Eventoj n-ro 188, retposxta versio ********************************** Titolpagxe: - Strategia Forumo en Telavivo Faka aplikado: - Terminologio dum KAEST - Aldonajxoj... denove - pliigxas la kolekto de fakaj titoloj - IKEK-konferenco Kontakto sercxata: - Lanolino sercxata Interreto: - Plilargxigxas la listo de babilemaj esperantistoj - Ret-Info - U T I L A Arangxoj: - IJS - Indas partopreni! - La 1-a Esperanto-Seminario en arabaj landoj - Istrio... - IJK - sxangxo de la kongresejo - Kompleta Monata Kalendaro Movado: - Esperanto-redakcio de Radio Auxstrio bezonas helpon - McDonalds' en Esperanto - Konferenco de AIS - Cxu Esperanto povas esti subtenata? - Fondajxo Esperanto - Z. Zamenhof en Brazilio - La sorto de "Eichholz-libraro" - Interlingvistika konferenco en Telavivo - Disvastigi Esperanton... - Kiel varbi Esperanto-kurson? Instruado, ILEI: - Pagata persono por instruado Radio: - Produktado de radioprogramoj Gazetoj: - Familia Esperanto Muziko: - Cxu novaj rokmuzikistoj en Esperanto? Libroj: - Lernolibro pri demokratio Kulturo: - Brazila posxtmarko kun Esperanto-teksto Rubrikoj: - Mallonge (10), anoncetoj (3), korespondi deziras (3) Interese: - Futbalteamo Esperanto - Sciu, vi estas sur la gxusta(?) vojo se... - Libromangxado - Stevardinoj - pasagxeroj ************************************************************************** TITOLPAGxE ////////// Strategia Forumo en Tel-Avivo ============================= Estrarano de UEA, d-ro Petro Chrdle, kiu kunordigas la funkciadon de la Strategia Forumo de la Esperanto-Komunumo, dissendis al cento da plej diversaj organizajxoj kaj instancoj inviton al gxia tria kunsido. Gxi okazos en la 85-a Universala Kongreso en Tel-Avivo, lunde, la 31-an de julio, de 14h00 gxis 18h00. La Strategia Forumo estas malferma al cxiuj organizajxoj, kiuj uzas por sia agado Esperanton, sendepende de la celo. En gxi cxiuj kunvenantaj organizajxoj estas egalrajtaj senrigarde al iliaj grandeco kaj agadkampo. Iliaj celoj povas esti plej diversaj, ecx malaj inter si, sed ili dividas minimume unu komunan trajton: praktikan uzadon de la internacia lingvo Esperanto, kaj sekve ili komune kreas, vole-nevole, la Esperanto- komunumon. La Strategia Forumo, iniciatita kadre de Kampanjo 2000, kunsidis unuafoje en la Montpeliera UK en 1998, kie la prelegoj havis gxeneralan karakteron. En la dua kunsido en Berlino la prelegantoj traktis la Esperanto-komunumon el diversaj fakdirektoj, nome scienca-kultura, industria-profesia kaj jura. En Tel-Avivo kompletigxos tiu dua etapo per prelegoj el vidpunktoj spirita kaj tiu de profesia uzanto de Esperanto. Grandan parton de la tempo oni kompreneble dedicxos al diskutado. La materialojn de la Berlina kaj Tel-Aviva kunsidoj oni planas eldoni en unu kajero. Tiuj de Montpeliero jam aperis sub la nomo "Cxiuj kune" en la serio Esperanto-dokumentoj. Kiel la trian etapon de la Strategia Forumo d-ro Chrdle antauxvidas sercxadon de komunaj projektoj aux agoj, tiel ke ekde la Zagreba UK cxiu kunsido havu konkretan temon, ekz. turismo, interreto aux la rolo kaj perspektivoj de Esperanto-centroj. Tamen, la forumanoj kompreneble estos liberaj elekti en Tel-Avivo ankaux alian formon por sia posta kunlaboro. D-ro Chrdle emfazas, ke la partopreno en la Strategia Forumo estas tute libera al cxiaj organizajxoj kaj ne postulas akcepton de iaj tezoj aux kondicxoj. Ankaux tiuj, kiuj eventuale ne ricevis skriban inviton, estas bonvenaj sendi sian reprezentanton. Por faciligi la preparojn, estas helpe, se oni anoncos la nomon de sia reprezentanto antaux la 20-a de julio al: d-ro Petro Chrdle Anglicka 878, CZ-252 29 Dobrichovice, Cxehio Rete: chrdle@forigu.kava-pech.cz ************************************************************************** FAKA APLIKADO ///////////// Terminologio dum KAEST ====================== Pro la antauxvidata malgranda kvanto de cxeestantaj fakuloj, cxi jare dum la UK ne okazos la kutima terminologia kunveno. Antaux la sekvajara, zagreba UK terminologoj kunvenos en la KAEST, Konferenco pri Aplikado de E-o en Scienco kaj Tekniko en Cxehio (10-13. 09.). En KAEST funkcios 3 sekcioj: - Ekonomio sojle al la 3-a jarmilo, - Terminologiaj problemoj de Apliko de E-o en Scienco kaj Tekniko - Scienco kaj tekniko gxenerale La sinproponojn por prelegi (nepre akompanendaj per gxis 50-vorta resumo) por cxiuj tri sekcioj de la kolokvo estas kolektataj gxis la fino de junio, gxis la fino de auxgusto cxiu proponinto ricevos sciigon, cxu la kontribuo estis akceptita kaj gvidliniojn por gxia prezento (precipe limigo de tempo, kiu dependas de la nombro de akceptitaj kontribuoj). Pliaj detaloj cxe la pagxoj: http:// www.kava-pech.cz/kaest aux retposxte cxe: Petro Chrdle Anglicka 878, CZ-252 29 Dobrichovice, Cxehio Rete: chrdle@forigu.kava-pech.cz ************************************************************************** Aldonajxoj... - denove ====================== Andrzej Warszawski sendis kelkajn titolojn al la 9-a parto "kemio" de "Faklingvajxo en Esperanto" (Eventoj n-ro 185): - TUMA, Miroslav: Pri la varmo. 1971-1972. 215 p. - VETTER, Rob: Atoma klerigo de materialproprecoj. Sciencista-Teknikista Esperanto Asocio sub la Cxina Akademio de Sciencoj. 180 p. - VETTER, Rob: Fazodiagramoj, enkonduko al materialscienco. 42 p. - VETTER, Rob: Listo de fakaj terminoj, manuskripto multobligita. 38 p. - WARSZAWSKI, Andrzej: Antoni Grabowski kaj kemio. Bydgoszcz, 1991. - WARSZAWSKI, Andrzej: Kemiaj reakcioj kaj termodinamiko. enhavas glosaron de terminoj en lingvoj: esperanta, angla, germana, pola kaj rusa. Bydgoszcz, 1991. 45 p. - WARSZAWSKI, Andrzej (trad.): Lernolibro pri simboloj kaj terminologio por fizikokemiaj grandoj kaj unitoj. fragmentoj. manuskripto. 24 p. - WARSZAWSKI, Andrzej: Kontribuo de Antoni Grabowski al pollingva kemia nomenklaturo. 13 p. - WESTERMAYER, Manfred: Internationales Chemie-Worterbuch, Ausgabe: Deutsch, E-o, Englisch, 1981. Speciale menciinda estas ruslingva libro pri nia lingvo: - KOROLEVICH, A. I.: Kniga ob Esperanto (Libro pri Esperanto). Naukova Dumka, Kievo 1989. 254 p. enhavas liston de 168 literaturajxoj, ruslingva, parte esperantlingva Andrzej Warszawski Rete: awar@forigu.enternet.com.pl ************************************************************************** Konferenco de IKEK ================== La 12-a Konferenco de IKEK okazis inter la 27-30. 12. 1999 en Havano, Kubo. En gxi cxeestis 51 gekonferencanoj el Britio, Francio, Germanio, Hispanio, Islando, Kubo, Norvegio, Svisio. Dum kvar kunsidoj, oni decidis plibonigi la datumbazojn de retadresoj, fresxigi la retpagxaron, aligxi pere de UEA al la Manifesto 2000, kondamni la veran blokadon de Usono kontraux kuba popolo, kunveni en la Telaviva UK dum unuhora kunveno, peti starigon de la 13-a Konferenco en Britio en printempo 2001. Elektigxis nova IKEK-Estraro. Vincent Charlot Rete: esperant@forigu.worldnet.fr ************************************************************************** KONTAKTO SERCxATA ///////////////// Lanolino sercxata ================= Nun mi volas acxeti krudan (senrafinitan) lanolinon el iu lando. La lanolino estas grasa substanco, defalanta cxe la lavado de lano. Preskaux cxiuj lan-lavadaj fabrikoj produktas la substancon. Mi deziros acxeti unufoje 60 tunojn da lanolinoj. Mi petas ke vi rilatigxu kun tiaj fabrikoj por helpi min, kaj sendu al mi la informon pri prezo. Se la prezo estos favora, mi vizitos vin en tauxga tempo. Huang Yinbao IAEA, Jingchuan-Xie Kewei, CN-744300, Gansu, Cxinio Rete: agrikultura@forigu.esperanto.nu ************************************************************************** INTERRETO ///////// Listo de babilantoj =================== La listo de esperantistoj kiuj uzas Firetalk (vidu Eventoj n-ro 187) jam inkluzivas 93 gesamideanojn el 21 landoj. Gxi trovigxas cxe: http://esperanto.digiweb.com/babililo.htm Ni invitas cxiujn samideanojn partopreni nian cxiutagan virtualan babiladon! Por tio suficxas plenumi etan aligxilon, kiu trovigxas sur la pagxo. Ekzistas ankaux la listo de esperantistoj kiuj uzas la programon "ICQ" inkluzivas 354 gesamideanojn el 44 landoj kaj trovigxas cxe: http://esperanto.digiweb.com/icq/icqlisto.htm . Luiz Fernando Vencio Rete: lvencio@forigu.persogo.com.br ************************************************************************** Ret-Info - Utila ================ Antaux ne longe aperis anonco en la interreta novajxservo, Ret-Info: Ni sercxas fakan artiston kiu povus konstrui vitralojn (fenestro de pregxejo). Petu la desegnon por fari vian prezon al: TAKE-Esperanto 90, Rue du TiefenbachFR-68920 Wintzenheim, Francio Rete: N3.3022@forigu.compuserve.com Post kelkaj tagoj Ret-Info ricevis la mesagxon: Por via scio. Venis tri respondoj al via anonco el Jugoslavio, Litovio kaj Argentinio en du tagoj, por fari oferton al mi en tiu tre faka afero. Kiu diras ke Esperanto ne funkcias en cxiutaga vivo, ecx tre profesie, arto ....? Mi esperas ke mi sukcesos la konstruon de tio pere de esperanto. Alia projekto, kiu bone funkcias estas fundado de arkitektura kaj konstru- agentejo en Cxinio uzante Esperanton kiel oficialan lingvon por 2001. Michel Basso Rete: 100623.3022@forigu.compuserve.com Memorinde estas, ke ankaux Eventoj uzas la novajxojn senditajn per Ret- Info por pli rapide informigi la legantojn. Oni povas peti pliajn informojn pri tiu cxi servo cxe la redakcio: Rete: ret-info@forigu.esperanto.org Retpagxo: http://www.esperanto.hu/ret-info.htm ************************************************************************** ARANGxOJ //////// IJS 2000 ======== La lasta Internacia Junulara Semajno, IJS de cxi jarmilo okazos inter 27.07. - 02.08. 2000 en Nyiregyhaza, Hungario. La organizantoj atendas cxiujn junulojn kun interesa kaj bonetosa programo. Okazos gustumado de tradiciaj kaj tutmonde famaj hungaraj vinoj en Tokaj. Dum la tradicia balo okazos esperantista surprizo. Pliaj informoj kaj aligxo eblas cxe: Hungara Esperanto-Junularo pk. 87, HU-1675 Budapest, Hungario Rete: pandan@forigu.mail.matav.hu ************************************************************************** 1-a Seminario en Arabaj Landoj ============================== Inter 22-24. 07. okazos la seminario kun la titolo "Tutmondigxo kaj la arabaj landoj" en la Regxa Kultur-Centro (Markaz al-Maliki al Thaqafa), strato Regxino Alja (Malika Alya). En la programo troveblas interesaj prelegoj de gravaj tutlandaj kaj arabaj esperantistoj pri la cxefa temo kaj pri stato de Esperanto en la tuta mondo kaj en arabujo. Okazos komparado inter la arabaj lingvoj kaj Esperanto. Eblos viziti la belan cxirkauxajxon. Renato Corsetti Rete: corsetti@forigu.itelcad.it ************************************************************************** "Istrio estas songxo..." orbispictus@forigu.iol.it ************************************************************************** IJK - sxangxo de kongresejo =========================== Pro pli favoraj kondicxoj, la kongresejo estis translogxigita al la pitoreska vilagxo Sai Kung. La moderna junulara kongresejo estas najbaraj al montaro, lago kaj plagxo. Tagaj kaj noktaj programoj - prelegoj kaj diskutado pri nia temo: tutmondigxo en 21-a jarcento, cxinaj kulturaj lecionoj, rostado kun kantoj, internaciaj dancoj - neforgesebla semajno en la azia metropolo - "perlo de la oriento" - atendas vin! LKK de IJK Pk. 77, CN-100037 Beijing, Cxinio Rete: epc@forigu.china-report.com ************************************************************************** Kompleta monata kalendaro ========================= La kompleta jara listo de E-arangxoj dauxre aktualigata de ni, troveblas en interreto http://www.hungary.net/esperanto/ . Korektoj, aldonoj estas bonvenaj! Por ricevi txt-formatan version sendu mesagxon (enhavo ne gravas) al la auxtomato: kalendaro@forigu.esperanto.org * * * 15-21.07. Internacia Konferenco de ILEI (Internacia Ligo de Esperantistaj Instruistoj) en Bouresse. Inf: Kvinpetalo, Esperanto-Centro, FR-86410 Bouresse, Francio. Tel/fakso: +33-549.428074. Rete: rapley@forigu.club-internet.fr * * * 15-21.07. Stagxo en Gresillon: Kantado en Esperanto kun Marie-Pol Rabiller. Inf: henri.boyet@forigu.mail.dotcom.fr * * * 15-21.07. Internacia Esperanto-Konferenco 2000 (IEK 2000) en Motovun (Istrio, Kroatio). Inf: Orbis Pictus, Via Leghissa 6, IT-34131 Trieste, Italio. Tel/fakso: +39-040-767875. Rete: orbispictus@forigu.iol.it * * * 15-22.07. 6-aj Someraj Kursoj en Motovun (Istrio, Kroatio), instruas Georgo Handzlik kaj Zlatko Tisljar. Inf: Orbis Pictus, Via Leghissa 6, IT-34131 Trieste, Italio. Tel/fakso: +39-040-767875. Rete: orbispictus@forigu.iol.it * * * 15-23.07. 73-a Kongreso de SAT en Moskvo. Inf: Nikolao Gudskov, a/k 57, RU-105318 Moskvo, Rusio. Tel: +7-095-3694220 (hejma). Rete: nikolao@forigu.orc.ru aux SAT, 67 avenue Gambetta, FR-75020 Paris, Francio. Tel: +33-1-47978705, fakso: +33-1-47977190. Rete: satesper@forigu.cybercable.fr * * * 15-23.07. Laborbrigado por preparado de OkSEJT! Inf: Org. komitato de OkSEJT, ul. Ikrjanistovoj 2-28, RU-153003 Ivanovo, Rusio. Rete: oksejt2000@forigu.nm.ru * * * 16-21.07. Internaciaj someraj kursoj en Lesjofors. Inf: Karlskoga Folkhogskola, SE-691 24 Karlskoga, Svedio. Tel.: +46-(0)586-64600, fakso: +46-(0)586-46422. Rete: lars.forsman@forigu.fhsk.karlskoga.se * * * 16-25.07. Antaux-Kongresa Ekskurso en Libano, Sirio, Jordanio. Inf: Esperanto Vojagx-Servo, Kontaktu rete: LusiHarmon@forigu.aol.com * * * 16-29.07. 48-a Somera Esperanto-Tendaro, Lancxov. Inf: Esperanto-Klubo, CZ-674 01 Trebicx, Cxehio * * * 17-23.07. Kultura Esperanto-Festivalo 2000 (KEF 2000) Helsinki. Inf: Kultura Esperanto-Festivalo 2000, Siltasaarenkatu 15 C 65, FI-00530 Helsinki, Finnlando. Rete: Riitta Hamalainen kef2000@forigu.esperanto.fi * * * 18-23.07. Monatfino en KCE. Stagxo pri jogo - kun Fernando Vurpillot. Inf: Kultura Centro Esperantista, CP. 311, CH-2301 La Chaux-de-Fonds, Svisio. Tel/fakso: +41-32-9267407. Rete: kce.esperanto@forigu.bluewin.ch * * * 20.07-03.08. Ripozo cxe Nigra Maro, Albena. Inf: Hristo Ignatov, gxis 1-a de apr.: Zur Nachtheide 28, DE-125557 Berlin, Germanio Tel: +49-30-6554095, post 2-a de apr.: postrestante, BG-9620 Albena, Bulgario, Tel/fakso: +359-5722-62369 * * * 22.07. Seminario pri raumismo. (20 jarojn post Rauma. La sekvoj...) Inf: Jouko Lindstedt, Rete: jouko.lindstedt@forigu.helsinki.fi * * * 22-24.07. Seminario en Amano "Tutmondigho kaj la arabaj landoj" en Regxa Kultur-Centro kaj hotelo Le Meridien. Inf:Universala Esperanto-Asocio, NL-3015 BJ Rotterdam, Nieuwe Binnenweg 176, Nederlando. Tel: +31-10-436144, +31-10-4361751. Rete: uea@forigu.inter.nl.net * * * 22-25.07. Oficiala Antauxkongreso en Jordanio. Inf: Universala Esperanto- Asocio, NL-3015 BJ Rotterdam, Nieuwe Binnenweg 176, Nederlando. Tel: +31-10-436144, +31-10-4361751. Rete: uea@forigu.inter.nl.net * * * 22-27.07. antauxMEmzorga LAg-umado (MELA) Delegyhaza (granda MELA auxguste: 02-13). Inf: Laca Garamvolgyi, Arany Janos ut 47, HU-1221 Budapest, Hungario. Tel: +36-1-2283510 aux Laca/Andi: +36-30-2097864 aux Andi: +49-511-7000011 * * * 22-29.07. 19-a Katolika Esperanto-Tendaro en Sebranice. Inf: IKUE-Katolika Sekcio de CxEA, s-ro Miloslav Svacek, Trsicka 6, CZ-751 27 Pencice, Cxehio. Rete: msvacek@forigu.iol.cz * * * 23-25.07. 1-a Nacia E-Kongreso de Malagasa E-Unuigxo, Antananarivo. Inf: Justine Ralalalrisoa, Lot. II. C 72 FD Manjakatay, MG-101 Antananarivo, Malgasio * * * 23-28.07. Internaciaj someraj kursoj en Lesjofors. Inf: Karlskoga Folkhogskola, SE-691 24 Karlskoga, Svedio. Tel.: +46-(0)586-64600, fakso: +46-(0)586-46422. Rete: lars.forsman@forigu.fhsk.karlskoga.se * * * 23.07-01.08. Internacia Somera Kurso, Lesjofors. Inf: Esperanto-Garden, Stiftelsevagen 1, SE-680 96 Lesjofors, Svedio. Tel: +46-590-30903, fakso: +46-590-30309. Rete: egarden@forigu.esperanto.se * * * 24-27.07. SAT-postkongreso en Moskvo. Inf: Nikolao Gudskov, a/k 57, RU-105318 Moskvo, Rusio. Tel: +7-095-3694220 (hejma). Rete: nikolao@forigu.orc.ru aux SAT, 67 avenue Gambetta, FR-75020 Paris, Francio. Tel: +33-1-47978705, fakso: +33-1-47977190. Rete: satesper@forigu.cybercable.fr * * * 24-30.07. 1-a Rusia Esperantista Arkeologia laborbrigado en Pljos. Inf: Organiza Komitato de OkSEJT, ul. Ikrjanistovoj 2-28, RU-153003 Ivanovo, Rusio. Rete: oksejt2000@forigu.nm.ru * * * 15-21.07. Stagxo en Gresillon: Teatro - kun Sylvie Bonnet. Inf: henri.boyet@forigu.mail.dotcom.fr * * * 24-30.07. 1-a Rusia Esperantista Arkeologia laborbrigado en Pljos. Inf: Org. komitato de OkSEJT, ul. Ikrjanistovoj 2-28, RU-153003 Ivanovo, Rusio. Rete: oksejt2000@forigu.nm.ru * * * 25.07. Seminario en la israela vilagxo nomata "Pac-oazo/Neve sxalom". Inf: LKK, pk. 1289, IL-61012 Tel Aviv, Israelio aux Universala Esperanto- Asocio, NL-3015 BJ Rotterdam, Nieuwe Binnenweg 176, Nederlando. Tel: +31-10-436144, +31-10-4361751. Rete: uea@forigu.inter.nl.net * * * 25.07-01.08. 85-a Universala Kongreso de Esperanto (85-a UK) en Tel-Aviv. Inf: LKK, pk. 1289, IL-61012 Tel Aviv, Israelio aux Universala Esperanto- Asocio, NL-3015 BJ Rotterdam, Nieuwe Binnenweg 176, Nederlando. Tel: +31-10-436144, +31-10-4361751. Rete: uea@forigu.inter.nl.net * * * 25.07-01.08. Internacia Infana Kongreseto/, Hadassim, Israelo. Inf: Stefan MacGill, Bethlen G. u. 2., HU-2030 Erd, Hungario. Tel: +36-1-4523737. Rete: stefan.macgill@forigu.galamb.net ************************************************************************** MOVADO ////// E-rdakcio de Radio Vieno bezonas helpon ======================================= La tutlanda sxparado kion anoncis la registaro atingis ankaux nin en Radio Auxstria Internacia. Kiel ni jam menciis en unu el niaj pasintaj elsendoj, la registaro malgrandigis la cxijaran bugxeton de ROI ne per la anoncita 15 elcentoj sed per 25 elcentoj. La fina sumo de la cxijare uzebla monkvanto ankoraux ne estas subskribita de la financministraj respondeculoj gxis nun. Krom tio estonte ne la landa federacio financos la elspezojn de ROI sed ORF en kies kadroj ni ankaux gxis nun laboris. La fakto, ke ROI estos nun en ORF nur unu el pluraj departamentoj, kuntiras ankaux nov-strukturigxon. Komence de auxgusto ROI translokigxas de ORF-Centro situanta sur "Kuniklomonto" en 13-a Viena distrikto al la tielnomata "Radiodomo" kiu trovigxas en la 4-a distrikto. Laux la devizo de gxenerala intendanto de ORF s-ro Weiss "Radio al radio". Cxar oni devas jam plani la sekvontan disauxdigperiodon kio ekos per la komenco de vintra tempokalkulo (cxi jare la 29-an de oktobro), oni devas havi opinion pri grandeco de bugxeto disponebla por la sekvonta jaro, do cxi jare por 2001. Nu, tio alvenis de la ORF-gxeneralintendancio. Laux gxi la sumo disponebla por la sekvonta jaro estas ekzakte la duono de la pasintjara. Do, cxijaron ni devas trakti kiel trairperiodo. Memkompreneble sekvontjare oni povos nur pli malmultan programon mem fari, do oni planos disauxdigi programblokojn 5 aux 6 foje dum la tago uzante nur 4 aux eble nur 3 lingvojn el la nuna ses. Tiuj, kiuj auxskultas ankaux germalingvajn programerojn certe rimarkis, ke mankas jam pluraj vocxoj. Tio estis nur la komenco! La nombro de kunlaborantoj estis pasintjare ankoraux cxirkaux 100 (ili estis konstantaj kaj libervolaj kunlaborantoj) ekde la 1-a de junio tiu cxi nombro duonigxis. Tiuj, kiuj auxskultas nur niajn disauxdigojn ankaux rimarkis, ke nia programero de 10:05 universala tempo translokigxis al 09:05 do, gxi auxskulteblas unu horon pli frue. Sed gxi ankoraux auxskulteblas. Kvankam ni estas la plej malgranda redakcio kaj tiel la plej malmultekosta tamen nia laboro montrigxas tre efika. Pasintjare ni ricevis 10.028 alskribojn, kio estas la triono de la tuta alvenintajxo de ROI kaj nur 2409 erojn malpli ol la ricevitajxoj de la germanlingva redakcio. Gxuste tio, ke ni estas sur la dua loko helpas iom por la estonto. Laux la financa situacio de ROI estus nur ebla havigi esperantlingvan programon, se gxi ne influus ties sekvontjaran bugeton. Tio signifas, ke Esperantlingvaj disauxdigoj okazos post la 28-a de oktobro, nur, se el diversaj fontoj ni sukcesos havigi la necesan 500 000 ATS kio estas proksimime 36.340 EUR. Tio estas nun la plej granda tasko de la Esperanto Redakcio. Se ni ne sukcesos trovi sponsorojn auxstrajn aux eksterlandajn, kiuj gxis la fino de auxgusto disponigas al nila necesan monkvanton, malaperos nia vocxo. Se ni ne estus pasintjare tiom sukcesaj, ni ne havus ecx tiun sxancon! Tre sincere mi petas cxiujn vin, karaj geauxskultantoj, helpu nin. Cxiuj kiuj havas praktikan aux teorian ideon kio realigeblas dum la sekvantaj du monatoj bonvolu nepre kontakti nin. Se vi havas ideon kiu firmao aux kompanio volus havigi al si pagitan varbadon en nia disauxdigo, bonvolu informi nin. La Esperanto Redakcio ne volas peti nur subtenajn monkvantojn, sed krom tiuj ni povas oferti varbadservon, pli malmultekoste ol kutime en radio programoj. Mi sxatus gardi mian optimismon kaj kredi, ke ankaux la esperantistaro tutmonde povus helpi nin transigxi tiun cxi baron. Per Esperanto agante por Esperanto, do mi esperas. E-Redakcio Radio Auxstria Internacia AT-1136 Wien, Auxstrio Rete: roi.esperanto@forigu.orf.at ************************************************************************** McDonald's en Esperanto ======================= La plej fama mangxajxvendista reto en la mondo "McDonald's", okaze de la tago de la amindumantoj, kiun oni festas en Brazilio la 12-an de junio, decidis ornami siajn pletotukojn per amdeklaroj en diversaj lingvoj. Inter la 24 landnomoj, lingvoj, meze en la supra parto trovigxas: "MI AMAS VIN!" dirata de paro faranta la pacosignon. Sube, antataux la landnomo troveblas: "Esperanto". Flanke, per malgrandaj nigraj literoj: "Idiomo kreita por esti parolata de cxiuj la popoloj." Roberto Resende Rete: rresende@forigu.brnet.com.br ************************************************************************** Konferenco de AIS en Hradec Kralove =================================== Pentekoste, inter 09-13. 06. 2000 la Akademio Internacia de la Sciencoj, AIS San Marino okazigis sian 23-an Sanmarinecan Universitatan Semajnon (SUS 23) en la orientcxeha urbo Hradec Kralove. Okazis kursoj pri astronomio, lingvistiko, kibernetiko, matematiko kaj sociologio, kaj pluraj sciencaj prelegoj. La Internacia Lingvo Esperanto estis la nura kurslingvo kaj unu el la preleglingvoj. Rande de la konferenco okazis kunveno de TAKIS (Tutmonda Asocio pri Kibernetiko, Informadiko kaj Sistemiko), kiu decidis sxangxi sian strukturon pro la dissolvigxo de AIC, la Internacia Asocio pri Kibernetiko. AIC gxis nun uzis tri lingvojn: La anglan, francan kaj internacian; TAKIS estonte uzos krom la internacia la anglan kaj la germanan, kiel la lingvojn de Shannon kaj Schmidt, la patroj de la kibernetiko. Krome dumtempe gxi uzos la lingvon de sia venonta kongresloko kaj la gepatran lingvon de po pli ol triono de la membraro. La kunveno akceptis inviton de la universitato de Nitra (Slovakio), okazigi TAKIS-kongreson en somero 2002. Samtempe okazu AIS-studadsesio. La sekva SUS komencigxos en vendredo, 22. 09. 2000 en la rumana urbo Sibiu kaj dauxros unu semajnon. Gxi atendas finekzamenajn kandidatojn por akiro de scienca grado. Detaloj estas scieblaj de: Mag. Joanna Lewoc Karl-Schwarzschild-Weg 6/317, DE-37077 Gottingen, Germanio ************************************************************************** Euxropa Jaro de la Lingvoj 2001 Cxu Esperanto povas esti subtenata? =================================== Sur la retpagxoj de la Euxropa Jaro de la Lingvoj 2001 (en la angla lingvo cxe: http://europa.eu.int/comm/education/languages/actions/year2001.html ) trovigxas informoj pri la lingvoj, kies lernadon Euxropa Unio planas kuragxigi kadre de tiu cxi Euxropa Jaro. Laux tiuj cxi informoj temas ne nur pri la oficialaj lingvoj de EU, sed ankaux pri cxiuj lingvoj - inkluzive de regionaj, minoritataj kaj gestaj lingvoj - kiujn la membrosxtatoj de la Euxropa Unio trovas subtenindaj. Pliaj esperantistoj en membrosxtatoj demandis nome de siaj E-asocioj la koncernajn ministeriojn, cxu esperanto povus esti subtenata. Oni respondis ke la decido okazis fine de junio. Esperantistoj devas nun atendi la rezulton de la decidoj de la sxtatoj. Ulrich Matthias Rete: ulrich.matthias@forigu.t-online.de ************************************************************************** Fondajxo Esperanto ================== La Estraro de Hispana Esperanto-Federacio, HEF nomumis dum la pasinta Hispana Kongreso de Esperanto la novan Patronaron de Fondajxo Esperanto. La agadoj de Fondajxo Esperanto dum la kuranta jaro 2000 disvolvigxos laux du konkretaj agad-kampoj. Unuflanke, gxi helpos la laborojn de asocioj kaj / aux unuopuloj kiuj celos disvastigi la internacian lingvon Esperanto. Al cxi tiu agad-kampo apartenas la projektoj: kunvoko de konkurso por premii la plej bonajn ideojn por disvastigi la internacian lingvon, kaj naci-nivele kaj lok- nivele; dum la jaro 2000 Fondajxo Esperanto eldonos, kuneldonos aux premios la eldonadon de libro verkita cxu en la internacia lingvo cxu en la hispana pri Esperanto; same, Fondajxo Esperanto kunlaboros mon-rimede kun tiuj asocioj kiuj organizos ekspozicion pri Esperanto aux cxeestos ne- esperantistan ekspozicion por prezenti nian lingvon. Aliflanke, Fondajxo Esperanto deziras agnoski la grandegan kaj sukcesoplenan laboron de tiuj asocioj kiuj lastatempe organizas E-kursojn en universitatoj. Estas necese agnoski ke unu el la plej gravaj sukcesoj de la E-movado en Hispanio dum la lastaj jaroj estas la organizado de cxi tiuj kursoj. Fondajxo Esperanto deziras helpi, laux niaj rimedoj, subteni la nun ekzistantajn kursojn kaj ecx seeble helpi la organizadon de aliaj. Laux cxi tiu programo Esperanto en la Universitato, Fondajxo Esperanto pruvos plenumi la jenajn agadojn: subvencii tiujn asociojn kiuj organizas E-kursojn en la hispanaj universitatoj; ellabori memorandon, kiun oni havigos al cxiuj hispanaj grupoj kaj interesitoj, kiu sciigos pri tio kiamaniere organizi tiajn kursojn; se eble, Fondajxo Esperanto subvencios dum la kurso 2000/01 la cxeeston de hispana esperantisto, aux de hispana universitata studento de Esperanto, en la Esperantaj kaj Interlingvistikaj Studoj de la Universitato de Poznan en Pollando. Fondajxo Esperanto C/Cadena 20-22, 1 izada, ES-50001 Zaragoza, Hispanio Rete: fundacion@forigu.esperanto.nu ************************************************************************** Z. Zamenhof en Brazilio ======================= La nepo de Lazaro Ludoviko Zamenhof, Zaleski-Zamenhof en aprilo vizitis Brazilion, kie li gastis en la tri cxefaj brazilaj urboj, nome, San Pauxlo, Braziljo kaj Rio de Jxanejro. Okazis vizitado de ZEO-j en San Pauxlo, busto de D-ro L.L.Zamenhof, strato Esperanto, strato Zamenhof. En Braziljo li vizitis Bonan Esperon, oficejon de Brazila E-Ligo. Li estis intervjuita de radistacio. Okazis multaj arangxoj e-istaj kaj distriktaj. Brazila Esperanto-Ligo Rete: bel@forigu.brnet.com.br ************************************************************************** La sorto de "Eichholz-libraro" ============================== En majo Rudiger Eichholz vendis sian domon en Bailieboro kaj, ne plu havante lokon por teni la restan stokon de Esperanto-Preso, donacis gxin al Kanada Esperanto-Asocio, KEA. Normand Fleury kaj Zdravka Metz faris heroan vojagxon kaj alportis cxiujn librojn de Bailieboro al Montrealo. Temas pri multaj miloj de libroj: iuj vendigxos por rekapti la kostojn alporti la librojn al Montrealo (UEA jam mendis librojn en valoro de 500 USD), iuj aldonigxos al la biblioteko de la Montreala Esperanto-klubo, sed la plej granda parto de la stoko, pli ol 2000 ekzempleroj de la anglalingva informlibro "Esperanto en la Moderna Mondo" (Esperanto in the Modern World), distribuigxos kiel eble plej vaste kaj libere. cxefe por neesperantistoj. Tiurilate la estraro de KEA jam faris decidojn. KEA pagos la sendokostojn por sendi de Montrealo pakajxojn de cxi tiu libro al tiuj kanadaj grupoj, individuoj kiuj pretas distribui gxin loke. KEA (per la Libroservo) sendos leteron al cxiuj membroj de KEA en Kanado kaj Usono aldonante kuponon por senpaga ekzemplero de cxi tiu libro. Cxiu kiu resendos la kuponon ricevos la libron kaj KEA pagos la sendokostojn. KEA starigos specialan fonduson kun la celo pagi la sendokostojn de pluraj ekzempleroj de cxi tiu libro al malricxaj landoj petante la membrojn de KEA ke ili kontribuu al tiu fonduso. Ni atendas reagon unuavice de kanadanoj, sed ni certe akceptos eksterlandajn donacojn cele al distribuado de la libro al "malricxaj landoj". Donacoj estas atendataj cxe: Kanada Esperanto-Asocio Pk. 2159, Sidney (BC), Kanado V8L 3S6 UEA-konto: KEAA-F ************************************************************************** Interlingvistika Konferenco en Telavivo ======================================= Dum la cxi jara Universala Kongreso okazos la "kutima" Interlingvistika Konferenco cxefe por neesperantistaj lingvistoj. Estus utila, se esperantistoj el la tuta mondo informus la lingvistojn sialandajn pri la arangxo. Estas grave, ke la informado pri la konferenco ne celas ke lingvistoj efektive vojagxu al Telavivo, se ili venos ili estos bonvenaj, sed la kampanjo celas nur informi ilin pri la ekzisto kaj dauxra funkciado de la Esperanto-movado. Pasintjare en pluraj landoj oni lerte ekspluatis cxi tiun okazon. Pliaj informoj troveblas cxe la retadreso: http://www.esperantic.org/ced/studies.htm . La teksto en Esperanto kaj en la angla peteblas de: Renato Corsetti Rete: corsetti@forigu.itelcad.it ************************************************************************** Disvastigi Esperanton ===================== Mi legis: "Sen instruado ni ne povas disvastigi Esperanton." Jes, tio estas vero, sed unue ni devas havi homojn, kiuj gxin volas lerni. Kaj tiuj "danke" al usona mono estas tre malmultaj. Unue interpretistoj ricevas altajn sumojn kaj tial ili disvastigas terurajn kalumniojn pri Esperanto. Usono dissendas bone salajratajn instruistojn de la angla tra la tuta mondo. Kaj ni? Kauxras kaj atendas miraklojn. Kiel ni povas atendi lernantojn, se la homoj gxenerale nenion scias pri Esperanto kaj se, do nur kalumniojn? Ni devas gxuste, vere kaj serioze informi la mondon. Ebloj estas multaj kaj ankaux nepostulantaj grandajn sumojn. Ne cxiam utilas tre grandlitera vorto Esperanto, unue oni devas koni la enhavon, kiel oni konas guston de Coca-cola, k.s. Jen mi trovis naux manierojn, kiel oni povas la publikon informi: Cxiu certe povas inter ili trovi "la sian", por tauxga medio kaj tauxga momento. 1. Tre grava estas la dumkongresa invito de eminentuloj, cxar se ili konos la veron, ili influos la ceterajn. 2. Oni ree eldonu grandkvante la etajn "sxlosilojn", kiel nun faris Nederlando. Gxi estus malmultekosta, do oni povas cxiam kunporti provizeton, por en tauxga situacio donaci. 3. Grandkvante oni presu bonajn flugfolietojn. Tiujn oni ne sxovadu en la domajn korespondajxkestojn, cxar de tie la reklamoj iras nelegitaj rekte en forfalajxojn. Oni gajnu ekzemple kelkajn "gesinjorojn gebubojn", kiuj ilin kontraux malgranda rekompenco (macx-gumo ks.) disdonas antaux sportejoj, grandvendejoj, pregxejoj aux simile rekte en la manojn. Certe multaj finigxos en paperkorboj, sed ne cxiuj. 4. Kelkaj radiostacioj elsendas gratulojn (en Cxehio radio Ostrava, katolika Proglas). Tiujn oni povas eluzi cxe viv-jubileoj de konatuloj kun mencio "gratulas E-klubo", "li longe povu ankoraux gxoji pri siaj E- amikoj", memkomprene ne en Esperanto, sed en nacia lingvo. 5. Cxiu estas fakul(et)o en sia laboro, do li klopodu dece penetreti en kunsidojn, festojn de siaj samfakuloj. Oni ne hontu pri Esperanto. 6. Sen penetro de Esperanto en sciencon kaj teknikon ne povas gxi venki. Por tio ni bezonas ricxan fakan literaturon. Cxiu laux sia povo traduku aux verku, entute okupu sin per Esperanto en sia fako. Vere oni ne povas eldonadi nevendeblajn librojn, sed ili povas ekzisti sur komputilaj disketoj. Ilian ekziston oni vaste diskonigu kaj kiu ajn interesato povos la tekston baldaux ricevi. Kaj la listegon de tiuj verkoj ekkonu la vasta publiko. 7. En E-gazetoj, precipe en Monato aperas multaj interesaj informoj. Utilas ilin traduki kaj sendi al nacilingvaj gazetoj kun la postulo de mencio de la fonto. Se la tradukoj ne aperas, almenaux en la redaktejo oni devis ilin legi. Latradukojn ne faru nur destinita persono, sed kiu ajn bonvolulo laux propra decido. 8. Ekzistas objxeto, ke oni ne renkontas esperantistojn surstrate. Oni renkontas ilin, sed ne scias pri tio. La etaj, ofte "pulaj" insignoj ne diras suficxe klare tion, kaj la grandaj "teleroj" estas malbelgustaj, kaj ankaux ili ne estas informaj. Okazis al mia (bongusta) insigmo: junulo "flustris" al alia: "Tia maljuna sinjorino kaj sxi havas intereson pri futbalo." Nome la futbalklubo Slavia havas similan insignon. Ankaux esperantistoj malfacile atentigas sin reciproke, precipe rapidantaj miopuloj. Samideano V. S. estis sxipisto inter Prago kaj Hamburgo. Foje li en Hamburgo demandis germane policiston, kie li iru por trovi certan lokon. Ricevinte la informon, li mense koncentrita pri la direkto erare dankis en Esperanto, kaj iris. Post momento lin kaptis la policisto. (Kion mi faris malbonan?) "Mi estas ankaux esperantisto," diris la policisto kaj invitis lin en la klubon. Tiun s-ron S. cxiufoje vizitis, kiam li alveturis en Hamburgon, gxis tion al li la komunistaj estroj "trastrekis". Poste li ne plu povis en Hamburgon veturi; nur sur limon GDR-Germanio okcidenta. Tamen "erari" oni povas ankaux intence. 9. En trajna koridoro antaux elvagonigxo mi atentigis (cxehe) sinjoron same atendantan: Cxu vi scias, ke sur via zonmonujo estas brodita esperantista vorto "Saluton?" "Jes, mi veturas kun la edzino al kongreso en Montpelieron." Nun estas modo havi sur la vestajxoj plej diversajn surskribojn, pri kiuj la posedantoj dube scias, kion ili signifas. Tion povas uzi esperantistoj por pli facile trovi sin. Nepre kun la vorto "Esperanto". Oni povus tiel pentri ekz. antauxe "Saluton", "bonan tagon", "Kiel vi fartas?", malantauxe "Revidon!", "Gxis revido", "Adiaux", "Fartu bone" kaj similaj. Se ne eblas pentrita, eblas brodita, diversloke, diversgrande. Elektu vian manieron kaj elpensu pluajn; nur informu, informu, agu, agu, agu, dece, dece, dece! Marie Bartovska laux Starto 3/1999 ************************************************************************** Kiel varbi E-kurson? ==================== Cxiam kun intereso kaj kompreno mi legas spertojn pri instruado de Esperanto kaj similaj aferoj. Mi devas dividi mian sperton pri anoncado. Oni foje pendigas belajn anoncojn pri kursoj de Esperanto. Ili estas diversaj pri la grandeco, sed la enhavo ne multe varias. La anoncoj fakte sercxas emulojn studi lingvojn. Se oni pendigas, aperigas anoncojn pri naciaj lingvoj, venas relative multaj homoj, pretas pagi ne malmulte. Scio de iu nacia lingvo donas eblecon perlabori monon. Do, naciaj lingvoj estas ekonomiaj lingvoj. Bedauxrinde oni ne konsideras Esperanton ekonomia. Nun mi pli atentas instruadon de E-o al lernejanoj. Mi pendigas anoncojn en la lernejoj. Mi sercxas korespondemajn infanojn. Mi konsilas al vi pendigi similan anoncon ankaux ne nur en lernejoj. Korespondemuloj povas esti en ajna agxo. Kiun skribi sur varbfolio? Jen ekzemploj: Cxiu, - kiu deziras havi amikojn en diversaj landoj; - kiu volas scii multon pri la vivo de viaj samagxuloj senpere (el la "unua mano"); - kiu volas ricevadi belajn BK, PM, glumarkojn; - kiuj deziras renkontigxi kun interesaj, diversnaciaj homoj; - kiu volas uzi aliajn lingvojn en praktiko; - kiu deziras koni ligvojn, kulturojn, ktp. pli profunde; - kiu volas vivi pli interese; - kiu deziras tre rapide ellerni Esperanton. SCIU, vi havas tiun eblecon! Venu al (nomo) (telefono, adreso) Eugeno S. Perevertajlo pk. 140, Poctamt, UZ-700000 Taskent, Uzbekio Rete: eugeny@forigu.esper.gimli.com ************************************************************************** INSTRUADO, ILEI /////////////// Pagata persono por instruado ============================ La nuna strategia plano de UEA, venanta al la fino de sia valideco, difinis ke instruado, kune kun informado, konsistigas unu el tri cxefaj asociaj laborkampoj, nome la disvastigon. La nova nune elformata plano por 2001-2010 antauxvidas similon, kvankam en interesa nova kunteksto. La plenumon de instrua laboro la asocio delonge delegis al ILEI. Jen la fono kaj la pravigo por la sekva novajxo. Pro proponoj de ILEI dum kaj post la april-fina kunsido de la estraro de UEA en Roterdamo, tiu estraro per posxta vocxdono jxus akceptis "ke sur la eduka kampo estu pagataj laborfortoj, analoge al la TEJO-volontulo por junulara agado. La rolo de ILEI estas disponigi la fakajn konojn kaj la organizadon; tiu de UEA, kiel reprezentanto de la movado, estas provizi aux peri la bezonatajn rimedojn por la disvastigaj edukaj laboroj." Tio estas efektive signifa decido. La akceptita propono inkluzivis konkretajn pasxojn, kio permesos al ILEI interalie pli rapide kaj kontentige plenigi la virtualan lernejon de la projekto "Interkulturo", komuna al ILEI kaj UEA. Tiom ampleksa projekto, ligante tra la interreto pli ol 2000 lernantojn en 97 klasoj, nepre bezonas sekretariaton. Tio servos krome, ke sukcesu la baldauxa dua studronda-periodo, en kiuj klasoj elektos partnerojn kaj komunajn temojn, kaj en studrondoj intersxangxos materialojn. Prezento de la projekto aperis en revuo Esperanto (junio '99, p.101) kaj starigo de la nuna debato samrevue (majo 2000, p. 81). Cxiuj estas bonvenaj viziti la virtuakan lernejon, gastlibro atendas cxiun cxe la enirpordo, kie estas atebdataj viaj komentoj kaj sugestoj: http://lps.uniroma3.it/kler . Retmesagxoj bonvenas cxe: interkulturo@forigu.esperanto.nu Stefan MacGill Rete: stefan.macgill@forigu.galamb.net ************************************************************************** RADIO ///// Produktado de radioprogramoj ============================ En la retpagxoj de Andaluzia Esperanto-Unuigxo - krom la kutimaj interesajxoj - aperas ankaux nova, interesa prelego pri auxskultado kaj produktado de radio-programoj per interreto. Gxi estas havebla kaj en HTML kaj en PDF-formato cxe la adreso: http://www.ciudadfutura.com/esperanto/eradio/index.htm Jose F. Martin Rete: esperanto@forigu.ciudadfutura.com ************************************************************************** GAZETOJ /////// Familia Esperanto ================= Aperis neregula cirkulajxo de Rondo Familia kun la titolo "Familia Esperanto". Gxi estas 24 pagxa nigrablanka grandaforma (A/4). Oni povas en gxi legi diversajn informojn pri Rondo Familia, pri diversaj arangxoj rilate al Esperanto kaj familio. Oni trovas en la gazeto konvenajn pagxojn por cxiuj anoj de la familio. ************************************************************************** MUZIKO ////// Cxu novaj rok-muzikistoj en Esperanto ? ======================================= Invitite de teamo Merlin, de la urbo Bel-Horizonto, Brazilio, la fama kantisto Bruno, de la muzik-grupo "Biquini Cavadio" (Dekoetitega Bikino), partoprenis en la nova KD de la grupo per la muziko "Aferoj estas gravaj". La tuta grupo kun sia invitito (Bruno) aperis en tre alloga intervjuo de la regiona TV-stacio. Ecx en la internet-pagxo de "Biquini Cavadio" estas raportoj pri la okazintajxo. La tekstoj rigardeblas cxe: http://www.biquini.com.br/novidades/noticias/200003.html kaj http://www.biquini.com.br/novidades/agenda/a200003.html . Tie oni legas ke Bruno rapide lernis kanti en Esperanto, kaj serioze pensas lerni la lingvon. Estus tre bona por la movado se grupo sen ligo kun religio kantos en Esperanto. Por auxskulti, elektu muzikon de Dekoetitega Bikino cxe: http://www.biquini.com.br/extras/midi.html Dr. Roberto Resende Rete: roberto@forigu.esperanto.nu ************************************************************************** LIBROJ ////// Lernolibro pri demokratio ========================= Post "Homaj rajtoj: demandoj kaj respondoj" kaj "Pacxjo, kio estas rasismo?" UEA eldonis trian libron pri bazaj civitanaj scioj. La verko pri "Kio estas demokratio?" de la britaj profesoroj Davit Beetham kaj Kevin Boyle estas klara kaj facile komprenebla manlibro pri la esenco, celoj kaj praktika funkciado de demokratio, verkita laux komisio de Unesko. Simile al la pli frua libro pri homaj rajtoj, la lernolibro pri demokratio estas verkita en formo de 80 demandoj kaj respondoj. Ili estas arangxitaj en ses sekcioj: bazaj konceptoj kaj principoj; liberaj kaj justaj elektoj; malferma kaj respondeca regado; rajtoj de unuopuloj; demokratia socio; la estonteco de demokratio. La libro haveblas cxe la libroservo de UEA kaj cxe aliaj libroservoj. ************************************************************************** KULTURO /////// Brazila posxtmarko kun Esperanto-teksto ======================================= Aperis en Brazilio posxtmarko kun la teksto "Vivu 2000" sur apuda talono. Tiu posxtmarko kun talono nun estas akirebla de la Retbutiko kontraux 2 EUR + afranko. Eblas krome acxeti la kompletan folion kun 8 talonoj en 8 lingvoj, inter kiuj Esperanto, kontraux 6 EUR + afranko. Gxi mendeblas cxe: Flandra Esperanto-Ligo Retpagxe: http://retbutiko.esperanto.be Rete: retbutiko@forigu.fel.esperanto.be ************************************************************************** MALLONGE //////// Esperante prelegis dudek horojn pri klerigkibernetiko d-ro Helmar G. Frank pri kibernetiko en argentina universitato. Ankaux lokaj jxurnalistoj interesigxis pri la okazajxo. * * * Brazilaj esperantistoj tutlande ekkunlaboras por krei interretan informcentron, gazeton pri Esperanto en la nacia lingvo, kadre de la projekto unuigas siajn fortojn la eldonantoj de la gazetoj "Noticias Interessantes do Esperanto" kaj "Revista Esperanto Mania". * * * Fondigxis Junulara E-Asocio en Kolombio (ABEJA), kies retpagxaro estas vizitebla cxe: http://abeja.go.to . Inter 05-07. 08. okazos en Bogoto la Unua Kolombia Junulara E-Kongreso (vidu Eventoj n-ro 187 p. 3). * * * Estis intervjuita esperantistoj en tagmeza programo "TeVere" de la nacia televido de Kubo. Dum la diskuto estis priparolita cxefe la rolo de kubaj esperantistoj dum la UEA-konferenco pri lingvistiko kaj literaturo en Kubo. * * * San Francisco Sxtata Universitato auxspiciis Nord-Amerikan Someran Esperanto-Kursaron inter 26. 06. kaj 14. 07. En la istruista teamo partoprenos famaj esperantistoj el pluraj landoj. * * * Irana Esperanto-Centro tradukis Manifeston-2000 en la persan lingvon kaj gxi estis dissendita al cxiuj membroj kaj kontaktadresoj de la centro. * * * Dum la cxi jara Universala Kongreso en Tel-Avivo okazos kunsido pri landa agado dedicxitaj al "Regiona kunlaboro". Oni atendas cxiujn por debati pri tiu cxi temo. * * * UEA ricevis donacon el Japanio valoran pli ol 7 milionoj da svedaj kronoj. (Hirundo-14) * * * Vaganta prelego okazis pri fervojo, kulturo kaj turismo en Esperanto en majo-junio en bretona regiono, Francio. La preleganto estis D-ro Romano Bolognesi el Bologna, Italio kiun akceptis ankaux SNCF-sindikatoj, francaj fervojistoj. * * * Okazis prelego pri Esperanto, movado, kulturo, vivstilo en skolta klubo de Vraca, Bulgario. Prelegis Ljubomir Trifoncxovski. ************************************************************************** ANONCETOJ ///////// Cxina esperantisto volas havi kontaktojn kun gesamideanoj el la tuta mondo. Li volas okupigxi pri diversaj agadkampoj internacie. Adreso: Wen Gang, Beijing Donglu 356 Hao/Sheng Jijie Shgong, Gongsi, Nanchang, Jianghi, CN-330029, Cxinio. Rete: lifeng@forigu.public.nc.jh.cn . * * * La gxusta adreso por legi numerojn de Esperanto sub la Suda Kruco estas: http://www.poboxes.com/esk/ . Cxiuj numeroj de Esperanto sub la Suda Kruco estas troveblaj cxe tiu adreso, ekde la unua numero gxis la nuna. * * * La 25-an de marto 2000 mortis Vladimir Vana el Plzen, Cxehio, gajninto de multaj premioj en filatelaj ekspozicioj pro kolektoj kun esperantista temo, kaj precipe eminenta verkisto kaj tradukisto. ************************************************************************** KORESPONDI DEZIRAS ////////////////// 12 jaragxa knabino volas korespondi kun infanoj tutmonde. Sxiaj hobioj estas legado, muziko, animaloj, modo, sxi kolektas kompaktajn diskojn, bildkartojn, kalendaretojn. Sxia adreso: Katja Bril, ul. Kolcevaja 2-65, RU-660093, Krasnojarsk, Rusio. * * * 50-jara esperantisto volus korespondi kun diverslandanoj ,precipe en la reto. Per reto mi povos sendi fotojn. Mi kolektas posxtmarkojn kun esperanta temo. Mia adreso :Andreo Kosinski rete: martinakosa@forigu.poczta.onet.pl . * * * Mi estas 32 jara viro, mi volas korespondi kun gesamideanoj el la tuta mondo. Mi interesigxas pri muziko, politiko, aventuro, vojagxado. Adreso: Harry Arghavan, #1018-200 Gateway Blvd, Toronto, Ontario M3C 1B6, Kanado. ************************************************************************** INTERESE //////// Futbalteamo "Esperanto" en Kongo ================================ Konga Esperanto-Rondo sendis la informon pri 4 renkontigxoj de la futbalteamo nome de "A.S. Esperanto": A.S. Esperanto : Coeur de Lion - 0:3 A.S. Esperanto : F.C. Royal - 2:2 A.S. Esperanto : Zamalek de Kim - 2:0 A.S. Esperanto : F.C - Do - 1:4 La trejnisto de la teamo s-ro Mbiyavanga Ada plendas, ke "A.S Esperanto" ofte baraktas kun la problemo pri manko de ludiloj (supozeble pri pilkoj kaj vestajxoj - ndlr) Rilatulo - KER Pk. 6055 Kin VI, Kinshasa-R.D.C., Kongo Rete: ker@forigu.mail.aton.cd ************************************************************************** Sciu, vi estas sur la gxusta(?) vojo se... ========================================== - vi regule enlitigxas je la 9-a. Matene, certe. - respondante al demando de via koramikino: "Kien do ni iru hodiaux?" vi respondas: "Al http://www.uea.org" (ekzemple). - via amikino NE miras, cxar sxi celis gxuste tion; - ajna mon-sumo estas por vi abstrakta cifero, gxis kiam vi ne pripensos, kiom da megobajtoj da operativa memoro vi povas acxeti por tiu mono; - falo de via nacia valuto interesas vin signife malpli forte, ol falo de nombro de vizitantoj en via retpagxo; - vi ne sukcesas respondi cxiujn alvenintajn mesagxojn, tamen se vi ne trovas novajn mesagxojn, tre malgxojas; - se vi malsanas, vi movas vian liton pli proksime al tablo kie staras via komputilo, por povi legi retposxton ankaux kusxante; - vi opinias, ke ordinara (papera) posxto estas printita retposxto; - vi ne povas kompreni kial gxis nun oni ne komencis produktadi komputilojn kiujn ne damagxas penetro de akvo, kun la celo bani sin kun la komputilo; - se en televidilo vi vidas sxaltitan komputilon, vi provas okulume kompreni, kia operacia sistemo estas instalita en gxi, kaj tio interesas vin pli ol mem TV-programo; - vi opinias, ke oni mezuras rapidecon per megahercoj (mH), pezecon - per megabajtoj (mB), longecon - per minutoj. - vi estas cxagrenita cxar vi kongruas ne al cxiuj punktoj de cxi listo. Grigorij L. Arosjev el Anekdotoj en Esperanto ************************************************************************** Libromangxado ============= La homa trovemo estas senfina, kiam temas pri humiligo de alia homo. En la mezepoko, kiam oni malpermesis iun libron, plej ofte oni bruligis gxin, sed estis kelkaj kazoj, kiam la verkisto devis mangxi sian libron. Do, se la verko estis venena por la animo, la venenon glutu la verkisto mem. La plej malnova kazo estis tiu de Jobst Weissbrodt. Li skribis iun ribeligan pfamleton kontraux la saksa elektoprinco. La princo anstataux senkapigo elektis la punon, mangxon de la verko. En 1643 en la nordaj sxtatoj aperis flugfolio kun la titolo: Dania ad exteros; de perfidia Suecorum. Oni malkovris la verkiston en Svedio. La jugxo estis la jena: Aux oni senkapigos lin aux li mangxos sian verkon. La verkisto sxajne pli damagxis sian kapon anstataux siaj stomako kaj bonfamo, tial elektis la lastan. La jugxantoj estis indulgaj al li: oni permesis kuiri gxin en supo. Pli tragika estis la sorto de Andreo Oldenburger. Pseuxdonime li eldonis latinlingvan libron por malvuali la malvirtajn amaventurojn de germana princo. La rezulto estis, ke ankaux li estis malvualita, kiu cetere estis renoma juristo kaj puritana publikisto. La verdikto estis: Oldenburger mangxu sian verkon, dum la ekzekutisto skurgxas lin. Eble tio estis la plej humiliga jugxo de verkisto. Sed pli stulta jugxo por verkisto estis la sekvonta kazo: Pierre Ramus estis unu el la plej sagxaj sciencistoj de la 16-a jarcento. Okazis, ke per siaj du libroj li atakis la grandpotencan universitaton, la parizan Sorbonon. En la scienca diskuto venkis la universitato tiel, ke la regxo faris dekreton por malpermesi la disvatigon de la libroj. Tio jam okazis plurfoje, do ne estas strange. La dekreto malpermesis kontraux korpa puno al la siencisto estonte ataki la universitaton. La dekreto enhavis ankaux alian malpermeson: oni malpermesis al la sciencisto legi filozofiajn kaj didaktikajn librojn. La supro de la strangajxo estas, ke oni malpermesis al la sciencisto legi siajn proprajn librojn! Cxu ne estus la plej granda puno por kelkaj nunaj verkistoj, ke oni devigus ilin legi siajn librojn? Istvan Meszaros Rete: mesaros@forigu.freemail.hu ************************************************************************** Stevardinoj - pasagxeroj ======================== En aviadilo unu pasagxero lamentas: - Oj, mi malbonfartaaaaaaaaaaaas! Oj, tuj mi vomooooooooos! Lia najbaro diras: - Vi premu cxi tiun butonon super via kapo! La malbonfartulo: - Do mi premis. Kaj kio? - Do jen, cxe la stevardino sxaltigxis lampeto. - Diablo prenu! Mi fartas acxege! Mi fartas terure! Mi tuj vomos! Sed tiu stultulino ne povas mem sxalti lampon por si! * * * Irante laux salono de aviadilo, stevardino rimarkas sxvitegantan viron, skuigxantan kaj nervoze rodantan siajn ungojn. - Eble mi alportu al vi pokaleton da konjako, kaj vi ekfartos pli bone? -sxi proponis. Post videbla interna hezitado la viro flustris: - Bone... - Post nelonga tempo rekontrolante tiun pasagxeron, la stevardino trovis lin en ecx pli terura stato. - Cxu la duan pokaleton? La viro nenion respondis, sed nur kapjesis. Kiam la stevardino la trian fojon venis al la pasagxero, tiu nehaltigeble ploregis. - Mi neniam vidis iun kiu same timas flugadon, - la stevardino rimarkis, kaj la pasgxero respondis: - Mi tute ne timas flugi. Mi provas cxesigi drinkadi! Grigorij L. Arosjev el Anekdotoj en Esperanto ************************************************************************** ************************************************************************** EVENTOJ, n-ro 188, 2/junio-2000 Internacia sendependa gazeto pri la Esperanto-movado en kunlaboraj rilatoj al Hungara E-Asocio. Reg.nr: B/TSZL/85/1991. ISSN 01215-959 X Eldonas LINGVO-Studio kaj Kultura Esperanto-Asocio. H-1675 Budapest, pf. 87. Tel./fakso: +36-1-2828885. Retposxto: eventoj@forigu.esperanto.org Retpagxo: http://www.esperanto.hu/eventoj-enirejo.html Aperas dusemajne. Redaktas: Axel Orszag-Krysz Respondeca eldonanto kaj cxefredaktoro: Laszlo Szilvasi. Oficeja kunlaboranto: Istvan Meszaros La redakcio ne nepre konsentas pri la enhavo de unuopaj artikoloj, kaj ne respondecas pri la anonc-enhavoj. Abonkotizo: 74 NLG (aere 86 NLG) al la UEA-kodo ELLS-S. ************************************************************************** **************************************************************************