Eventoj n-ro 219, retposxta versio
**********************************

Titolpagxe: - Esperanto - cxokolada lingvo

Faka aplikado: - Mova docento por interlingvistiko kaj Esperanto
               - Fama, multlingva ligokolekto en Esperanto
               - Ateistoj en Esperanto

Kontakto sercxata: - Koncerto de Asorti - cxu cxe vi?
                   - Skoltoj sercxas kunlaborantojn!
                   - Lingvaj festivaloj - volontuloj sercxataj

Interreto: - Filatelia ekspozicio
           - Mallonge (9)

Arangxoj: - Astronomia Esperanto-Stagxo
          - Ferio en Bretonio
          - Karavano de IJK al UK
          - IKEF-kongreso
          - Kompleta monata kalendaro

Movado: - Jacques Chirac pri Esperanto
        - Igxu B-komitatano de TEJO
        - Amikeca-Reto 2002-2003
        - Nacia novajxagentejo pri Esperanto en Brazilio
        - Nova oficisto en Centra Oficejo
        - Hungara movado dauxre dispartigita
        - Esperanto-biblioteko por publiko
        - Malferma Tago en CO de UEA
        - Esperanto-monumento - placo, - kafejo!
        - Granda varbado kaj Esperanto
        - Intervjuo en la slovaka televido
        - UEA plendas kontraux lingva diskriminacio

Reagoj: - Kial temi (ankaux) pri Argentinio?

Instruado, ILEI: - AIS-sesio dum la 3-a Azia Kongreso, 2002, Seulo

Radio: - Polaj elsendoj

Muziko: - Verdstelaj brazilajxoj

Libroj: - Vortarego Esperanto-germana

Rubrikoj: - Mallonge (8), korespondi deziras (3), anoncetoj (8)

Interese: - Tagoj de la semajno
          - Ni ludu! - Superfluaj literoj
          - Cxu anligxontaj gazetoj?
          - Longeco

***************************************************************************

TITOLPAGxE
//////////

Esperanto - cxokolada lingvo
============================

Doron Modan skribis leteron al la mondfama, svisa cxokolado-fabriko
"Toblerone":

Kara Sinjoro/Sinjorino

Mi tre sxatas vian cxokoladon, mi vizitis vian hejmpagxon kaj legis, ke
Toblerone etas vendita en 110 landoj. Tiu donis al mi ideon, kiu sxajnas
esti tauxga, sed versxajne gxi povas helpi por varbi pri via produkto. La
110 landoj, kie Toblerone etas vendata, estas preskaux 110 landoj, kie la
internacia lingvo, Esperanto estas parolata. Se vi skribas la ingrediencojn
de la varo en pluraj lingvoj kaj en la loka lingvo, kial ne indiku
ingrediencojn ankaux ankaux en Esperanto? Cxar Esperanto estas parolata en
plimulto de tiuj landoj, escepte de kelkaj.

Mi faris etan enketadon al miaj geamikoj, kiuj parolas Esperanton
demandante: "Se vi vidus cxokoladon, sur kiu ingrediencoj estus skribitaj
en Esperanto, kvankam vi ne mangxus gxin, cxu vi acxetus gxin?" La respondo
estis cxiukaze nepre "Jes!", cxar malantaux la acxetado staras solidareco
al la sxatata lingvo kaj ideo.

Tio ne nur plialtigus viajn vendojn, sed ankaux plifortigus la bildon de
Toblerone kiel tutmonde sxatata cxokolado. Cxu vi povas perdi ion aldonante
ankoraux unu lingvon?

Esperante, ke vi estas malfermitaj al tiu cxi ideo, sincere:

Doron Modan
Rete: esperanto_jeli@forigu.hotmail.com

Sxi ricevis la respondon:

Kara sinjoro,

Multan dankon pro via letero proponante al ni aldoni E-on al la pakajxo de
Toblerone. Efektive, tio estas bonega ideo... kiun nia fabrikejo jam havis
antaux longega tempo, kiel vi vidas sur la aldonata kopio de reklamo kiu
datigxas de 1920! Pro diversaj kialoj tiu lingvo estis forlasita. Multan
dankon denove pro via interesigxo.

Elisabeth Misteli

Ni petas vin, ke vi skribu leterojn al la fabriko petante la aperigon de la
informoj sur la cxokolado ankaux en Esperanto. Cxiuj leteroj estas bonvenaj
cxe:

Elisabeth Misteli
Communication Manager
Kraft Foods Schweiz AG, Confectionery Plant Riedbachstrasse 150-151,
CH-3027 Bern-Bruennen, Svisio
Rete: EMisteli@forigu.krafteurope.com

***************************************************************************

                       E v e n t a   L u d k v i z o

                   Ekde la sekva numero de E v e n t o j
                    nia intelekta ludo estos dauxrigata!

           N i   i n v i t a s  V I N ,   l u d u   k u n   n i !

***************************************************************************

FAKA APLIKADO
/////////////

Nova docento pri interlingvistiko kaj E-o
=========================================

La Universitato de Amsterdamo elektis Wim Jansen docento pri
"Interlingvistiko kaj Esperanto", postsekvanto de eksterordinara profesoro
Marc van Oostendorp, kiu forlasis la katedron en 2001. La nomumo validas de
la 1-a de februaro 2002. Estas formala enfakultata tasko por unu kaj duona
tagoj cxiusemajne. La lekciprogramo pri Interlingvistiko kaj Esperanto kiel
libere elektebla fako ene de la subfakultato pri teoria lingvistiko
komencigxos en septembro 2002 kaj dauxros dum la unua semestro de
2002-2003.

Hans Erasmus
Rete: erasmusz@forigu.worldonline.nl

***************************************************************************

Fama, multlingva ligokolekto en Esperanto
=========================================

En 2001 la retejo de Sveda Esperanto-Federacio registris 1.037.966
vizitojn. Plejmulto de ili vizitis la "Kiosko"-n (kolektejo de cxiulingvaj
gazetoj kaj magazenoj en interreto). Estas gratulinde la agado de la asocio
(kaj la ret-aministranto Franko Luin) kiuj tre lerte propagandas Esperanton
ankaux en la svedlingvaj retpagxoj!

el Ret-Info

***************************************************************************

Ateistoj en Esperanto
=====================

La Unio de Raciismaj Ateistoj kaj Agnostistoj, UAAR, laboranta por la re-
samrajtigo de nekredantoj, aperigas siajn retpagxojn en pluraj lingvoj,
inter ili ankaux en Esperanto, kion ili volonte utiligas por la internaciaj
kontaktoj. La pagxo trovigxas cxe: http://www.uaar.it/uaar /esperanto.htm

laux Ret-Info

***************************************************************************

INTERRETO
/////////

Koncerto de Asorti - cxu cxe vi?
================================

La Esperanta muzikensemblo "Asorti" (plurfoje koncertinta en internaciaj E-
arangxoj, UK-j ktp.) krom la muzikado en Litovio funkciigas ankaux son- kaj
telestudion.

Nun en tiu cxi somero ili sxatus fari someran rondvojagxon tra Euxropaj
landoj kun celo fari retan video"prezentajxon pri Esperantaj lokoj! Por tio
ili uzas porteblan videostudion. La ensemblo pretas ankaux fari koncertojn
- laux interkonsento.
Pli detalaj informoj cxe:

Asorti Edvardas Pishchikas,
Elena Pishchikiene, Draugystes 1-28, LT-4761 Visaginas, Litovio
Rete: asorti@forigu.tts.lt

***************************************************************************

Skoltoj sercxas kunlaborantojn!
===============================

Skolta Esperanto-Ligo, SEL sercxas novan redaktor(in)on por la liga revuo
La Skolta Mondo. Same oni sercxas helpantojn por pligrandigi kaj plibonigi
la Ligon. Oni urgxe bezonas "novan sangon" por revigligi SEL-on.
Interesigxantoj kontaktu:

Hector Campos Grez
Pk. 231, CL-334-000-0 Curico, Cxilio
Rete: esperanto@forigu.terra.cl

***************************************************************************

Lingvaj Festivaloj
==================

Volontuloj sercxataj!

Sercxatas kunlaborantoj por arangxi retpagxojn pri Lingvaj Festivaloj, unu
el la plej grandaj projektoj de Tutmonda Esperanto Junulara Organizo, TEJO
kaj por traduki ties enhavon en la anglan kaj la francan.

Estas atendataj ankaux volontuloj por organizi lingvajn festivalojn.
Interesigxantoj helpi bv. kontakti:

Ekaterina Jevlampieva
Rete: kat-jevl@forigu.cbx.ru

***************************************************************************

INTERRETO
/////////

Filatelia ekspozicio
====================

Cxe la retpagxo http://www.abelo .supereva.it/esperanto.html estas trovebla
dulingva (itala kaj E"a) 60 pagxa ekspozicio de Esperantaj filatelajxoj.

Alessandro Belluci
Via delle Formiche 7, IT-58043 Castiglione Della Pescaia Grosetto, Italio
Rete: abelo@forigu.grifonline.it

***************************************************************************

En Luksemburgio trovigxas firmao kiu vendas kafon kun la marko "Bongusto".
Retpagxo cxe: http://www.menuff.com.
* * *
La retpagxo pri ICQ-listo Esperanto denove (ecx renovigite) funkcias. Gxi
ne nur donas informon pri la uzantoj de la servo ICQ sed ebligas ankaux la
aligxon al la listo. Bv. viziti:
http://esperanto.digiweb.com.br/icq/icqlisto.htm.
* * *
Cxe http://mpovorin.narod.ru/kantaliaj.html estas trovebla E-a karaokeo.
* * *
La galerio de pentrajxoj de la rusa pentristo, filozofo, sciencisto Nikolaj
Rerih troveblas cxe:
http://www.roerich.ee/nr kaj havas ankaux Esperantan parton.
* * *
Retpagxo pri titoloj de mankolisto de Esperanto"bibliotekoj trovigxas cxe:
http://www.xs4all.be/rxotsaert/bib/.
* * *
La rusa, landa retlisto "reu-aktivuloj" cxe yahoogroups.com estas renomita
al "reu-agado".
* * *
La plurlingva senpaga E-programo, La Vortaro de B. Vivier kompletigxis per
la pola versio danke al la kunlaboro de Witold Czerwinski (Vito Redsky).
Gratulojn! Retpagxejo de "La Vortaro": http://la-vortaro.net.
* * *
Interesa retejo trovigxas cxe: http://www.eurplace.org/babel/index.html -
kie inter alie oni povas trovi dudekon da Esperanta traduko de konataj
kanzonoj.
* * *
Estas starigita forumo pri vivo sen mangxado. La foruma retligo estas:
http://livingonlight.org/cgi-bin/YaBB"en/YaBB.pl tie rigardu al: "Salono
Vivo en Lumo en Esperanto".

***************************************************************************

ARANGxOJ
////////

Astronomia Esperanto-stagxo
===========================

La 3-a Stagxo "Astronomio: amatoroj kontribuas" de Astronomia Esperanto-
Klubo, inter 07-14. 09. 2002, en Sankt-Mikaela Observatorio, suda Francio.
La arangxon organizas Astronomia Esperanto-Klubo, AEK, kiu estis fondita
komence de 2000. La stagxo celas eduki la pli vastan Esperanto-publikon pri
la plej antikva scienco - Astronomio.

En la Observatorio funkcias Centro de Astronomio, kiu regule organizas
diversnivelajn stagxojn, akceptas grupojn el diversaj regionoj de Francio,
okazigas konferencojn kaj faman someran Astronomian Festivalon. En la
Centro disponeblas la plej unika speciala teleskopo en Euxropo por
observadi la Sunon.
Pliaj informoj kaj aligxo cxe:

Astronomia Esperanto-Klubo, J. C. Rapley
2 rue du Stade, FR-86410 Bouresse, Francio
Rete: astroek@forigu.yahoo.com
www.esperanto.org/AEK

***************************************************************************

Ferio en Bretonio
=================

En auxgusto 2002 okazas en Bretonio, Francio, en Plouezec pluraj interesaj
Esperanto-arangxoj, kie estas atendataj ankaux eksterlandanoj el la tuta
mondo. Oni povas profundigi sian Esperanto-scion, -kulturon. Okazas
ekskursoj kaj diversaj amuzigaj programeroj.
Pliaj informoj kaj aligxo cxe:

Esperanto 22
4. route de Kervor, FR-22470 Plouzec, Francio
Rete: esperanto.22@forigu.libertysurf.fr

***************************************************************************

Karavano de IJK al UK
=====================

Grupo da junaj brazilanoj decidis kune veturi de Pato Branco, urbo kiu
gastigos la 58-an IJK-n de TEJO, al Fortoleza, kongresurbo de la 87-a UK.
Por gxui tutan semajnon da E"kunvivado kaj ekkoni grandan parton de orienta
Brazilio, ili decidis tion fari en sestaga auxtobusa karavano. Junaj kaj
nejunaj geesperantistoj partoprenos, kiel tradicie en la brazila E-movado,
kaj pliaj estas invitataj.

La veturado okazos plejparte nokte, en ekskluziva kaj komforta buso je
litecaj segxoj. Dumtage la buso kondukos la karavananojn en siaj vizitoj al
kvin interesaj urboj Curitiba, Rio de Janeiro, Porto Seguro, Salvador,
Recife. La programo okazas en Esperanto. De Pato Branco oni ekveturos
dimancxe, la 28-an de julio, kaj al Fortaleza oni alvenos matene de sabato,
la 3-an de auxgusto, antauxtago de la solena malfermo de UK. Pliaj informoj
cxe:

James Rezende Piton
Rete: james.piton@forigu.iname.com

***************************************************************************

IKEF-kongreso
=============

Inter 01-07. 06. 2002. okazas la 54-a Kongreso de Internacia Komerca
Esperanto-Fakgrupo, IKEF en Plovdiv, Bulgario. La programo enhavas
altnivelajn, fakajn erojn. Kompreneble okazas ankaux ripozo, amuzigxo,
ekskursoj kaj aliaj etosigaj programeroj.
Pliaj informoj kaj aligxo cxe:

Roland Rotsaert
Visspaanstr. 97. BE 8000 Brugge, Belgio
Rete: rotsaert@forigu.esperanto.be

***************************************************************************

Kompleta monata kalendaro
=========================

La kompleta jara listo de E-arangxoj dauxre aktualigata de ni, troveblas en
interreto http://www.eventoj.hu . Korektoj, aldonoj estas bonvenaj! Por
ricevi txt-formatan version sendu mesagxon (enhavo ne gravas) al la
auxtomato: kalendaro@forigu.esperanto.org

* * *

01.06. 5-a Kongreso de Kroataj Esperantistoj, Rijeka. Inf: Kroata
Esperanto-Ligo, Kneza Mislava 11, HR-10000 Zagreb, Kroatio. Tel.
+385-1-4617550, fakso +385-1-4619373. Rete: esperanto@forigu.zg.tel.hr
* * *
01-02.06. Esperanto-Renkontigxo "Festo de la Rozoj", Karlovo. Inf: B.
Leonov, Esperinform, p. k. 44, BG-4300 Karlovo, Bulgario. Tel:
+359-335-3933. Rete: leonov@forigu.rozabg.com
* * *
01-07.06. 54-a Kongreso de Internacia Fervojista Esperanto-Federacio en
Plovdiv. Inf: 54-a Kongreso de IFEF, Centra Posxto, p.k. 455, BG-4000
Plovdiv, Bulgario. Tel: +359"32-267912, +359-32-441437, fakso:
+359-29-874541. Rete: bdz"intrel@forigu.bbf.bg
* * *
01-08.06. Ferio-semajno "Rozo-2002", Karlovlo. Inf: B. Leonov, Esperinform,
p. k. 44, BG-4300 Karlovo, Bulgario. Tel: +359-335-3933. Rete:
leonov@forigu.rozabg.com
* * *
02-04.06. Religia Turismo - mondkonata Pentekosto en Miercurea-Ciuc
(Csikszereda). Inf: Jolanda Jozsi, str. Brinduselor 92 bl. 41A sc.C ap33,
et.8, RO-2200 Brasxov, Rumanio.
* * *
06-12.06. Postkongreso Nesebar. Inf: 54-a Kongreso de IFEF, Centra Posxto,
p.k. 455, BG-4000 Plovdiv, Bulgario. Tel: +359-32-267912, +359-32-441437,
fakso: +359-29-874541. Rete: bdz-intrel@forigu.bbf.bg
* * *
08-16.06. 24-a Cxebalta Esperantista Printempo en Mielno. Inf: Pola
Esperanto-Asocio, skr. 30, PL-75-016 Koszalin, Pollando. Tel:
+48-094-3404563 (petu s-ron Baranowski)
* * *
11-16.06. Ekoturisma renkontigxo en Kvilda, Sxumava-montaro, Cxehio.. Inf:
Petro Chrdle, Anglicka 878, CZ-252 29 Dobrichovice, Cxehio. Tel.:
+420-2-9912201, fakso: +420-2-9912126. Rete: chrdle@forigu.kava-pech.cz
* * *
12-19.06. 12-a Euxropa Esperanto-Forumo, 2-a Internacia Seminario por
Euxropa Integrigxo, Buselo. Inf: Marcel Delforge, 16 rue des Glacieres,
BE-6001 Charleroi, Belgio.
* * *
14-16.06. Turisma Renkontigxo en Plasy (norde de Plzen). Inf: Vaclav
Kapral, CZ-331 51 Kaznejov 252, Cxehio.
* * *
15-22.06. Folkloraj Renkontigxoj, Sxakturniro en Sxibenska Rogoznica. Inf:
Zelimir Pehar, 14 Boronia Av., Dandenong North, Vic. 3175, Auxstralio. Tel:
+61-3-97130011. Rete: zpehar@forigu.yahoo.com
* * *
17-23.06. Surmara turismado en Constanta. Inf: Jolanda Jozsi, str.
Brinduselor 92 bl. 41A sc.C ap33, et.8, RO"2200 Brasxov, Rumanio.
* * *
18-22.06. Altnivela lingvokurso kun muziko en Bouresse. Inf: Kvinpetalo,
Esperanto-Centro, FR-86410 Bouresse, Francio. Tel/faksilo:
+33-(0)549428074. Rete: kvinpetalo@forigu.club"internet.fr

***************************************************************************

                             R e t - I n f o :

                        w w w . e v e n t o j . h u

***************************************************************************

MOVADO
//////

Jacques Chirac pri Esperanto
============================

La 15-an de aprilo 2002 Jacques Chirac prezidanto de Francio skribis jenon
al Vincent Charlot, konata franca esperantisto:

Kara Sinjoro,

Vi bonvolis altiri mian atenton pri la problemo de Esperanto, kaj mi dankas
vin pro tio cxar, kiel vi jam scias, temas pri afero pri kiu mi estas
sincere favora.

Ecx se pro kialoj kiujn vi facile komprenos, mi deziras antaux cxio min
dedicxi al la defendo de la francparolantaro, mi havas profundan simpation
por Esperanto kaj la humanista projekto kiu direktis gxian kreigxon kaj kiu
pli ol iam ajn animas gxiajn hodiauxajn defendantojn.

Mi opinias miaflanke, ke la progresado de Esperanto, en la respekto de la
kultura diverseco, kiu estas nedisigebla de gxi, estus potenca faktoro de
harmonio kaj komprenigxo inter la popoloj.

Estas tute sendube ke, se la sorto de la urnoj estos al mi favora, mi
submetos al la venonta registaro, kaj aparte al la ministro de la nacia
Edukado, la demandon pri gxia inkludado kiel elektebla lernobjekto en la
abiturienta ekzameno, aparte pro la deziroj esprimitaj fare de la
gelernantoj kaj gepatroj, kaj pri la ebleco varbi suficxe da kompetentaj
ekzamenantoj.

Mi petas vin kredi, Kara Sinjoro, je la esprimo de miaj plej bonaj sentoj.

Plej kore
Jacques Chirac

***************************************************************************

Igxu B-komitatanoj de TEJO
==========================

La limdato por sendo de kandidatigxoj estis novfiksita al la 31-a de majo
2002 anstataux la antauxe anoncita 31-a de marto.

Dezirantoj igxi komitatanoj B de TEJO bv. sendi leterojn indikante:
- personajn datumojn (nomon, naskigxdaton, retan kaj posxtan adresojn,
  telefonnumeron);
- biografion kaj priskribon de viaj celoj en la movado (maks. 100 vortoj);
- subtenajn leterojn aux subskribojn de min. kvin individuaj membroj de TEJO
  el min. du landoj.

La leteroj devas alveni plej laste gxis la 31-an de majo 2002 al:

TEJO
Nieuwe Binnenweg 176, NL-3015 BJ Rotterdam, Nederlando
Rete: ghen.sek@forigu.tejo.org

***************************************************************************

Amikeca Reto 2002-2003
======================

Aperis la nova eldono Amikeca Reto 2002-2003 kun pli ol 400 adresoj en 54
landoj. Novaj celolandoj aperas en la katalogo kiel Auxstrio, Urugvajo aux
Filipinoj. Estas notinde la forta apero de afrikaj landoj kiel Ganao,
Togolando kaj Senegalio. La adresaro estas akirebla cxe kutimaj libroservoj
kaj cxe la perantoj de Amikeca Reto kontraux 10 Euxroj.
Pliaj informoj cxe:

Amikeca Reto
88, rue Victor Hugo, FR-37400 Amboisek, Francio
Rete: a.reto@forigu.france-association.com

***************************************************************************

Nacia  novajxagentejo pri Esperanto en Brazilio
===============================================

Brazila Esperanto-Ligo, pere de sia sekcio pri komunikado, kreis
novajxagentejon por liveri informojn pri Esperanto al cxiuj jxurnaloj,
revuoj, radi- kaj televid-satacioj en Brazilo. Komence oni limigas sin al
jxurnaloj, kaj post la prilaborado de adresoj oni etendigas gxin al revuoj,
radi- kaj televid"stacioj. La informoj estas dissenditaj nur al la
periodajxoj havantaj elektronikan adreson.

Brazila E-Ligo
Rete: bel@forigu.esperanto.org.br

***************************************************************************

Nova oficisto en la Centra Oficejo
==================================

La 32-jara Joost Witteveen el Nederlando eniris la teamon de la Centra
Oficejo de UEA kaj TEJO en Roterdamo. Joost estas doktoro pri fiziko kaj
sperta komputilisto; lia tasko estas prizorgi kaj modernigi la
komputilaron.

el TEJO-Aktuale

***************************************************************************

Hungara movado dauxre dispartigita
==================================

La 27-an de aprilo okazis reelekta asembleo de Hungaria Esperanto-Asocio,
kie krom unu membro estis reelektita la antauxa estraro.

Oszkar Princz la gxisnuna sekretario malgraux siaj antauxaj deklaroj kaj la
anticipaj interkonsentoj tamen ne retirigxis.

La hungaria movado dauxre restas dispartigita. En Budapesxto ekzistas 2
movadaj centroj: tiu de HEA kaj de Budapesxta E-Domo. En cxi lasta rezidas
Kultura E-Asocio, la redakcioj de Eventoj kaj Ret-Info, Fondajxo Esperanto
kaj Hungaria E-Junularo (landa sekcio de TEJO).

Laszlo Szilvasi
Rete: szilvasi@forigu.eventoj.hu

***************************************************************************

Esperanto-biblioteko por publiko
================================

Kolekto de pli ol 40 000 Esperanto-libroj de Karoly Fajszi estis malfermita
por la tuta publiko en biblioteko en Budapesxto, Hungario. Cxiuj povas
foliumi Esperanto-librojn en la Nacia Biblioteko de Malnovaj Libroj. La
katalogo estas publikigota ankaux en interreto.

Pri la okazajxo aperis artikolo ankaux en Associated Press la 11-an de
aprilo.

laux Daffydd ap Fergus

***************************************************************************

Malferma Tago en CO de UEA!
===========================

En la Centra Oficejo 27. 04. 2002 estis akceptita 62 esperantistoj. La nova
direktoro Trevor Steele havis kiel prelegogastojn i.a. David Ferguson, kiu
parolis pri la brusela komunikadcentro kaj lingvopolitiko, kaj mag. Herbert
Mayer el Vieno. Mayer de Internacia Esperanto-Muzeo parolis i.a. pri gxia
eldonado. Cetere oni montris novajn videofilmojn de Roman Dobrzinski.

el Nun

***************************************************************************

Esperanto-monumento, - placo, - kafejo!
=======================================

Indas foje fari ekskursan viziton al ZEO-j en Graz, Auxstrio. Ne estas
vaste konate, ke urbocentre en la Placo Esperanto staras la Jubilea
Monumento de E-o (Paul Neergaard, 1987), kaj tuj flanke malfermigxis ankaux
"Kafejo Esperanto".

***************************************************************************

Granda varbado kaj Esperanto
============================

Dum la tuta februaro 2002 sur 400 eksteraj tabuloj en la plej grandaj polaj
urboj oni prezentis afisxon de Paulina Orlowska titolitan "Cxu vi parolas
Espernton?" La verkon oni vidigos ankaux sur 30 mil senpagaj posxtaj
bildkartoj distribuotaj en publikaj lokoj.

Silezia Esperanto-Asocio
Str. Dubois 3/1 PL 50-208 Wroclaw, Polio
Rete: vroclavo@forigu.poczta.onet.pl

***************************************************************************

Intervjuo en la slovaka televido
================================

La tutlanda slovaka informa TV-kanalo TA3 (simila al CNN) faris intervjuon
kun Stano Marcxek, redaktoro de la revuo Esperanto, pri niaj lingvo kaj
movado. Gxi estis elsendata la 14-an de aprilo, 85-a datreveno de la morto
de L.L. Zamenhof, cxiun duonhoron, dum la tuta tago, enkadre de la
ripetataj TV"novajxoj.

el [esper-inform]

***************************************************************************

UEA plendas kontraux lingva diskriminacio
=========================================

UEA plendas cxe Euxropa mediatoro Jacob Soderman kontraux lingva
diskriminacio en internaciaj organizoj

Euxropaj organizoj rezervas pli kaj pli da postenoj, oficiale malfermitaj
al cxiuj civitanoj, al denaskaj parolantoj de la angla. Nur tiuj homoj,
kiuj denaske scipovas la anglan, cxu apartenantaj al sociaj elitoj, cxu
apartenantaj al anglalingvaj nacioj kaj landoj, povas kandidatigxi por
multaj postenoj Euxropaj kaj en internaciaj organizoj. "Ni nun havas liston
de 400 diskriminaciaj dunganoncoj fare de Euxropaj organizoj kaj firmaoj en
Bruselo. En la tuta mondo estas multe pli da tiaspecaj anoncoj," klarigas
Renato Corsetti (la prezidanto de UEA).

Euxropa Komisiono agnoskas la juran problemon. "Postuli denaskan scipovon
de la angla povas esti konsiderata kiel diskriminacia," opinias Anna
Diamantopoulou, membro de Euxropa Komisiono respondeca pri laboro kaj
egalaj sxancoj. Respondante al demando de itala Euxropa parlamentano
Vitaliano Gemelli, ankaux membro de Euxropa Komisiono Viviane Reding,
respondeca pri kulturo kaj edukado, agnoskis kazon de lingva diskriminacio
cxe la Komisiona oficejo por la Euxropa programo Sokrates, Leonardo kaj
Junularo. Laux UEA lingva diskriminacio estas grava atako kontraux la dua
artikolo de la Universala Deklaracio de Homaj Rajtoj.

UEA bedauxras ke Euxropa Komisiono gxis nun oficiale nur agnoskas
respondecon por Teknikaj Helpoficejoj, organizoj rekte dependaj de la
Komisiono. "Tamen Euxropa Komisiono financas amason da Euxropaj organizoj
kiuj regule dunganoncas nur por denaskaj parolantoj de la angla." Ekde du
jaroj, UEA kune kun Euxropa Esperanto-Unio (www. lingvo.org) sekvas lingvan
diskriminacion cxe internaciaj organizoj kaj firmaoj. Multaj dunganoncoj
por denaskaj parolantoj de la angla estas faritaj de Euxropaj organizoj
financitaj plene aux parte de Euxropa Komisiono. Preskaux neniam aperas
dunganoncoj por denaskaj parolantoj de aliaj lingvoj.

"Spite al multaj neoficialaj plendoj en la Euxropa Parlamento, Euxropa
Komisiono ankoraux financas amason de Euxropaj organizoj en Bruselo, kiuj
rezervas postenojn por denaskaj parolantoj de la angla," diras Corsetti.
"Ekde la komenco de la jaro kvindeko de gravaj Euxropaj organizoj rezervis
postenojn por denaskaj parolantoj de la angla. Inter ili estas ecx oficiala
servo de Euxropa Komisiono - la projekto "Jean Monnet" kiu promocias la
Euxropan "spiriton" cxe universitatoj."

Pasintjare, dum la Euxropa Jaro de Lingvoj, klare sonis kondamnoj de lingva
diskriminacio, interalie de la belga ministrino Laurette Onkelinx,
respondeca pri egalsxancoj, kaj diversaj anoj de Euxropa Komisiono (listo
de parlamentaj demandoj). Tamen la praktiko dauxras en 2002 kaj Euxropa
Komisiono dauxre financas tiajn organizojn en Bruselo, kiuj rezervas
postenojn por denaskaj parolantoj de la angla. Nun la prezidanto de la
Universala Esperanto-Asocio, prof. Renato Corsetti oficiale plendas pri
lingva diskriminacio al la Euxropa Mediatoro, Jacob Soderman (www.euro-
ombudsman.eu.int)."La cxefa celo de la oficiala plendo estas kontrauxi
diskriminacion surbaze de la denaska lingvo fare de internaciaj organizoj,
t.e. la postulo ke kandidatoj denaske scipovu la anglan."

"Multaj politikistoj ne volas neuxtralajn kaj egalajn solvojn kiel,
ekzemple, Esperanton. Tamen ili devas respondi al kaj respondeci pri la
kreskanta problemo de lingva diskriminacio kontraux nedenaskaj parolantoj
de la angla," klarigas Corsetti. Li tute ne estas kontenta ankaux pri la
lasta respondo E-3572/01 de Anna Diamantopoulou, ano de Euxropa Komisiono
respondeca pri sociaj aferoj. "Sxi nun permesas al Euxropaj organizoj
postuli "English mother tongue or equivalent" (La angla denaske aux
samnivele). Kompreneble, tio estas la samo kaj fakte signifas, ke Euxropaj
organizoj nun nur invitos denaskajn parolantojn de la angla."

La plendo pri lingva diskriminacio fare de Universala Esperanto"Asocio
celas ke la Euxropa Komisiono:

1) agnosku la diskriminacian naturon de diverstipaj dunganoncoj, kiuj estas
   oficiale malfermataj al cxiuj civitanoj, sed neoficiale rezervataj al
   denaskaj parolantoj de la angla ["English mother tongue", "English native
   speaker", "English mother tongue or equivalent", ktp].

2) certigu ke gxi ne plu financos tiujn organizojn kaj firmaojn, kiuj
   diskriminacias kontraux nedenaskaj parolantoj de la angla.

3) studu kaj esploru rimedojn kaj metodojn eviti lingvan diskriminacion
   fare de organizoj plene kaj parte financitaj de gxi.

La oficiala plendo cxe la Euxropa Mediatoro rilatas nur al tiuj
dunganoncoj, kiuj postulas denaskan scipovon de la angla. "Tamen ecx pli da
Euxropaj organizoj, kaj centoj da firmaoj laborante kun Euxropa Komisiono
en Bruselo, postulas "perfektan" scipovon de la angla kaj poste nur invitas
denaskajn parolantojn de la lingvo de Sxekspiro," klarigas Corsetti.
Euxropa Komisiono ankoraux insistas ke lingva diskriminacio fare de
Euxropaj organizoj, ecx se plene financataj de Euxropa Komisiono, estas
"nur" belga problemo pro tio ke Euxropaj organizoj kaj firmaoj estas
konstituataj laux belgaj legxoj.

"Oficistoj cxe Euxropa Komisiono bone komprenas ke belgaj inspektoroj havas
nek monon nek tempon por solvi la problemon de lingva diskriminacio fare de
Euxropaj organizoj en Bruselo."

Dafydd ap Fergus,
Komunikadcentro de Euxropa Esperanto-Unio
Rete: kontakto@forigu.lingvo.org

***************************************************************************

                   F l e g i s t i n o   s e r cx a t a !
                   ======================================

Por parttempa flegado kaj vartado de miaj malsanaj gepatroj mi sercxas
findindan helpantinon por certa tempo laux interkonsento. Cxambro kun dusxo
kaj necesejo estas disponebla. Esperanto-bilbliotekto, ktp. estas je
dispono.

         Necesas la scipovo de la lingvoj Esperanto kaj la germana.

                         Pagado laux interkonsento.

                    Ni atandas vian baldauxan respondon.

                                Peter Zilvar
                             Grubenhagenstr. 8
                    DE-37412 Herzberg am Harz, Germanio
                         Tel. + Fax: +49-5521-1363
                          Rete: zilvar@forigu.t-online.de

***************************************************************************

REAGOJ
//////

Kial temis (ankaux) pri Argentino?
==================================

En historio de juda popolo estis decidaj jaroj la antauxa jarcentsxangxo.
En la historio ludis grandan rolon d-ro Teodoro Herzl, la kreinto de
interncia cionisma movado.

Teodoro Herzl naskigxis en Budapesxto. Li doktorigxis pri juro, sed la
nigran talaron li forlasis kaj farigxis jxurnalisto. Li vojagxis multe kaj
sendis raportojn al gazetoj, en Vieno kaj Berlino teatroj ludis liajn
teatrajxon. Onidire li estis okulfrape impona viro kaj vivis belan
senzorgan vivon. Gxis ekplodis Dreyfuss-proceso, kiu funde sxangxis ankaux
lian vivon. Li konsciigxis pri la malamego, kiun la judoj spertas vidante
sur starto kontrauxjudajn manifestojn. Sxokis lin la fakto, ke li auxdis
kontrauxjudajn elkriojn el tiu lando, kie la judoj ricevis nelimigitajn
rajtojn jam antaux unu jarcento.

Tiam li ekagis. Li ekverkis la libron, kiu farigxis vojmontrilo kaj funda
dokumento por 15 milionoj judoj: "La Juda Sxtato". La libro aperis en 1896.
Por realigi la revon li bezonis apogon de ricxaj homoj. Li komencis
persvadi ricxajn kaj potencajn judojn, kun malmulta rezulto. Por ricxuloj
ne estis tro alloga rekomenci la vivon en dezerto de Palestino, fari ion el
nenio. La pariza, berlina, londona kaj viena cxefrabenoj, ecx la ricxa
barono Hirsch, kiu acxetis terojn en Argentino por la malricxuloj por
ebligi al ili memstaran vivon, rifuzis la helpon. La juda rucxularo akuzis
lin falsa Mesio. Por rebati la akuzojn kaj fari organizojn, Herzl kunvokis
kongreson. Tiu kongreso estis la unua okazo, ke al cxiuj partoj de la mondo
dispelita popolo renkontis.

La eho de la evento estis grandega. Kiel komisiito de la kongreso, Herzl
jam povis realigi kontaktojn al diplomatiaj kanaloj. Sed la politiko neniam
estis io bonfara organizajxo. La helpo dependas cxiam de la intresoj.
Germanio, Britio, Turkio... kun kunplektigxo da diversaj interesoj. La
germana Vilhelmo la 2-a intervenas por Herzl cxe turkoj. Turka sultano ecx
ne konsideras Palestinon, li proponas alian teritorion en Malgranda Azio.
En Egipto plena rifuzo. Proponoj de potenculoj por la nova patrujo malsamis
ol Palestino. Li vojagxas de regxo al regxo, ecx al la papo, el unu lando
al alia. Dum la sesa kongreso s-ro Herzl devas elteni riprocxojn, ke
anstataux la Promesita Tero li proponas afrikan stepon aux transmaran
landon. Ili jxuris iri nur al Jerusalemo.

D-ro Teodoro Herzl vekis popolon, montris al ili eliron el plurjarmila
sufero. Ekde la apero de lia verko La Juda Sxtato la tuta judaro parolis
pri la nova patrio. Cxu estas mirinde, ke ankaux Zamenhof mencias unu el la
eblaj lokoj de lando de judoj - el kiuj plej konkreta en 1901 estis

Argentino? Des pli, ke li konsciis pri la lingva faceto de tia komunumo,
kiu kolektigxas el cxiuj partoj de la mondo. Estas tute kompreneble, ke
Zamenhof pensis pri nova lingvo de sia popolo.

Istvan MeszarosP.S. D-ro Teodoro Herzl: La Juda Sxtato, 1934. eld.
Literatura Mondo, Budapest

***************************************************************************

INSTRUADO, ILEI
///////////////

AIS-Sesio dum la 3-a Azia Kongreso, 2002, Seulo
===============================================

Akademio Internacia de la Sciencoj San Marino, AIS, oficiale registrita en
la Respubliko de San Marino, okazigas fakajn konferencojn, kursojn kaj
ekzamenojn por titoloj de bakalauxro, magistro kaj doktoro.

AIS-sesio (3 kursoj) okazos unua foje en Azio dum la 3-a Azia Kongreso de
Esperanto, inter 23-26. 08. 2002, en Seulo, Koreio, en la kongresejo. La
prelegantoj estas bone konataj profesoroj en

koncernaj fakoj. La kursano ricevos atestilon po cxiu kurso, kio validas 1
studunuon, se la kursano aligxas kiel AIS"studento.

Okazas prelegoj pri "Informaciteorio kaj Komunikadkibernetiko", "Socialismo
kaj Ekonomia Evoluo", "Nova Progreso en Medicino por Mensmalsano",
Pliaj informoj cxe:

ADoc. Mag Joanna Lewoc
Karl-Schwarzschild-Weg 6/317, DE-37077 Gottingen, Germanio
Rete: blewo1@forigu.hrz.uni-paderborn.de

***************************************************************************

RADIO
/////

Polaj elsendoj
==============

Esperanto-Redakcio de Radio Polonia dissendas cxiutage sian elsendon je
13:30 h (laux la Universala Tempo) (41 m 7285, 7275 kHz) kun la ripetoj je
18:00 h (42.07 m. = 7130 kHz), 19:00 h (nur satelite) kaj la sekvan tagon
je 09:30 h nur per satelito. (Ripeto de la programo dissendita la antauxan
tagon). Post la ripeto je 09:30 la elsendo estas auxdebla en reta versio.
La satelita ricevo estas ebla per: Eutelsat II F - 6 - Hot Bird - 13 gradoj
de la orienta latitudo; frekfenco 11,474 GHz, polarizado horizontala (H);
subportanto 7,38 MHz.

La adreso por retaj auxskultantoj: http://www.wrn.org/ondemand/poland.html.

E-Reakcio de Radio Polonia
Rete: esperanto.redakcio@forigu.radio.com.pl

***************************************************************************

MUZIKO
//////

Verdstelaj Brazilajxoj
======================

Aperis albumo de brazila Esperanto-kantisto Tarcisio Lima kun la titolo
Verdstelaj Brazilajxoj. Temas pri 13 originalaj, famaj, brazilaj kantoj
prezentitaj kun bela akustika muziko en la Internacia Lingvo, Esperanto. La
albumon eldonis Universala Esperanto-Asocio, UEA kaj Brazila Esperanto-
Ligo, BEL. Oni povas auxskulti kanton pri "Cxio dolor'", kaj pri "Kara
kor'" sed ankaux aliaj gravaj aferoj, demandoj de la vivo estas
pri"traktataj en kantoj. La disko estas mendebla cxe la grandaj libroservoj
i. a. cxe:

Libroservo de UEA
Niuwe Binnenweg 176. NL-3015 BJ Rotterdam, Nederlando
Rete: libroservo@forigu.co.uea.org

***************************************************************************

LIBROJ
//////

Vortarego Esperanto-Germana
===========================

La gxis nun supozeble plej granda iam ajn eldonita vortaro Esperanto-nacia
lingvo aperis en 1999. La prestigxa lingvistika eldonejo Helmut Buske
Verlag Hamburg aperigis la vortaregon. La 882-pagxa, klarlitere kaj dense
presita vortaro enhavas pli ol 80 000 artikolojn kaj lingvajn esprimojn en
Esperanto kun siaj germanaj ekvivalentoj. La vortaro havas dulingvajn
antauxparolojn (germana, Esperanto), instrukciojn pri la uzo de la vortaro,
listojn de mallongigoj kaj uzita literaturo. La lingva materialo
konsiderinde superas tion de la Plena Ilustrita Vortaro de Esperanto (PIV).

La Vortaro ne nur registras la cxiutagan lingvon, sed ankaux prezentas
multan faklingvan materialon el plej diversaj sciencaj kampoj. La vortaro
sendube estas utilega ankaux por nekonantoj de la germana lingvo. Cxiu
serioza germana esperantisto devus posedi tian vortaron, se li/sxi vere
volas kiom eble plene eluzi kaj majstri la lingvon.

La nova libro estos havebla kontraux cx. 78 markoj

(cx. 39 euxroj) cxe UEA aux aliaj libroservoj. Oni ankaux povas rekte mendi
cxe la eldonejo, kiu liveras en cxiujn angulojn de la mondo:

Helmut Buske Verlag
Richardstr. 47, DE-22081 Hamburg
Rete: buskepubl@forigu.aol.com

***************************************************************************

MALLONGE
////////

Ofte aperas en favora, centra loko en la surstrataj ekranoj de la Usona
Biblia Instituto en la fama strato Brodway de New York la skriboj "La
vorto" kaj la komenco de la biblio "En la komenco...".
* * *
Inter 08-16. 02. 2003 estas planata seminario por interesigxantoj
envolvigxi en agadon pri infanoj kaj igxi infangvidantoj de Internaciaj
Infanaj Kongresetoj. Interesigxantoj kontaktu: David-Emil Wickstroem, rete:
wicki@forigu.gmx.at.
* * *
Estis inauxgurita nova ZEO en placo Esperanto en Karagmatatubo, norda
marbordo de provinco San Paulo cxe Brazilo la 28-an de aprilo. La artajxo-
skulptajxon faris Juliano Junqueira, laux mendo de Karagmatatuba
Esperanto"Grupo.
* * *
Hans Bakker, esperantisto, fame konata pro Afrika Agado, ricevis honorigon
"Cxevaliro" en la Ordo de Orangxo"Nasovo. La transdonado okazis en urbodomo
de Amsterdamo, Nederlando. La medalon s-ro Bakker ricevis por socia agado,
kampanjo "Amik' en Afrik".
* * *
Urbestro de kroatia urbo, Kostrena, Miroslav Uljan la 2-an de majo 2002
akceptis delegacion de Esperanto-Societo Rijeka por informigxi pri Alp-
Adria Konferenco, Mezeuxropa Konsultigxo kaj Konkurso pri Esperanto de
lernejanoj.
* * *
Kroata Esperanto-Ligo petis financan helpon de Usona Ambasado en Kroatio
por kovro de vojagxkostoj el Usono al Kroatio por Humphrey Tonkin en
oktobro 2002. Tonkin prelegus en oktobro en Universitatoj de Zagreb kaj
Split pri Shakespeare kaj prezentus la libron Eseoj omagxe al d-ro Ivo
Lapenna en la Jura Fakultato kie Lapenna instruis kaj konigus sian libron
pri la vivo de familio Soros en Budapesxto dum la Dua mondmilito.
* * *
La Baden-Vurtembergia Esperanto-Ligo, BaVELo, landa organizo de Germana
Esperanto-Asocio, okazigis la 27-an de aprilo 2002 sian jarkunvenon en
Konstanz.
* * *
Estas acxeteblaj en aparta angulo "Budo Esperantista" Esperantajxoj en
populara librovendejo "LEYP" en Valensa, Brazilio. La afero estas parto de
kampanjo de Brazila Esperanto-Ligo, BEL.

***************************************************************************

ANONCETO
////////

La 1-an de marto 2002 cxesis funkcii la eldonejo Bambu Ltd, Varna, eldonejo
de la revuo AmUzE. Sabira Stahlberg forlasis Bulgarion pro nova laboro
komence de marto kaj estas atingebla provizore nur rete.
* * *
Nova retposxta adreso de la franca-hungara komputila firmaeto, AbonaSoft
estas: abonasoft@forigu.pro.hu.
* * *
La 21-an de februaro forpasis Manfred Fohrer (nask. 1933), longtempa
libroservisto de Germana E-Asocio, peranto de revuoj kaj lastatempe
instruisto en interretaj kursoj. Li estis ankaux membro de la delegita reto
de UEA por Eschborn kaj gastiganto de Pasporta Servo en Germanio.

***************************************************************************

KORESPONDI DEZIRAS
//////////////////

46 j. komencanto. Interesoj: danco, muziko (Rock n roll, Blues, Jazz,
Country), naturo-protektado. Adreso: Guy Philippe, 5, Route Nationnale,
FR-25220 Roches lez Beaupre, Francio.
* * *
44 j. kemiistino. Interesoj: historio, turismo, alpinismo, muziko,
gobelinoj. Adreso: Dochka Dolapchieva, Bol. "Nikola Petkov" 13, Ap. 48,
BG-6100 Kazanlak, Bulgario, rete: d_dolapchieva@forigu.hotmail.com.
* * *
Instruisto. Adreso: Luis Cordova, Copilco 300, ed 12, dep 4, Col Copilco
Universidad, 04360 Del Coyoacan, Mexico DF, Meksikio, rete:
luismexicali@forigu.hotmail.com.
* * *
46 j. tradukisto. Interesoj: pianoludado, klasika muziko, literaturo,
sciencfikcio, verki esperante, aliaj kulturoj. Adreso: Paul Hanks, 36
impasse Jean Guehenno, FR-42153 Riorges, Francio, rete: galt42@forigu.aol.com.
* * *
19 j. frauxlo. Interesoj: poezio, biciklo, fotografio, piedpilko,
filozofio, lingvoscienco kaj gitaro. Adreso: Alexandre Gravel-Raymond, 6645
Wilderton, Montrealo, Kebekio, Kanado H3S 2L8, rete: alex_grrr@forigu.iquebec.com.
* * *
20 j. studentino. Interesoj: muziko, vojagxado, alilandaj kulturoj. Adreso:
Zanja Manojlovicx, Drage Tojic Gange 5, BA-49000 Brcko Distrikt Bosnio kaj
Hercegovino, rete: zanjulino@forigu.yahoo.com.
* * *
70 j. pensiulo. Interesoj: filmoj, ludi golfon, kaj legi librojn. Adreso:
Makoto Honda, posxtonombro 273-0852 2-2-29"303 kanasugi-dai, Funabashi,
Chiba, Japanio, rete: honda0113@forigu.mx9.ttcn.ne.jp.
* * *
58 j. instruistino kaj 56 j. instruisto. Interesoj: legado, vojagxado,
dokumentaj filmoj, cxirkauxdomaj laboroj. Adreso: Berthe Choulet, Le Mont
Bichoux, FR-25640 Villers Grelot, Francio.

***************************************************************************

INTERESE
////////

Tagoj de la Semajno
===================

Kiam oni parolas pri la unua tago de la semajno, la angloskala kulturo
konsideras ke gxi estas dimancxo, la mediteraneaj landoj diras, ke gxi
estas lundo kaj por la muzulmanoj, gxi estas sabato. Defini tion kio estas
tago ne estas facila, cxar la koncepto de tago kiel dudek kvar horoj estas
moderna, kaj multaj lingvoj, anstataux adopti tute novan vorton por
priskribi tiun periodon, dauxre uzis la vorton "tagon" - kiu, por pli
multaj el ili komencis kiam la suno aperia kaj, do, gxia dauxro variis je
la malsamaj epokoj de la jaro.

La anglaj kaj germanaj nomoj por tagoj de la semajno devenas el
Skandinavio, kie origine kvin-taga semajno estis uzita. La skandinavoj
bazis sian mitologion sur la greka kaj romia -tiel, Woden kaj Merkuro
ambaux estis dioj de la milito, kaj Friggs kaj Venuso, ambaux diinoj de la
amo. Hodiaux, en Islando, Svedio kaj Danio, sabato ankoraux estas konata
kiel "bantago" (Laugardagur, Loerdag), cxar kelkaj triboj ne povis trovi
teuxtonikan ekvivalenton por la romia honorado al Saturno - la dio de la
agrikulturo. La problemo estis solvita kiam ili vidis ke la romiaj soldatoj
banigxis je tiu tago!

La sep taga semajno devenis el okcidenta Azio, gxi disvastigxis al Euxropo,
kaj poste al norda Afriko. En aliaj partoj el Afriko, oni trovas tri, kvar,
kvin, ses kaj ok tagajn semajnojn. La nombro de la tagoj korespondas al la
nombro de malsamaj merkatoj je malsamaj tagoj en unu areo, fakte, longa
vorto por "semajno" estas la sama kiel por "merkato".

Ne cxiuj lingvoj havas specialajn nomojn por la tagoj de la semajno. En
aliaj multaj Afrikaj lingvoj, ekzemple Svahila, ili simple diras "unua
tago", "dua tago", ktp. Tamen, ilia unua tago ne cxiam korespondas al nia
unua tago, kaj gxi ofte estas sabato. Plimultaj antikvaj civilizacioj -
egipta, babilona, majaa, cxina ktp. - ne havis koncepton de semajno,
kontrauxe, ili havis ciklojn de tagoj - dudek tagoj por la majaaj kaj la
aztekaj, anstataux la Euxropaj sep tagoj.

Maria Jose Alvarez Faedo

***************************************************************************

Ni ludu!
========

Superfluaj literoj

Kion oni povas fari se unu litero mankas al la antauxa vorto?

Oni povas krei novan vorton:
- broso - roso;
- bruli - ruli;
- disko - kiso;
- dogmo - domo;
- kurso - urso;
- okulo - kulo;
- kvadranto - kvadranto
- kastri - stari;
- kerno - reno;
- kovri - kovi;
- koliko - kliko;
- komploto - kompoto;
- konto - koto;
- floro - rolo;
- foiro - orfo;
- frako - fako;
- kora - ora;
- formo - moro;
- fonto - foto;
- formala - morala;
- frazo - razo;
- fulmo - ulmo;
- fulmo - lumo;
- fumo - umo;
- forno - fono;
- marcxo - maro;
- macxo - amo;
- masko - sako;
- meblo - melo;

el Infosel, febr/2001

***************************************************************************

Cxu angligxontaj gazetoj?
=========================

Multaj anglalingvaj gazetoj favore komentas la decidon de la gazeto "Le
Monde" - ofte konsiderata kiel referenca en Francio - aperigi kromajn
pagxojn el "New York Times", dum protestoj de legantoj venas amase, ne nur
el Francio, kontraux tiu decido. Estas evidente ke tiu devojigxo, se gxi
restos sen energia rebato, instigos ankoraux pli al gxenerala angligo de la
tuta mondo kaj al ties vasaligo. Certe aliaj amasinformiloj observas la
evoluon de tiu iniciato.

Germana leganto, kiu nuligis sian abonon al "Frankfurter Allgemeine
Zeitung", skribis i.a.: "Mi jxus eksciis ke Le Monde aperigas usonlingvan
suplementon por plue pusxi la kompletan usonigon kiun ni eltenas nun en
Euxropo kaj en la tuta mondo (...) Mi ne estas preta subteni tiun
katastrofan tendencon per mia mono. Mi konsideras la internacian usonan
kiel la malamikon n-ro 1 de la multlingveco, de la multkultureco kaj de la
lingva justico (kiu estas Homrajto)..."

"Le Monde" sentis sin flatita ke la tre konservativa gazeto "The Daily
Telegraph" dedicxis atenton pro tiu decido en sia editorialo, en la franca,
de la 5-a de aprilo! Gxi ecx fieris pro tio ke tiu gazeto - kiu malestimas
la francojn! - aludis en sia titolo pri nova "franca revolucio"!
Reagoj estas bonvenaj, precipe adresitaj al:

Jean-Marie Colombani
Le Monde
21 bis, rue Claude-Bernard. FR-75242 Paris Cedex 05, Francio

***************************************************************************

Longeco
=======

- Kial vi sxatas la malpli longajn historiojn?
- Cxar ili estas la plej mallongaj.

el Anekdotoj-en-Esperanto

**************************************************************************
**************************************************************************

EVENTOJ, n-ro 229, 2 /aprilo-2002
Internacia sendependa gazeto pri la Esperanto-movado.
Reg.nr: B/TSZL/85/1991. ISSN 01215-959 X

Eldonas LINGVO-Studio kaj Kultura Esperanto-Asocio.
HU-1675 Budapest, pf. 87.
Tel./fakso: +36-1-2828885. Retposxto: oficejo@forigu.eventoj.hu
Retpagxo: http://www.eventoj.hu/
Aperas dusemajne.

Redaktas: Axel Orszag-Krysz
Respondeca eldonanto kaj cxefredaktoro: Laszlo Szilvasi.
Oficeja kunlaboranto: Istvan Meszaros
La redakcio ne nepre konsentas pri la enhavo de unuopaj artikoloj, 
kaj ne respondecas pri la anonc-enhavoj.
Abonkotizo: 74 NLG (aere 86 NLG) al la UEA-kodo ELLS-S.

**************************************************************************
**************************************************************************