu kun ni!

***************************************************************************

INTERESE
////////

Infanaj anedoktoj
=================

En la luncxejo:
- Kiom kostas taso da kafo?
- Kvindek centavojn.
- Kaj la sukero?
- Neniom kostas, estas senpage.
- Mi volas du kilogramojn da sukero.

* * *

Instruisto:
- Cxu ne estas mirinde, ke birdoj scipovas flugi al Afriko sen mapo kaj
  kompaso?
Eta knabo:
- Sed, estus ja ecx pli mirinde, se birdoj kunportus mapon kaj kompason!

* * *

Lernanto:
- Profesoro, laux mia opinio, mi ne meritis nulon en tiu ekzameno.
Profesoro:
- Mi konsentas, sed ne ekzistas noto pli malgranda.

* * *

- Ho belulino!
- Bedauxrinde mi ne povas diri la samon.
- Tiam, vi faru kiel mi, mensogu!

* * *

En cirko:
- Kiel povas esti, ke tiel malforta kaj maldika viro estas tre bona
  dresisto de tigroj?
- Cxar kiam la tigro rigardas al li, gxia apetito malaperas.

* * *

- Pacxjo, kiam mi naskigxis, kiu donis al mi inteligentecon?
- Certe estis via patrino, cxar ankoraux mi havas la mian.

* * *

Kinkas demandas al s-ro Manuelo:
- Patro, kion signifas la vorto "alternativo"?
- Imagu, ke vi jam estas plenagxulo kaj volas zorgi pri ia negoco. Iam vi
  decidas acxeti kokinon. Gxi kovas ovojn. Post vi havas multe, multe da
  kokinoj. Vi estas ricxa, vi havas kokinkulturon, auxtomobilojn,
  cxevalojn...
- ed patro, mi volas scii nur, kio estas "alternativo"....
- Jes mia filo. Gxuste tion mi estas eksplikanta al vi! Do, vi estas ricxa
  homo, sed iun tagon okazas grandega inundo kiu detruas vian bienon. Vi
  perdas cxion kaj la kokinoj mortas, cxar la stultaj ne scias nagxi.
- Tiam patro, kaj la alternativo, cxu?
- La alternativo, mia filo, estas la anasoj!

* * *

Dum la geografia leciono, la instruistino demandas:
- Jocxjo, donu al mi tri asertojn kiujn pruvas: "La tero estas ronda".
Post cerbumi iomete, li respondas:
- Bone, la libro diras ke gxi estas, mia patro diras ke gxi estas, kaj nun
  sinjorino, ankaux vi diras ke gxi estas, do...

* * *

En la lasta leciono de la jaro, la lernantoj dankas al la instruistino per
donacoj. La filo de mastro de Sukerajxejo al sxi donas skatoleton. Sxi
agitas la skatoleton:
- Cxu en gxi estas bombonoj?
- Jes, instruistino!
La filo de la mastro de Librejo donas pakajxon al sxi.
- Tiu estas peza. Mi trovas, ke gxi estas libro...
- Jes, instruistino!
La filo de la mastro de Drinkejo donas al sxi la donacon. Sxi rimarkas, ke
forfluetas de la pakajxo eta kvanto da likvajxo. Sxi gustumas guton kaj
hazardas:
- Cxu vino?
- Ne, instruistino!
Sxi gustumas pli unu guton.
- Cxu likvoro?
- Ankaux ne...
- Mi ne sukcesas diveni! Kion vi donas al mi?
Kaj la knabeto respondas:
- Novan hundineton.

* * *

La instruistino pri matematiko montras paperfolion kaj demandas de Jocxjo:
- Se mi dividos cxi tiun paperfolion je kvar pecoj, kun kiu frakcio mi
  restas?
- Kvar kvaronoj, instruistino!
- Kaj, se mi dividos laux ok pecoj?
- Ok okonoj, instruistino!
- Cxu dividita por fari cent pecojn?
- Pecigitaj paperoj, instruistino!

* * *

En la lernocxambro, la instruistino pri Esperanto auxdas cxu cxu cxu funde
de la klaso. Por silentigi ilin, sxi postulas:
- Jocxjo, diru al mi du pronomojn!
- Kiu? Mi? - li diras levigxante.
- Tre bone! Vi povas sidigxi .

Marsja Soares
Rete: soares@forigu.praigrande.com.br
el Anekdotoj en Esperanto

**************************************************************************
**************************************************************************

EVENTOJ, n-ro 231, 2 / majo-2002
Internacia sendependa gazeto pri la Esperanto-movado.
Reg.nr: B/TSZL/85/1991. ISSN 01215-959 X

Eldonas LINGVO-Studio kaj Kultura Esperanto-Asocio.
HU-1675 Budapest, pf. 87.
Tel./fakso: +36-1-2828885. Retposxto: oficejo@forigu.eventoj.hu
Retpagxo: http://www.eventoj.hu/
Aperas dusemajne.

Redaktas: Axel Orszag-Krysz
Respondeca eldonanto kaj cxefredaktoro: Laszlo Szilvasi.
Oficeja kunlaboranto: Istvan Meszaros
La redakcio ne nepre konsentas pri la enhavo de unuopaj artikoloj, 
kaj ne respondecas pri la anonc-enhavoj.
Abonkotizo: 74 NLG (aere 86 NLG) al la UEA-kodo ELLS-S.

**************************************************************************
**************************************************************************