Eventoj n-ro 192, retposxta versio
**********************************

Titolpagxe: - Esperanto-partio en Britio

Faka aplikado: - Aperis Naturkuracado 2000
               - Komposxtado esperante
               - Komerca Terminaro
               - Ekologia seminaro

Kontakto sercxata: - Tradukistoj sercxataj

Interreto: - 1500 pagxoj en Esperanto cxe "DMOZ"
           - Por revigligi E-klubojn
           - Esperantigo de Mozilla
           - Mallonge (2)

Arangxoj: - KAEST-2000
          - Istrio estas songxo
          - Artaj konfrontoj en Esperanto
          - SUS 23
          - Semajno de kulturo kaj turismo
          - Kompleta monata kalendaro

Movado: - Subvencio al ID
        - Premio Deguchi
        - Petu esperantan version!
        - Kvar novaj honoraj membroj de UEA
        - UNESKO kaj Esperanto en Japanio
        - Posxkalendaro 2001
        - Zamenhof gajnis
        - Esperanto en Ethnologue
        - UEA kodo-konto sistemo
        - Fondajxo subtenis partoprenon

Opinioj: - Damagxaj mis-mitoj

Instruado, ILEI: - AIS-agado dum UK

Radio: - Radioelsendoj en Togolando

Libroj: - Taglibreto de Ada Sikorska

Kulturo: - Gaja lernado de Esperanto

Rubrikoj: - Mallonge (11), anoncetoj (4), korespondi deziras (3)

Interese: - "Novaj dimensioj de Eventoj..."
          - Kio estas sukceso?
          - Vojagxo en dezerto

**************************************************************************

TITOLPAGxE
//////////

"Novstila varbilo" par nia lingvo
=================================

Esperanto-Partio de Britio

Esperanto-Partio de Britio estas nove fondita brita politika partio. Gxi
celas propagandi Esperanton en la politika areno, kaj intencas proponi
kandidatojn por la elektoj al la Euxropa Parlamento en la jaro 2004.

La cxefa kaj plej videbla politiko de nia partio estos kompreneble
Esperanto, sed gxi ne estos la sola politiko. La partio devos havi
respondojn al demandoj pri tuta gamo da temoj - sociaj, ekonomiaj, mediaj,
kulturaj, ekonomiaj ktp. Se la kandidatoj de la organizo estos elektitaj
ili bezonos gvidliniojn pri kiel vocxdoni en la sesioj de la Euxropa
Parlamento. Pro tio, eventuale, la Esperanto-Partio evoluigos plenan
manifeston. Sed tio cxi estos afero por venontaj jaroj (kaj venontaj
partianoj). La cxefa funkcio por la nuna estraro de la partio estas
starigi la organizajxon kaj efike gxin administri, kun zorga atento al la
legxoj pri politika agado en Britio.

Kompreneble unu el niaj cxefaj celoj estas simple fari publicon por
Esperanto. Estas pro tio ke ni elektas la titolojn "The Esperanto Party"
(angle) kaj "Plaid Esperanto" (kimre). Sur la balotiloj aperos la vorto
"Esperanto" kaj la vocxdonantoj konstatos ke la afero Esperanto pluvivas.

La estraro de la partio estas: funkcianta sekretario, Neil MacKilligin;
funkcianta kasisto: Craig Bootz. Kontakti eblas:

Esperanto-Partio de Britio
46B Esplanade, Burnham On Sea, Somerset, Britio, GB-TA8 2AQ.
Rete: oficejo@forigu.e-p.org.uk

**************************************************************************

FAKA APLIKADO
/////////////

Aperis Naturkuracado 2000
=========================

Akurate antaux la UK en Tel Avivo aperis Naturkuracado 2000, la jarlibro
de Internacia Naturkuraca Asocio, INA. La jarlibron ricevas cxiu membro de
INA, kiu pagis sian kotizon. La kotizo estas nur 20 EUR por A-landanoj kaj
10 EUR por B-landanoj. INA ofertas al siaj membroj vastan gamon da servoj
pri kiuj oni povas informigxi detale en la jarlibro, Naturkuracado 2000.

Naturkuracado 2000 ampleksas 99 pagxojn kun multaj ilustrajxoj kaj vasta
fasko da temoj. Gxi estas legebla ankaux interrete, la teksto trovigxas en
la retpagxoj de MZ-eldonejo cxe:
http://www.mz-verlag.de/INA/Publikationen/INA_jarlibro_2000_online.pdf .

Harald Schicke
Rete: harald.schicke@forigu.t-online.de

**************************************************************************

Komposxtado esperante
=====================

En Londerzeel, Belgio okazis instruado de komposxtado esperante en la
"Komitato Jean-Pain". La metodon brile instruis la konata spertulo,
Frederik van den Brande. La lernantoj krom la studhoroj partoprenis
praktikajn ekzercojn de komposxtado "Jean-Pain-metode". Partoprenintoj
estis el proksimume 10 landoj, 20 personoj. Oni eklernis kiel oni produktu
la komposxton al la grundo reciklante la superfluajn, ankoraux vivantajn
brancxojn de la arboj kaj diversajn lignerojn kun kuirejaj verdaj rubajxoj
kaj gxardenaj defalajxoj organikaj. Inter aliaj la gajno de tiu metodo
estas la plibonigeblo de la grundo por la plantoj, se bone faratas la
metodo, tiam sen akvumado produkteblas sanaj "bio-fruktoj" kaj legomoj
ktp.

Ludoviko Niederfriniger

**************************************************************************

Komerca terminaro
=================

Internacia Komerca kaj Ekonomia Fakgrupo, IKEF eldonis la esperantigitan
version de "Economie, Finance, Monnaie" papere kaj sur komputila disko en
formato WordPerfect 5.1 (malnova tekstokompililo konata de preskaux cxiuj
programoj). La terminaro estas oficiala eldonajxo de la Komisiono de
Euxropo. La terminaro estas trilingva esperanto-franca-angla kaj enhavas
1150 esprimojn.

**************************************************************************

Ekologia seminario
==================

Inter 7-9. de januaro 2000 en Odesa, Ukrainio okazis junulara renkontigxo
de ekologiemaj esperantistoj "Kristnasko-2000" En la programo estis:
Urboludo, Kristnaska birdokalkulo, ekskursoj al zoologia gxardeno, al
Orangxerio de raraj tropikaj plantoj de Odesa Botanika gxardeno, al Arta
muzeo, al Filharmonio; Intelektaj Ludoj en Odesa junulara Esperanto-klubo,
"Verdajxo" kaj en studenta klubo de Politeknika Universitato.

Versxajne, ne cxiuj scias, kio estas Kristnaska birdokalkulo. Tiu tradicio
aperis antaux multaj jaroj: meze de Januaro naturamantoj de la tuta mondo
venas kalkuli birdojn, kiuj vintrumas en iliaj lokoj. Poste ili kunigas
siajn donitajxojn, kaj la rezultoj servas por diversaj ekologiaj
programoj. La junulara klubo partoprenas kaj e-an, kaj ekologian movadon.

ZOO
Rete zoo@forigu.te.net.ua

**************************************************************************

KONTAKTO SERCxATA
/////////////////

Tradukistoj sercxataj
=====================

La projekto ID (Indigxenaj Dialogoj) sercxas tradukistojn, denaskajn en iu
de la sekvaj lingvoj: angla, franca, hispana, rusa, kiuj kapablas traduki
tekston el esperanto al unu el tiuj lingvoj kaj / aux ankaux el ili al E-
o. La nivelo de la tradukoj devas esti bonega, ja ili aperos en la
retpagxaro de la projekto: www.idnetwork.nl.

La laboro povas esti farata kiel subtena agado por la projekto, sed eblas
ricevi pagon (4 EUR popagxe) tra via UEA-konto. Laborsxargxo laux viaj
ebloj, limdatoj laux interkonsento. Necesas reta aliro kaj word(aux
simila) tekstoprilaborilo. Interesatoj turnu sin al:

Katalin Smideliusz
Rete: smidik@forigu.fsd.bdtf.hu

**************************************************************************

INTERRETO
/////////

1500 pagxoj en Esperanto cxe "DMOZ"
===================================

La Esperanto-versio de la interreto-katalogo "Open Directory Project /
Directory Mozilla" entenas nun 1500 diversajn pagxojn en Esperanto. La
katalogon vidu cxe: http://dmoz.org/World .

**************************************************************************

Por revigligi E-klubojn
=======================

Malagrabla sed kutima sperto estas inter anoj aux gvidantoj de lokaj
Esperanto-kluboj ke post iom da tempo vole, ne vole la entuziasmo kaj
vigleco de la klubo estingigxas. Por solvi tiun problemon la interkluba
fako de Rusia E-ista Junulara Movado (REJM) lancxas "Kluban Forumon", en
kiu oni povas intersxangxi la ideojn pri okazigo de klubkunvenoj, diversaj
projektoj, iniciatoj ktp. La ideoj sendeblas al: esperanto@forigu.online.ru . Tie
ili estas kolektitaj kaj prilaboritaj kaj poste ili sendigxos al
ricevemuloj. La kolekto de ideoj riceveblas de:

Ocxjo Dadaev
Rete: esperanto@forigu.online.ru

**************************************************************************

Esperantigo de Mozilla
======================

Jam komencigxis la traduko de Mozilla, la senpaga retlegilo (krozilo)
verkita de programistoj el la tuta mondo. Pri la traduko cxiuj
esperantistoj rajtas esprimi sin kaj diskuti en aparta dissendolisto.

Kiel partopreni? Por aligxi skribu al majordomo@forigu.esperanto.org.uy kun la
frazo subscribe mozilla-eo en la mesagxo (la temo ne gravas). En tiu listo
estos anoncataj la novajxoj pri la tradukado.

**************************************************************************

La retpagxaro de IKEL cxe la adreso http://beam.to/IKEL gxisdatigis sian
ligo-pagxon: nun troveblas plej interesaj ligoj al pluraj pagxoj pri
minoritatoj kaj pri Esperanto.
* * *
Antaux ne longe estis malkovrita la retpagxaro pri projekto de Esperanto-
instruado en Grekio. La retpagxoj troveblas cxe la adreso:
http://www.zyworld.com/ retejo/alianco.htm

**************************************************************************

ARANGxOJ
////////

KAEST-2000
==========

Kolokvo Aplikoj de Esperanto en Scienco kaj Tekniko, KAEST-2000 okazos en
Prago, Cxehio inter 10-12. 11, 2000 sub auxspicio de: Universala
Esperanto-Asocio, UEA.

Pritraktotaj temoj:
- Sekcio A: Ekonomio sojle al la tria jarmilo
- Sekcio B: Terminologiaj problemoj de fakaj aplikoj de Esperanto
- Sekcio C: Aplikoj de Esperanto en scienco kaj tekniko (gxenerale)

Organizan flankon garantias: Kava-Pech Doboichovice, Prago profesia
kongresa agentejo kun spertoj organizi fakajn internaciajn eventojn.

Post la kolokvo estos eldonita bonkvalita prelegkolekto kun resumoj en
kelkaj naciaj lingvoj, ke la rezultoj de la kolokvo estu uzeblaj por
Esperanto ankaux reklamcele inter fakuloj - neesperantistoj. En gxi estos
envicigitaj nur kontribuajxoj elektitaj por persona prezento kaj efektive
prezentitaj.

Kontribuajxoj de ne persone cxeestintaj partoprenantoj estos envicigitaj
nur esceptokaze, se la nivelo (kaj faka, kaj lingva) konsiderinde altigos
la nivelon de la kolokvo kaj se la auxtoroj pagos la kolokvan kotizon. Ili
sekve perposxte ricevos cxiujn kolokvajn materialojn inkluzive la
prelegkolektojn.

Antaux kolokvo okazos en Doboichovice sub auxspicioj de IFEF terminologia
seminario "(Ne nur) fervoja transporto kaj trafiko" inter 08-10. 11. 2000.

Petr Chrdle, Kava-Pech
Anglicka 878, CZ-25229 Doboichovice
Rete: kaest@forigu.kava-pech.cz

**************************************************************************

                         "Istrio estas songxo..."

                            orbispictus@forigu.iol.it

**************************************************************************

Artaj konfrontoj en Esperanto
=============================

La 16-aj Artaj Konfrontoj en Esperanto, ArKonEs okazos inter 29. 09. - 01.
10. 2000 en Poznan, Polio. En la ricxa programo trovigxas: teatraj
spektakloj, recitaloj kaj aliaj scenejaj prezentajxoj. Okazos renkontigxoj
kun verkistoj, tradukistoj, aktoroj kaj aliaj interesaj kaj gravaj
personoj. Oni povos rigardi Esperanto-filmon, ekspozicion. Okazos ankaux
prelegoj. Eblos partopreni diskuton pri "Cxu Esperanto estas bezonata?".
Informoj kaj aligxo cxe:

Ilona Koutny
Lingvistika Instituto, UAM
Miedzychodzka 5, PL-60-371 Poznan, Polio
Rete: ikoutny@forigu.amu.edu.pl

**************************************************************************

SUS 23
======

Akademio Internacia de Sciencoj Sanmarino, AIS okazigos sian sekvan
studadsesion, SUS 23, en la urbo Sibiu, Rumanio. Gxi komencigxos
vendredon, 2000-09-22, kaj dauxros unu semajnon. Okazos sciencaj kursoj
kaj prelegoj en diversaj temoj kaj en tutcerte alta nivelo. Dumarangxe
estos pluraj publikaj studfinaj ekzamenoj, kie kandidatoj defendos siajn
tezojn por akiro de scienca AIS-grado.
Detaloj estas scieblaj de:

Mag. Joanna Lewoc
Karl-Schwarzschild-Weg 6/317, DE-37077 Goettingen, Germanio

**************************************************************************

Semajno de kulturo kaj turismo
==============================

La 8-a Internacia Semajno de Kulturo kaj Turismo okazos inter 30. 09. -
07. 10. 2000 en Blanes, Katalunio, Hispanio. Okazos diversaj interesaj
prelegoj pri kulturo kaj turismo. Eblos viziti la belegan cxirkauxajxon
ecx per sxipo. Okazos diversaj turismaj programoj, inter aliaj gustumado
de speciala loka drinkajxo.
Kontaktoj kaj aligxo cxe:

HFEA
Apartado 15027, ES-08080 Barcelona, Hisapnio
Rete: luis_serrano@forigu.mixmail.com

**************************************************************************

Kompleta monata kalendaro
=========================

La kompleta jara listo de E-arangxoj dauxre aktualigata de ni, troveblas
en interreto http://www.hungary.net/esperanto/ Korektoj, aldonoj estas
bonvenaj! Por ricevi txt-formatan version sendu mesagxon (enhavo ne
gravas) al la auxtomato: kalendaro@forigu.esperanto.org

* * *

17.09. Trilanda renkontigxo en Inden kaj Neu-Lohn. Inf: Claus (Nikolao)
Gunkel, Pf. 1445, DE-52234 Eschweiler, Germanio. Tel: +49-2403-921949.
Rete: guekel@forigu.gmx.de
* * *
17.09-01.10. Ripozo cxe Nigra Maro, Albena. Inf: Hristo Ignatov, gxis 1-a
de apr.: Zur Nachtheide 28, DE-125557 Berlin, Germanio Tel:
+49-30-65540__95, post 2-a de apr.: postrestante, BG-9620 Albena,
Bulgario, Tel/fakso: +359-5722-62369
* * *
21-24.09. 11-a MontKabana Renkontigxo en Vrs apud Kranjska Gora, Slovenio.
Inf: Vanja Radovanovic, Horvacanska 31, HR-10000 Zagreb, Kroatio. Rete:
Vanja.Radovanovic@forigu.etk.ericsson.se
* * *
21-25.09. BARO-renkontigxo en Bad Munster. Inf: Conny Tennstaedt,
Gerokstrasse 5, DE-47053 Duisburg, Germanio. Tel.: +49-203-665297. Rete:
conny@forigu.esperanto.nu
* * *
22-24.09. Poma Semajnfino en Normandio (loko anoncata poste). Inf: JEFO,
4bis rue de la Cerisaie, FR-75004 Paris, Francio. Tel: +33-139707815
(respondilo) Rete: jefo@forigu.esperanto.org loka organizanto: Yves Bachimont
Rete: YBachimont@forigu.esperanto.org
* * *
22-24.09. 12-a Alpadria Esperanto-Konferenco, Ptuj, Slovenio. Inf: Triesta
Esperanto-Asocio, c.p. 601, IT-34100 Trieste, Italio. Rete:
esperanto@forigu.retecivica.trieste.it aux nored@forigu.tiscalinet.it aux Slovenia
Esperanto-Ligo, pk. 1643, SI-1001 Ljubljana, Slovenio. Rete:
slovenio@forigu.esperanto.nu
* * *
22.09-01.10. 23-a Sanmarineca Universitata Semajno (SUS 23) en Sibiu,
Lucian-Blaga-Universitato, Rumanio. Inf: Mag. Joanna Lewoc, Karl-
Schwarzschild-Weg 6/319, DE-37077 Gottingen, Germanio. Rete:
blewo1@forigu.hrz.uni-paderborn.de aux ais@forigu.athena.sibiu.ro
* * *
23.09. Cxedanuba Esperanta renkontigxo en Nove Zamky. Inf: Paulo Kasxcxak,
Vazska 21, SK-821 07 Bratislava, Slovakio. Tel.: +421-7-45243316. Rete:
esperanto @forigu.nextra.sk
* * *
23.09-01.10. 26-a Internacia Forumo pri Turismo, Edukado kaj Kulturo,
Bydgoszcz. Inf: Monda Turismo, str. M. Sklodowskiej-Curie 10, PL-85-094
Bydgoszcz, Polio. Tel/fakso: +48-52-3415744 aux 3460082. Rete:
andreo@forigu.rubikon.net.pl
* * *
23.09-01.10. Cseh-seminario: Baza kurso, B-seminario en Bygdoszcz. Inf:
Internacia Studumo pri Turismo kaj Kulturo, M. Sklodowskiej Curie 10,
PL-85 094 Bydgoszcz, Polio
* * *
24.09. Posttagmezo en Ipro: promeno sur la fortresoj k.a. Inf.: Piet
Glorieux, Werkenstraat 56, BE-8610 Werken, Belgio. Tel:. +32-51-569030,
Rete: piet.glorieux @forigu.pi.be

**************************************************************************

Subvencio al ID
===============

Ekde 1994 la Estraro de UEA asignas Subvencion Cigno al projekto, kiu
kontribuas al disvastigxo de Esperanto en la Tria Mondo. La subvencion
financas la japana esperantisto Etsuo Miyoshi kaj gxi valoras 500 000
japanajn enojn (cx. EUR 4900).

La cxi-jaran subvencion ricevis la projekto Indigxenaj Dialogoj, lancxita
antaux du jaroj kun la celo krei komunikan reton inter organizajxoj de
indigxenaj popoloj per la uzo de interreto kaj Esperanto. Tiu cxi komplete
novspeca projekto estas ne nur unu el la plej kuragxaj sed ankaux unu el
la plej sukcesaj Esperanto-rilataj projektoj de multaj jaroj. Gxi ne estas
movada projekto, cxar la disvastigo de Esperanto ne estas gxia celo sed
rimedo por realigi la celatan komunikan reton. La projekton iniciatis ges-
roj Bessie Schadee kaj Sylvain Lelarge el Nederlando. Kadre de gxi okazis
jam du kursoj en Nederlando kaj regionaj kursoj en Barato, Kostariko,
Burkina Faso kaj Rusio (Komilando). UEA auxspicias la projekton ekde la
komenco.

fonto: Ret-Info

**************************************************************************

Premio Deguchi
==============

En la Fermo de la Tel-Aviva UK okazis por la 14-a fojo la transdono de unu
el la plej prestigxaj premioj de la Esperanto-movado, Premio Onisaburo
Deguchi de UEA. Tiu premio estis fondita en la Jubilea Jaro 1987 per
kapitalo donacita de Oomoto por premii agadon de individuo aux
organizajxo, kiu per Esperanto antauxenigas internacian amikecon kaj
solidarecon en la spirito de la instruoj de L.L. Zamenhof kaj Onisaburo
Deguchi. La premio konsistas el diplomo kaj monsumo de 2000 EUR.

En 2000 la Estraro de UEA aljugxis la Premion Deguchi al s-ro Rob Moerbeek
el Nederlando pro lia longtempa agado helpe al triamondaj esperantistoj
kaj por handikapitoj, precipe blinduloj. Dum multaj jaroj li faris tion
kune kun sia edzino Nora, forpasinta en 1998, konata aktivulo de la
blindula Esperanto-movado. Profesie Rob Moerbeek jam ekde 1969 laboras en
la Centra Oficejo de UEA.

**************************************************************************

Petu Esperantan version!
========================

En junio pere de RET-INFO kaj Eventoj estis dissendita alvoko de Renato
Corsetti por subskribi Charton 99. Nun la organizo de Charto 99 dissendas
por la subskribintoj la kvaronjaran bultenon "Global Citizen" en angla
lingvo. Anstataux la papera varianto eblas peti retposxtan. Tiu cxi
situacio estas bona okazo peti esperantlingvan bultenon por nun kaj denove
demonstri, ke por internacia celo eblas uzi ne nur la anglan lingvon.

Istvan Meszaros
Rete: mesaros@forigu.freemail.hu

**************************************************************************

Kvar novaj Honoraj Membroj en UEA
=================================

En sia kunsido en Tel-Avivo la Komitato de UEA distingis kvar aktivajn
esperantistojn per honora membreco de la Asocio: Juan Eduardo Bachrich
(Venezuelo), Elvira Fontes (Brazilo), Edwin de Kock (Sud-Afriko/Usono) kaj
Sija van Wijngaarden (Nederlando).

Juan Bachrich (1921) estas jam de kvin jardekoj la motoro de la movado en
sia lando kaj longtempe peranto de UEA. Elvira Fontes (1916) ricevis la
honorigon pro siaj meritoj kiel Esperanto-instruistino. Edwin De Kock
(1930) certigis sian lokon kiel unu el la plej elstaraj poetoj de nia
lingvo jam per sia debuta kolekto en 1961. Sija van Wijngaarden (1920)
laboris kiel oficistino en la Centra Oficejo de UEA tri jardekojn gxis sia
emeritigxo en 1985.

**************************************************************************

UNESKO kaj Esperanto en Japanio
===============================

Post la pasintjara vizitado de Kep Enderby en Japanio la rilatoj inter
Japana Esperanto Instituto, JEI kaj la landa organizo de UNESKO tre
vigligxis. Jam de longaj tempoj JEI estis formala ano de UNESKO-movado en
Japanio. Post la vizitado de la UEA-prezidanto okazis intersxangxa vizito
de JEI- kaj de loka UNESKO-prezidantoj. Danke al la plibonigxo de la
rilatoj JEI multe agas en japanio por Manifesto 2000 kaj por la Internacia
Jaro de Kulturo de Paco.

laux Revuo Orienta n-ro 950

**************************************************************************

Posxkalendaroj 2001
===================

La cxiujare eldonata posxtkarta kalendaro de IEI por la jaro 2001 estas
jam havebla. La kalendaro utilas, ekzemple, por sendi al amikoj viajn
novjarajn bondezirojn aux por instrui al viaj E-gelernantoj la kalendarajn
esprimojn. La prezoj, ekskluzive de la sendokostoj estas: 1 NLG 1,00, 5
NLG 4,00, 10 NLG 7,50, 25 NLG 15,00, 50 NLG 30,00, 100 NLG 55,00, 500 NLG
275,00. Se 500 ekzempleroj estas menditaj, la sendokostoj estas
inkluzivitaj en la prezo. Kontaktadreso:

Internacia Esperanto-Instituto,
Riouwstraat 172, NL-2585 HW Den Haag, Nederlando
Rete: iei001@forigu.worldonline.nl

**************************************************************************

Zamenhof gajnis
===============

Ludwik Zamenhof gajnis la vocxdonadon en la temo "Bjalistokano de la 20-a
jarcento" per 6337 vocxoj la duan lokon atingis Jerzy Maksymiuk, pola
muzikisto nur per 3433 vocxoj. En la unu 20 enigxis ankaux esperantisto
Jakub Szapio. La vocxdonadon organizis en Bialistoko "Gazeta Wyborcza"
(regiona taggazeto), Radio Bialystok, Telewizja Bialystok. La organizantoj
volis ekscii, laux la logxantaro de Bjalistoko kiu utilis per sia vivo kaj
agado al la famigxo de la urbo.

Por ni esperantistoj estas granda gxojo, ke nia majstro estas cxiam plej
konata persono en la urbo kaj regiono de sia naskigxo. Gratuloj sendeblas
al:

Urzad Miejski w Bialymstoku
ul. Slonimska 1PL-15-028 Bialystok, Polio.
Rete: bpm@forigu.city.bialystok.pl

**************************************************************************

Esperanto en Ethnologue
=======================

Antaux pli ol jaro denove plendis D Gary Grady al la eldonejo de
"Ethnologue", grava informfonto pri lingvoj, ke gxi ne inkluzivas
Esperanton. Al la plendoletero

Vi pravas, ke Esperanto devintus esti listigita cxe la mondaj lingvoj. Gxi
jam estas registrita en nia datumbanko, kaj aperos en nia sekvamonate
publikigota 14-a eldono.

Ray Gordon

Post kelkaj semajnoj, haveblos nova eldono kun almenaux iom da informo pri
Esperanto. Pli bone malfrue ol neniam. La retpagxaro de Ethnologue
trovigxas cxe: http://www.sil.org/ethnologue/ .

D Gary Grady
Durham NC USA
Rete: dgary@forigu.mindspring.com

Ni estas certaj, ke tiuj personaj plendoj havas tre gravan rolon, ja
anstataux la esperantistoj mem, neniu alia atentigos la redaktulojn pri la
manko de koncernaj informoj pri Esperanto. - L.S.

**************************************************************************

UEA kodo-konto-sistemo
======================

En aligxiloj al Esperanto-renkontoj aux kongresoj (UK, IJK, IJS, ktp), cxe
abono al iu E-gazeto, aux cxe mendo de diversaj movadaj servoj
(libroservoj, ret-info, ktp) certe vi jam renkontis la esprimon: "pagu al
la UEA-kodo: xxxx-y". Ne por cxiu estas klare la senco de tiu kodo-
sistemo, do eble estas interese iom prezenti gxin.

Kiu havas kodon (konton) cxe UEA?

En la granda komputilo de Centra Oficejo de UEA oni registras
plurdekmilojn de esperantistoj kaj E-organizajxoj. Cxar pluraj personoj
povas havi hazarde la saman nomon (ekz. John Smith, aux Janos Kovacs) por
unusence distingi ilin estas uzataj unikaj identigaj kodoj, konsistantaj
el 4 literoj + streko + 1 kromlitero. Ekzemple la kodo de LINGVO-Studio,
eldonanto de Eventoj kaj RET-INFO estas: ELLS-S, tiu por mi persone: szla-m

Cxiu, kiu estas (estis) individua membro de UEA aux TEJO, foje partoprenis
UK-n aux IJK-n, acxetis ion en la libroservo (t.e. havis rektan kontakton
kun UEA) estas enigita en la centran komputilon, kaj samtempe ricevas sian
identigan kodon (vidu foje la kongreslibron). Do, tio signifas, ke
versxajne ankaux vi jam havas tion, ecx se vi ne konscias pri gxi. (Se ne,
partoprenu foje iun kongreson!)

Por kio tauxgas tiuj kodoj?

Por la membroj de UEA tiuj kodoj samtempe funkcias ankaux kiel kvazaux-
kontoj. Se vi sendas iun monsumon al UEA (rekte, perbanke aux pere de via
landa peranto) oni notas apud via nomo, ke vi (aaaa-z) havas bonhavon de
"X" Euxrojn, kiu staras je via dispono. Se vi nun volas pagi la
abonkotizon ekz. al Eventoj (aux kotizon de iu kongreso, aboni iun servon,
ktp) vi ne devas aparte sendadi monon al la eldonejo (aux al la celita
instanco), sed suficxas skribi al la Centra Oficejo, ke el via bonhava
sumo oni transmetu (gxiru) tiom kaj tiom Euxrojn al la eldonejo LINGVO-
Studio (aux organizanto de la renkontigxo). La Centra Oficejo cxi kaze ne
sendos fizike monon al ni (aux al la celita instanco), sed notos en la
komputilo apud via nomo, ke el via bonhavo estas gxirita X Euxroj al la
kodo de Eldonejo LINGVO-Studio, kaj al nia kodo oni notos, ke la bonhavo
kreskis je X Euxroj pro la gxiro de Vi.

Kiel ekscii la saldon de via konto?

UEA sendas resumon (kont-eltiron) nur po 2-4 monatoj. Se en tiu periodo
okazis iu sxangxo en via konto, vi ricevos leteron kun mencio de senditaj
kaj ricevitaj sumoj kaj kun la nuna saldo (fina sumo) de via bonhavo.
Ankaux la eldonejoj, organizantoj tiumaniere ekscias pri la ricevitaj
enpagoj (do nur post 2-4 monatoj), tio signifas, ke paralele al la
gxiropeto al CO indas sendi kopian mesagxon ankaux al la celita eldonejo,
organizanto, por ke ankaux ili sciu pri via pago.

Kial gxi estas utila?

Per tiu kodo-konto-sistemo vi do povas "sendi" monon al movadaj instancoj,
pagi la kostojn de diversaj E-movadaj servoj. Por vi gxi estas utila, cxar
vi sxparas signifajn bankajn internaciajn sendokostojn (vi nur 1-foje
devas sendi al UEA iom pli grandan sumon). Por la movadaj servo-
funkciigantoj gxi estas utila, cxar oni povas multe pli simple ricevi la
pagojn olse oni devus zorgi pri cxiufoja banka aux perposxta monsendado.
Por UEA gxi estas utila, cxar la interezo (banka procentajxo pro la
deponita sumo) restas por UEA (fakte per tiu interezo vi subtenas la
agadon de la centra E-organizo).

Kiel teknike uzi la sistemon?

Unue vi devas ekscii kaj memori vian propran UEA-kodon (kontrolu en la
lasta kongreslibro aux IJK-adresaro). Due per banko aux per via landa
peranto sendu iun sumon al UEA favore al via propra konto. Poste vi jam
povas disponi pri gxi per simplaj leteroj al la Centra Oficejo (memoru:
kun kopio al la pag-celito)

Se vi ofte uzas la UEA-kontosistemon, vi povas peti de la CO presitajn
3-foliajn gxirilojn. Ili enhavas la necesajn rubrikojn (viaj nomo, kodo,
tiuj de la adresito, viaj komentoj, subskribo), kaj konsistas el 3
memkopiaj folioj (vi ne devas uzi karbonpaperon por kopiado). La unuan
ekzempleron sendu al la CO, la duan ekzempleron sendu al la pag-celito
(adresito), kaj la tria restas cxe vi por arkivo.

Ne forgesu, ke tiu kodo-konto-sistemo servas la internajn bezonojn por la
Esperanto-movado, kaj ne volu uzi gxin por elpagi al eksteraj firmaoj.

Laszlo Szilvasi

* * *

Jen la formala regularo de la UEA-gxiriloj:

Reguloj por uzado de internaj gxiriloj de UEA

Per la gxiriloj de UEA, vi povas instrukcii al la Centra Oficejo debeti
difinitan sumon al via konto kaj krediti gxin al la konto de iu alia.
Tiamaniere vi povas efektivigi pagojn al diversaj organizoj, eldonejoj kaj
unuopaj personoj tra la movado pere de unu movada centro. Pli ol mil
instancoj kaj personoj havas aktivan (regule uzatan) konton cxe UEA. Por
tiu cxi servo UEA ne postulas pagon. Aliflanke gxi ja havas kostojn pro la
farata laboro. Tial ekzistas unu grava postulo: ke la saldo de la konto
cxiam suficxu por la petata debeto. La uzantoj de la servo ricevas novan
konteltiron post cxiu dumonata periodo en kiu ili faris aux ricevis
gxirpagon, kaj tiel povas kontroli la novan saldon.

Jen la regularo:
1. Antaux ol skribi gxirilon, kontrolu, cxu la kredita saldo en via konto
   almena egalas al la gxirota sumo. Se gxi ne suficxas, vi devos unue sendi
   pli da mono al UEA. Gxirilo, por kiu la saldo ne suficxas, restos ne
   traktita aux estos resendita.
2. Uzu skribmasxinon aux skribu tre klare per globkrajono, por ke la
   trakopioj estu legeblaj. (Karbonpapero ne necesas.)
3. Certigxu ke via kreditoro pretas akcepti de vi euxran krediton cxe
   UEA. (Kvankam vi rajtas skribi gxirilon en alia valuto, post la gxiro, UEA
   agnoskas sxuldon nur pri la euxra sumo.) Ne uzu la gxirilojn por gxiroj
   al ekstermovadaj instancoj.
4. Sur la gxiriloj estas lokoj por indiki kontokodojn. Indiku la kodojn,
   nur se vi estas certa pri ili. Se vine scias ilin, suficxas indiki la
   kompletan nomon kaj landon.
5. Niaj uea-pagiloj estas intencitaj por interna gxirado inter la kontoj
   de UEA. Kompreneble ni estas pretaj de tempo al tempo elpagi la saldon de
   tia konto. Tamen, se por cxiu gxiro ni devus tuj sendi apartan elpagon, la
   laborkostoj estus tro grandaj, kaj tiam ni devus postuli pagon por tiu
   servo. En tiaj kazoj vi bonvolu mem sendi vian pagon rekte al via
   kreditoro.
6. Vi povas uzi gxirilon ankaux por pagi el via konto rekte al UEA, ekz.
   jarkotizon, donacon aux simile. Tiukaze vi skribu anstataux nomon kaj
   landon de kreditoro simple "UEA". Atentu, ke vi kompreneble NE uzu
   gxirilon por "pagi" al UEA ion, kiun UEA jam debetis aux fakturis al vi,
   cxar tio duobligus la debetan enskribon en via konto.
7. Vi rajtas uzi gxirilojn NUR debete al via propra konto. Vi NE rajtas
   disponigi ilin al aliaj personoj, por ke ili pagu al vi aux al alia.
8. Sendu la supran kopion al UEA; sendu la mezan al via kreditoro, por ke
   tiu sciu, ke vi pagis; la suban kopion konservu mem por via arkivo.

el Ret-Info

**************************************************************************

Fondajxo subtenis partoprenon
=============================

La hispana Esperanto-fondajxo, Fondacion Soler aljugxis subvencion de 100
000 pesetoj al Hispana Esperanto-Federacio, HEF por la partopreno en la
granda hispana librofoiro, Expolingua.

La Esperanto-fondajxo Soler estas estas fondita en 1988, kiam gxi havis
1,5 milionojn da pesetoj kapitalo. Nuntempe gxi havas 8 milionojn da
pesetoj. La celo de la fondajxo estas subteni indajn Esperanto-agadojn en
Hispanio. Cxiuj donacoj bonvenas cxe:

Fondacion Soler
Duque de Calabria 4, 2ES-46005 Valencia, Hispanio

**************************************************************************

OPINIOJ
///////

Damagxaj mis-mitoj
==================

Antau 1-2 jaroj aperis la libreto "Esperanto sen mitoj", verkita de Zico
Marcus Sikosek, kiu vekis fortan reehon. Iuj laudis gxin pro la kuragxo
disbati kelkajn misajn mitojn, sed multaj aliaj tre forte kritikis gxin
pro la fusxa kaj duonklera enhavo. La libreto entute kauzis multe pli da
damagxo ol utilo por la movado. Jen sube artikolo, kritikanta la
prekonceptan kaj fusxan starpunkton de la auxtoro. Mi aldonu, ke en la
redakcio de Eventoj sur la muroj pendas nur 2 fotoj. Tiu de Zamenhof, kaj
tiu de Lapenna... - L. Szilvasi

Mitoj kaj Mito

Mi profunde sxokigxis kiam mi, en la libro Esperanto sen Mitoj de Ziko
Marcus Sikosek, ZMS legis la pagxojn dedicxitajn al Ivo Zapenna. Sxajnas
ke ZMS sxatus krei novan miton laux kiu Lapenna iel estis adepto de
marksismo-leninismo sur komunista fono! Por konstrui tiun miton ZMS
utiligas aludojn, misinterpretojn kaj prisilentojn kaj preterlasas
prezenti pasintajn eventojn en la kadro de iliaj tiatempaj cirkonstancoj,
kio ja devus esti devo por studento de historio. Tiu sinteno estas des pli
bedauxrinda, cxar mortinto ja ne povas respondi.

Jen kelkaj ekzemploj: ZMS asertas, ke Lapenna dum la UK en Berno en 1947,
propagandis por la ekstera politiko de Sovetunio (p. 250), sed ZMS ne
prezentas ecx duonhoron de pruvo kaj donas neniujn citajxojn por dokumenti
sian aserton. Male, li prisilentas la fakton ke estis Lepenna kiu dum
gxuste tiu UK proponis gravan aldonon al la statuto de UEA: "UEA deklaras
ke la respekto de la homrajtoj estas por gxia laboro esenca kondicxo". Tiu
aldono restas parto de 1a statuto gxis la hodiauxa tago.

Sur la sama pagxo ZMS ripetas la misinformon, ke Lapenna forlasis
Jugoslavion en 1949 "neniam dironte la kialon". Sed Lapenna siatempe klare
komprenigis, ke li tiris la konsekvencon de la malrespekto de la homrajtoj
en tiu komunista lando kaj tiel rompis cxiajn gxistiamajn ligitecojn kun
sia patrujo.

P. 251 ZMS citas esprimojn el la verko Retoriko kiel "tria klasa -
burgxaro" kiel atestajxon pri la marksisma lingvajxo de Lapenna. Tamen
tiuj esprimoj devenas de la franca regximo antauxrevolucia, nome "tiers
tat".

Laux ZMS la Principaro de Frostavallen estis pasxo antauxen (nu, tamen!),
sed kritikinde estas ke la principoj bazigxis sur projekto ellaborita de
Lapenna (p. 244-246). Kial do? Estas konate, ke kolektivaj diskutado kaj
decidado estas senfruktaj, se ili bazigxas nur sur gxeneralaj ideoj kaj ne
sur antauxe tekstigitaj formuloj. Ekzemple la unuaj diskutoj pri la
traktato de la Euxropa Komunumo por Karbo kaj Sxtalo (1951) bazigxis sur
teksto verkita de du eminentaj francoj, la ekonomisto Jean Monnet
(1888-1979) kaj la juristo Paul Reuter (1910-1990).

La sola kritiko pri la enhavo de la Principaro, kiun formulas ZMS,
koncernas la rekomendon, ke oni cxiam portu la insignon. Denove kial? La
du plej grandaj internaciaj organizajxoj, Rotary International kaj Lions,
cxiu kun pli ol 1.200.000 membroj mondskale, faras precize la saman
rekomendon alsiaj respektivaj anoj.

Laux ZMS la Madridaj Tezoj de Lapenna, unuanime akceptitaj de le Komitato
en 1968 (p. 248-250), havas komunistan fonon, cxar Lapenna deklaris, ke
laux sciencaj analizoj objektivaj faktoj necese alkondukas al dauxra
komplikigxo de la lingva problemo, kaj cxar li malrekomendis la kreadon de
asocioj paralelaj al UEA (li neniam diris ke tio signifas agi kontraux
Esperanto). Sed cxu ni ne cxiutage observas la pliakrigxon de la lingva
problemo kaj kreskantan malegalecon inter la lingvoj? Kaj cxu ne cxiuj
homoj scias ke unueco donas forton? Jam La Fontaine instruis nin pri tio.

Signife tamen estas, ke ZMS tute preteratentas la unuan frazon de tezo n-
ro 7: "UEA kiel tia estas politike neuxtrala, sed tio neniel implicas, ke
gxiaj membroj estus en iu ajn senco senigitaj de sia rajto havi proprajn
politikajn, filozofiajn religiajn aux aliajn konvinkojn." Cxu tiel parolas
homo kun komunista aux totalisma sinteno?

Pri la eventoj dum la UK en Hamburgo en 1974 ZMS skribas 10 liniojn (p.
88) kaj "rekomendas silenti en informado". Sxajnas, ke li cxiam silentas
kiam la faktoj ne apogas la de li kreitan miton.

Sed kial silentu? Enkonduke estas necese iom skizi la historian fonon,
cxar eble ne estas facile enprofondigxi en la tiaman politikan atmosferon
por homoj kiuj plenkreskigxis nur post la disfalo de la soveta komunista
sistemo en Euxropo.

En la 1960-aj jaroj la interesoj kaj moralaj sentoj de la junularo
plivastigxis sur fono de sxangxantaj sociaj cirkonstancoj kaj oni ofte
memoras 1968, precipe en Francio, kiel la jaron de la t.n. junulara
ribelo. Tamen pli grave estas, ke 1968 estis la jaro kiam la studentoj en
Polio faris kontrauxtotalecan ribelon en marto, kaj la jaro kiam en
auxgusto la armeoj de 1a socialismaj landoj (kun la escepto de Rumanio)
invadis Cxehoslovakion por strangoli "la printempon de Prago". Timante
infektadon kaj disvastigadon de liberecaj ideoj, la soveta diktatoro
Leonid Brejxnev, ordonis ideologian kaj politikan ofensivon en la
socialisma bloko kaj sur eksteraj frontoj. Strange, multaj okcidentaj
junuloj ne konsciis la dangxeron de la soveta koncepto pri libereco, t.e.
ke intelektaj kaj kulturaj intersxangxoj estas permeseblaj nur se oficiale
aprobitaj kaj kontrolitaj de unupartia sxtato.

Do la komunistaj landoj intensigis siajn partipolitikajn agadojn kaj
sisteme kunordigis siajn unudirektajn kampanjojn, ekzemple por la paco,
por la solidareco de cxiuj pacamaj popoloj, kontraux la imperiismo ktp.
Diversaj kulturaj movadoj en la orienteuxropaj landoj, inkluzive
Esperanto-asocioj, ricevis indikojn pri "korektaj" opinioj kaj rilatoj,
aux ili mem sciis konformigxi al la partiaj gvidlinioj. La gvidantoj de
sendependaj kaj politike neuxtralaj organizajxoj, kiuj ne intencis
kompromiti sin per submetigxo al tia unuflanka politika agado, devis se
eble esti forigitaj. Tial lige al la UK en Hamburg (1974) "iom heterogena
rondo", laux la vortoj de Ulrich Lins, kiu konsistis i.a. el cxiuj
komitatanoj el orienta Euxropo kaj aktivuloj lauxmode maldekstremaj,
elpensis planon por malsukcesigi la reelekton de Lapenna kielprezidanto de
UEA tial, cxar li firme defendis la lauxstatutan neuxtralecon de la
organizajxo. Suspektante plimulton kontraux li en la tiel enfiltrita
komitato, Lepenna retirigxis kiel kandidato, ne cxar li timis malgajni
elekton lojale faritan, sed cxar li ne volis akcepti malvenkon kiu
rezultis el sistemaj "personaj atakoj, ofendoj, insultoj kaj kalumnioj"
kiujn poste UEA forte bedauxris laux la festparolado de gxia tiama
prezidanto John Wells dum la UK en Tampere, 1995.

Post la foriro de Lapenna UEA devojigxis de sia gxistiama neuxtraleco laux
kiu la organizajxo kiel tia ne ligas sin al iu ajn politika aux ideologia
koncepto. Mi menciu nur du ekzemplojn: En decembro 1985 la oficiala organo
de UEA Esperanto aperigis akran atakon kontraux Usono kaj Britio pro tio,
ke tiuj du landoj (kaj Singapuro) forlasis UNESKO-n, cxar ili trovis aron
da politikaj kaj administradaj evoluoj treege kritikinda. Sed poste
ankoraux pli trista okazintajxo konfirmis la bedauxrindan sxangxigxon: en
decembro 1987, simbole en la monato mem kiam mortis Ivo Lapenna, la tiama
UEA fiere anoncis, ke gxi subskribis interkonsenton pri kunlaboro kun la
Monda Pac-Konsilio. Tiel UEA farigxis pledanto por organizajxo kun
difinita politika orientigxo, cxar MPK ja estis instrumento de la
eksterlanda politiko de Sovetunio, kiel atestas Ulrich Lins en La dangxera
lingvo.

Do Ivo Lapenna estis prava. Sed ofte praveco ne estas pardonebla.

Eskil Svane

**************************************************************************

INSTRUADO, ILEI
///////////////

AIS-agado dum UK
================

Dum la 85-a Universala Kongreso de Esperanto en Tel-Avivo okazis kune kun
la 53-a Internacia Kongresa Universitato ankaux la kvina Internacia
Studadsesio de AIS San-Marino. Dum po ok lecionoj prelegis OProf. Tonkin
pri la poeto Shakespeare (Sxekspiro) kaj PDoc. Barandovska pri Flavius
Josephus, historiisto de la juda milito. Krome kontribuis al IKU la AIS-
anoj OProf. Wandel, rektoro de IKU, PDoc. Eichhorn kaj ADoc. Bojaghieva.

Kiel dum la pasinta AIS-IKU en Berlino montrigxis, ke la scienca programo
trovas same viglan intereson cxe la kongresanoj kiom la arta. Tial AIS
klopodos ankaux dum la 86-a UK en Zagrebo okazigi sciencan kursprogramon.
Sed pro la konsiderindaj kostoj, kiujn nature kauxzas arangxoj tiom
ampleksaj en altnivela kongresejo, Akademio Internacia de Sciencoj
esploras alternativojn pri la organiza kadro de AIS-IKU.

Reinhard Fossmeier
Rete: refo@forigu.ais.m.shuttle.de

**************************************************************************

RADIO
/////

Radioelsendoj en Togolando
==========================

Okazis kvazaux Esperanto-Tago en Togolando. Auxskultantoj de du
Radiostacioj informigxas pri la internacia lingvo. Posttagmeze la stacio
Radio Deta Santo de Aneho elsendis pri Esperanto. Esperantistoj profitis
la okazon por informi en Esperanto ne nur pri Esperanto, kaj ankaux pri
aliaj aferoj. En la sama tago vespere cxe Radio Maria okazis pregxoj
katolitkaj en diversaj lingvoj. La pregxado okazis ankaux en Esperanto
danke al klopodoj de la anoj de la klubo Modelo de Lome.

Gratulvortojn gesamideanoj povas sendi al tiuj du radiostacioj, kies
adresoj tre simplaj estas: Radio Television Delta Sante Aneho, Togolando;
Radio Maria de Lome, Lome, Togo.

Gbeglo Koffi
B.P. 13169, Lome, Togo
Rete: esp.togo@forigu.cafe.tg

**************************************************************************

LIBROJ
//////

Taglibreto de Ada Sikorska
==========================

UEA lancxis en la kongresa libroservo de la Tel-Aviva UK sian plej novan
eldonajxon, "De tajgo al minaretoj". Temas pri aktorajxo surbaze de la
samnoma taglibreto de Ada Sikorska-Fighiera, kiun la elstara pola aktorino
Jadwiga Gibczynska adaptis al monodramo. Gibczynska jam kelkfoje prezentis
sian verkon sur scenejo, i.a. en la Adelajda UK en 1997.

La taglibreto, kies proza versio aperis cxe Esperantotur en 1991, estas
persona atesto pri kruelajxoj de la dua mondmilito. Ada Sikorska farigxis
ilia viktimo kiel 10-jara knabino en la pola urbo Lvovo, de kie sxi -
filino de pola generalo - estis deportita kun siaj patrino kaj fratino al
Siberio. Fine sxi sukcesis forlasi Sovetion kaj tra Irano, Libano kaj
Britio reveni al Pollando. Jadwiga Gibczynska transformis la taglibreton
en teatrajxon, en kiu instruistino Helena Terlecka, mem reala figuro kiel
Onjo Lunja en la originala taglibreto, legas kaj komentarias la tekston de
la juna Ada post la milito. La eldonajxo haveblas cxe la libroservo de UEA
kontraux 3 EUR (+ afranko).

**************************************************************************

KULTURO
///////

Gaja lernado de Esperanto
=========================

Aperis kompakta disko "Gaja lernado de Esperanto" por la mastrumaj
sistemoj Windows 95 kaj postaj. La disko ne estas vera kurso de Esperanto,
sed estas amuza helpilo por infanoj kiuj lernas la lingvon kaj volas per
ludoj kaj desegnajxoj pli spertigxi. Gxin eldonas Esperanto-Klubo de Xian
(Rete: qeehong@forigu.163.net ). Gxi mendeblas kontraux 15 EUR+afranko de:

Retbutiko, Flandra Esperanto-Ligo
Frankrijklei 140, BG-2000 Antwerpen, Belgio
Rete: retbutiko@forigu.fel.esperanto.be

**************************************************************************

MALLONGE
////////

Okazis internacia vespero en junulargastejo en Huizingen, Belgio. Gxin
partoprenis esperantistoj el pluraj landoj de Euxropo, estis prezentitaj
diversaj artaj prezentoj.
* * *
Osmu Buller, gxen. direktoro de UEA partoprenis prelegaron cxe Paatalo-
Instituto, Finnlando okaze de la 10 jara datreveno de la instituto. S-ro
Buller parolis pri la stato de malgrandaj lingvoj.
* * *
Okazigis fabelkonkurson ankaux por Esperantaj fabeloj Paatalo-Instituto en
Finnlando. Pro la granda sukceso la instituto intencas fari konkursojn en
Esperanto ankaux en la estonto.
* * *
La 4-a Danuba Esperantlingva Scienca kaj Kultura Forumo, okazis en la urbo
Timisoara, Rumanio, inter 02-04. 06. 2000. Gxi estis organizita sub la
patronado de la Tutlanda Akademio de Sciencistoj Filio Timisoara,
Komisiono Esperanto-Interlingvistiko.
* * *
Du grupoj de junaj esperantistoj pilgrimis tra Venecio akompanate de
volontuloj okaze de la Sankta Semajno kaj de la jubilea jaro.
* * *
Estis dissendita dialoga programo pri Esperanto, Zamenhof kaj pri la
sinteno de la israela sxtato al nia lingvo en la nacia radistacio, IBA
Radio, en Jeruzalemo, Israelo la 16-an de julio.
* * *
Okazis stagxo pri teatro gvidita de Paul Gubbins inter 06-12. 07. 2000 en
Kvinpetalo. Pro la granda sukceso ankaux en la venonta jaro okazos sama
stagxo.
* * *
Al la cxijara universala kongreso sendis sian mesagxon la sekretario de
Unuigxintaj Nacioj, Koffi Annan, direktoro de UNESKO, Koichiro Matsuura.
* * *
Estis demandita gxusta traduko de Esperanto-frazo en kvizludo de itala
televidstacio. Oni devis elekti la tradukon de "Cologno, cxefurbo de arto
kaj turismo".
* * *
Rondvojagxis la prezidanto de Internaca Federacio de E-Fervojistoj kaj sia
edzino en Francio. Dum la vojagxo ili prelegis en multaj lokoj pri
diversaj temoj antaux plurspecaj publikoj tiel famigante Esperanton.
* * *
Aperis tutmonda Esperantlingva proverbaro kompilita de la finno, Erkki
Rontynen. Gxin vendas ankaux UEA.

**************************************************************************

ANONCETOJ
/////////

La jarkunveno kaj ekspozicio de la Esperanto-Asocio de Irlando okazos 07.
10. 2000, sabaton de 14:00h gxis 18:00h en "The Legal Eagle", Chancery
Place, Dublino (apud "The Four Courts"). Cxiu interesito estas bonvena.
* * *
Kun bedauxri ni mencias, ke la 30-an de aprilo mortis fama cxeha
esperantisto-verkisto, Jiri Karen (propranome Ladislav Podmele).
* * *
Bert de Wit okaze de sia 50 naskigxtago atendas bildkartojn kaj
salutkartojn al: Bert de Wit, Houtvaartkade 21, NL-2111 BR Querdenhaut,
Nederlando.
* * *
Por prelego en lucerna Esperanto-klubo mi nepre bezonas manuskriptojn pri
la temo: "Edukado de lingvoj en nia lingvo". Precipe interesas min spertoj
de denaskuloj. Adreso: D. Rooke, aussere Klus 2, CH-4702 Oensingen, Svisio

**************************************************************************

KORESPONDI DEZIRAS
//////////////////

37-jaragxa esperantisto deziras korespondi kun
samideanoj el la tuta mondo pri diversaj temoj. Adreso: Marek
Bamberski, Huta Stara 120, PL-42-295 Kozieglowi, Polio.
* * *
Mi estas komencanto kaj volas korespondi kun cxiuj el
la tuta mondo. Miaj interesoj estas pianoludo, klasika muziko,
kulturo de landoj, religio, spiritismo, antikvaj civilizadoj,
legado kaj amikeco. La adreso: Alan Capuano, Rua Maria Rita 90,
BR-02374-030 Sao Paulo - SP, Cep, Brazilio. Retadreso:
alancapuano@forigu.hotmail.com .
* * *
Mi estas 27-jara frauxlo, komencanto. Mi estas
kuracisto. Interesoj: komputiloj, interreto, retpagxoj, lingvoj,
muziko, legado kaj skribado. Mi volas korespondi kun personoj el
diversaj landoj kaj kulturoj. Adreso: Jesus R. Cedeno, Trv. 14
#542, Urb. Fundemo I, Maturin, Edo. Monagas, Venezuelo, rete:
jrcedeno@forigu.usa.net .

**************************************************************************

INTERESE
////////

"Novaj dimensioj de Eventoj..."
===============================

Ludo por vidi la nevideblan

La aldonita bildo ne estas eraro de presejo. Se vi suficxe lerte (per
speciala maniero) rigardados gxin, vi povos ekvidi 3-dimensian bildon:
super klare ebena surfaco je cx. 1 centimetro trovigxas iu figuro
(desegnajxo, teksto aux figuro).

Kiel oni povas vidi la bildon?

Por ekvidi la "bildon" oni devas rigardadi gxin ne per la kutima maniero.
Ebenigu la folion de la gazeto (aux metu gxin sur iun ebenan malmolan
surfacon) kaj rigardu gxin de cx. 20 cm-a distanco. Fokusigu vian rigardon
ne rekte sur la bildon, sed antaux aux malantaux gxin, kaj provu sxangxadi
tiun fokusdistancon. Ne koncentru vian atenton, sed simple nur "gapu" al
la bildo, kvazaux vi revadus pri io. (Kaj ne zorgu pri la rimarkoj de
cxirkauxstarantoj, ke vi "stultmienigxas"...) Ne perdu la paciencon, post
kelkaj sekundoj aux minutoj (!) vi kaptos la gxustan fokusdistancon, cxe
kiu vi ekvidos la 3-dimensian bildon, kaj ekkrios pro la miro!

Kial indas vidi gxin?

Se vi sendos al ni leteron, fakson, retmesagxon kaj gxuste priskirbas kio
videblas sur la bildo, vi partoprenos lotumadon, kie eble vi gajnos unu el
niaj 3 premioj. Alvena limdato: 30-a de oktobro. Partopreni rajtas iu ajn
(montru do la bildon al viaj klubanoj, kursanoj, esperantistaj konatoj!).

Premioj

- La 1-a premio estas kompaktdisko "Mesio" de Handel, registrajxo de
  profesia E-lingva koncerto. La disko NE estas vendata, gxi estas
  produktita entute en 30 ekzempleroj (!) kiel persona donaco de Eventoj-
  kunlaborantoj...
- La 2-a premio estos la epopeo "Toldi" de Janos Arany. Ankaux tiu libro NE
  estas publike vendata, gxi estas eldonita de ni en nur 40 (!) ekzempleroj,
  kaj nur kelkaj eminantaj esperantistoj kaj kolektantoj havas gxin...
- La 3-a premio estas Pasporta Servo-2000.

La gxustaj solvoj estas atendataj cxe:

pk 87, HU-1675 Budapest, Hungario
Rete: eventoj@forigu.esperanto.org
Fakso: +36-1-2828885
Agrablan "stultmienigxon" kaj amuzadon!
**************************************************************************

Kio estas sukceso?
==================

- En 4 jaroj sukceso estas se vi ne pisas en pantolonojn.
- En 12 jaroj sukceso estas se vi havas amikojn.
- En 20 jaroj sukceso estas se vi povas havi sekson.
- En 35 jaroj sukceso estas se vi havas bonan salajron.
- En 60 jaroj sukceso estas se vi povas havi sekson.
- En 70 jaroj sukceso estas se vi havas amikojn.
- En 80 jaroj sukceso estas se vi ne pisas en pantolonojn.

Zmicier Lapcionak
laux retlisto Anekdotoj en Esperanto

**************************************************************************

Vojagxo en dezerton
===================

Jen viro kiu la tutan vivon revas vojagxi en dezerto. Li sxategas la tagan
varmegon kaj la noktan malvarmon, la silenton, kaj la sablosxtormojn
finfine, cxiujn dezertajn ecojn.

Por efektivigi sian revon, li fine prenas tutjaran ferion, preparas siajn
valizojn, kaj ekforiras kun la ideo acxeti kamelon tuj je sia alveno.

Apenaux la aviadilo surterigxas ne malproksime de Saharo, li eksercxas
kamelon. Li trovas apud la flughaveno simpatian kamelvendiston, kiu
klarigas al li kiel "konduki" kamelon: "Vi vidos, ne estas komplike. Por
antauxeniri, vi diru "Fu!". Se vi volas ke gxi rapidigxu, diru "Fu fu!".
Kaj se vi volas iri ankoraux pli rapide, diru "Fu fu fu!". Por halti, diru
al gxi simple "Amen!" "

- "Ho, vi pravas. Tio ne estas tre komplika."

Do, la viro foriras kun la kamelo, kaj ekvojagxas por malkovri la
dezerton. Li volas provi cxiujn rapidojn de la kamelo, do li komencas per
pasxado, kompreneble, kiun li ordonas per "Fu!". Poste li provas trotadon
de la kamelo per "Fu fu!". Kaj fine la kamelan galopadon per la poezieca
"Fu fu fu!".

Tiel lulate per la tangado de la kamelo, li endormigxas sur gxia dorso.

Je lia revekigxo, la kamelo dauxre kuregas. Sed kiam li malfermas la
okulojn, li rimarkas ke la kamelo direktigxas rekte al... krutegajxo. Kaj,
terurege, li forgesis kiel haltigi la kamelon!

Do, li ekprovas cxiujn vortojn kiujn li povas elpensi: ""Aleluja!", ne,
"Abrakadabra!", nek estas tio. Tamen, mi certas ke komencigxas per "A"....
- Ah jes, estas "Amen!""

Kaj la obeema kamelo haltas gxuste cxe la rando de la krutegajxo, precize
en la gxusta sekundo!

Kaj, senpezigite, la viro elspiras: "Haaaa, fu!"

Rikardo Cash
el la retlisto Anekdotoj en Esperanto
aligxo: esperanto.anekdot-subskribe@forigu.listbot.com

**************************************************************************
**************************************************************************

EVENTOJ, n-ro 192, 1/septembro-2000
Internacia sendependa gazeto pri la Esperanto-movado
en kunlaboraj rilatoj al Hungara E-Asocio.
Reg.nr: B/TSZL/85/1991. ISSN 01215-959 X

Eldonas LINGVO-Studio kaj Kultura Esperanto-Asocio.
H-1675 Budapest, pf. 87.
Tel./fakso: +36-1-2828885. Retposxto: eventoj@forigu.esperanto.org
Retpagxo: http://www.esperanto.hu/eventoj-enirejo.html
Aperas dusemajne.

Redaktas: Axel Orszag-Krysz
Respondeca eldonanto kaj cxefredaktoro: Laszlo Szilvasi.
Oficeja kunlaboranto: Istvan Meszaros
La redakcio ne nepre konsentas pri la enhavo de unuopaj artikoloj, 
kaj ne respondecas pri la anonc-enhavoj.
Abonkotizo: 74 NLG (aere 86 NLG) al la UEA-kodo ELLS-S.

**************************************************************************
**************************************************************************