Eventoj n-ro 080, 2/junio - '95, retposxta versio ************************************************** ENHAVO ////// Titolpagxe: - Kontrakto inter ILEI kaj EVENTOJ - IJK: cxu rediskuti pri kotiztabelo? - Korektigo - 360 MAZI-mendoj (!!!) el 32 landoj de 4 kontinentoj! - Helmuth Kohl: "Ni ne volas Esperanto-Euxropon" Faka aplikado: - Kie estas la aktivuloj-sciencistoj? - Funkcionalaj ekvacioj - Harry Harrison:Novaj libroj en la germana - Kunlaborantoj, investantoj sercxataj! - Nudista kasisto - Nefumisma E-organizo - Cxapelilo Arangxoj: - Internaciaj E-kursoj por gejunuloj - Internacia E-Lernejo - AIS-eventoj - Internacia Festivalo por la dua generacio! - Auxskultantoj kaj redaktoroj - Strategiaj kursoj en Tampere - JER '95 - Budapest - Kalendaro Movado: - Jarcxefkunveno de GEA- en Parizo - Konversaciaj rondoj en Tampere - Esperanto en lingvistika konferenco - E-o en novaj ejoj - Eldonas "Flamo" - Regiona eldono de LF-Songazetoj - 25 jaroj... /1987/ - Impona gratulo! - Finfine malskandalo ILEI: - La moderna estas antikva - Porinstruista seminario Libroj: - Fascina paroliga libro por infanoj - Asterikso elcxerpita! - Estu abonanto-apoganto de "Kargo"! Intervjuo: - Ni ne forgesu rikolti Konkurso: - Ni parolu modele! Esperanto en radio: - Pola Radio per la Varmega Birdo! Reagoj: - Figemal... ktp. Hungara angulo: Movada humuro: Anoncetoj: ************************************************************************* TITOLPAGxE ////////// Kontrakto inter ILEI kaj EVENTOJ ================================ En la antauxa numero ni aludis, ke la tendenco de la malkresko de organi- zitaj esperantistoj estas jam antauxlonge vidata. Por provi haltigi gxin, la estraro de ILEI kaj la redaktoroj de EVENTOJ faris kunlaboran kontrak- ton, validan gxis hodiaux. Ni petas vin atentigi la konatajn de Vi kurs- gvidantojn, E-instruistojn pri tiu (suba) dokumento: Kontrakto pri kunlaboro ----------------------- kio ekestas inter ILEI (1034 Budapest Eso u. 7) kaj la Redakcio de EVENTOJ (1675 Budapest pk. 87). - 1. Ambaux partneroj konsentas, ke: 1.1 Lingvokurso, kie oni instruas nur la lingvon kaj ne donas la necesajn movadajn konojn, preskaux certe rezultas la malaktivigxon de la kursano, kion gxenerale sekvas la neuzo kaj poste la forgeso de la lingvo. 1.2 Estas ege grave, ke gvidanto de iu ajn E-kurso estu detale informita pri la servoj, ebloj kaj funkciado de la internacia Esperanto-movado. 1.3 La movada klereco de la E-kursgvidantoj, la informfluo inter la membroj de ILEI estas unu el la plej gravaj strategiaj nodoj de la E-movado. - 2. Por helpi la agadon de E-kursgvidantoj, ILEI kaj EVENTOJ decidas strikte kunlabori: 2.1 ILEI per cxiuj siaj rimedoj instigas siajn membrojn, la E- kursgvidantojn, la E-instruistojn aboni al la gazeto Eventoj, kiu servos ankaux kiel rapida informilo inter la ILEI-membroj en la intervalo de du IPR-numeroj. 2.2 ILEI per siaj rimedoj (konferencoj, seminarioj, IPR ktp) instigas siajn membrojn, ke en cxiu kurso oni "instruu" ankaux la movadajn konojn. 2.3 ILEI alvokas cxiujn kursgvidantojn, ke por ligi la lernantojn al la movado, ili abonigu la kursanojn al iu regula E-revuo, gazeto ankoraux dum la kurso. 2.4 EVENTOJ vaste informas pri la agado de ILEI, per diversaj materialoj prezentas gxian funkciadon. La artikoloj estos skribi- taj de ILEI-komisiitoj, kiuj konsideras la kutiman longon, stilon, karakteron de la jamaj artikoloj kaj rubrikoj. 2.5 EVENTOJ aperigos artikolojn, kiuj informas la legantojn pri la servoj, ebloj kaj funkciado de la internacia Esperanto-movado. 2.6 EVENTOJ per siaj artikoloj klopodas informi kaj helpi la ekstermo- vadan uzon de la lingvo. 2.7 EVENTOJ certigas la eblecon por ILEI aperigi operativajn, rapidajn informojn al siaj membroj. Budapest, la 26-an de marto 1993. Stefan MacGill Szilvasi Laszlo ILEI EVENTOJ ************************************************************************* IJK: cxu rediskuti pri kotiztabelo? =================================== Mi atente legis la leteron en Eventoj 2/marto kaj la kromajn notojn pri la kotiztabelo de la venonta IJK. Mi sxatus esprimi mian personan opinion de okcidenta esperantisto, interpretante la dubojn kaj la rimarkojn de multaj aliaj kiel mi. Mi tuj substrekas mian solidarecon kun ambaux la partioj: la orientland- anoj, kiuj prave petas algxustigon de la kotiztabelo laux la vraca-aj decidoj, kaj TEJO-estraro, kiu volas eviti bankrotan deficiton de la IJK. Laux mi estas kelkaj punktoj, laux kiuj oni ne povas diskuti: - a) laux la kondicxoj, aprobitaj en Vraca, tiuj, kiuj kovras la elspezojn kaj ebligas ekvilibrigxon de la kongresa bilanco, estas (prave) la okcidentanoj: por cxiu orientano la LKK malgajnas monon. - b) male ol asertite la kotizo por okcidentano estas relative alta kaj oni devas aldoni longan kaj multekostan vojagxon (ne cxiuj estas "mezeuxropuloj"): oni povas facile kalkuli, ke la kosto entute povas atingi 700-800 guldenojn. - c) per 700-800 guldenoj oni povas, dum malalta sezono, flugi al bela rugxmara bordo kaj tie mangxi, dormi kaj esti dorlotata dum tuta semajno en luksa hotelo (konsultu mem la turismagentejon): nu, mi konsentas, ke Esperantujo estas alia afero kaj pro tio oni povas elspezi tiom da mono. Tamen mi supozas (kaj la listo de la gxisnunaj aligxintoj pravigas min), ke multaj okcidenteuxropanoj decidos pasigi alimaniere la someron. - cx) la kongreso, jam kun la nuna kotiztabelo, riskas, miaopinie, gravan deficiton. Dum mi dauxre strebos faciligi la partoprenon de orienteuxropanoj en la arangxoj, kies kotiztabelojn mi povos influi, mi estas firme konvinkita, ke la kotiztabelo, aprobita far de la konsilio de TEJO, estas simple ne aplikebla. Je tiuj kondicxoj, cetere ne plu eblos arangxi IJK-on en okcidenta Euxropo (krom eble en Germanio) kaj certe ne la antauxviditan en Italio. Pro la supraj kialoj mi esperas, ke HEJ kaj la aliaj orienteuxropaj junularoj akceptos la nunan kotiztabelon, kaj mi petas la TEJO-estraron rediskutigi la vraca-an decidon dum la venonta konsilio, antauxvidante la eblecon pri tio letere vocxdoni por doni la rajton esprimi sian opinion ankaux al la komitatanoj, kiuj ne povos eventuale partopreni la IJK-on. Mi krome esperas, ke oni komprenos, kiom multe faris kaj faras la nuna TEJO-estraro: cxu ni certas, ke nova kapabla estraro estas tiom facile eltirebla el la cxapelo de nia junulara movado? Plej amike mi deziras renkonti vin cxiujn dum la IJK. Francesco Amerio, Italio * * * Ankoraux ne tute solvita IJK-problemo ------------------------------------- La protestondoj pri la freneze altaj prezoj de la cxi-jara IJK en Peterburgo ankoraux ne malpliigxis. Fakte ne la prezoj estas la cxeftemo de la polemiko, sed la fakto, ke oni ne respektis la decidon de Vraca, 50 %-igi la kostojn por anoj de B-landoj (antauxa esprimo: nepagipovaj landoj). Ni foje faru kalkul-ekzemplon: 20-jara B-landano pagus (se li jam estas TEJO-membro) nun 265 guldenojn (egalas 200 svisajn frankojn), dum A- landanoj nur pagas 60 frankojn pli. Se oni kalkulas la monatan enspezon de B-landano kaj komparas tion kun la preznivelo de Svisio, tiam la kostoj de ili por la 7-taga kongreso estas almenaux 1.000 frankoj, se ne ecx 6.000 frankoj!!! Kiu A-landano pagus tiom por unu semajno en Esperantio (kostoj de la vojagxo alkalkulendaj)?! Sxajne cxe TEJO oni ankoraux ne plene konsciigxis pri tio. 50 % rabato estus ja vere la absoluta minimumo, pri kiu oni ecx ne devus perdi vorton. En la plej nova eldono de "TEJO tutmonde" oni prezentas la ankoraux ne akceptitan proponon de sxangxitaj IJK-kotizoj. La malaltigo ne tiom grandas, precipe por B-landanoj la prezoj ne estas allogaj, ecx nun ne. Pozitive: ekzistas nun kategorio memzorgantoj (sed nur por 40 personoj), kiuj pagas 35 guldenojn por la programo (inkluzivas ankaux unu mangxon tage). Jen pasxo en gxusta direkto. Ankoraux kelkajn tiajn, kaj IJK-95 vere farigxas, kiel intencite, "amasa kongreso". Sed atentu: la cxi-jara somerprogramo estas plena da konkurenco! el "la svisa kanguruo", junio 95 * * * La peterburga komitat-kunsido ne rajtos sxangxi Vraca-on! --------------------------------------------------------- Estu permesita esprimi ankaux mian opinion. Laux Francesco "kotizo por okcidentano estas relative alta" - sed kiel opiniu pri tiu la B-landanoj? Mi demandas per la vortoj de sviso: kiom da A-landanoj partoprenus kontraux 1000 svisaj frankoj? (Memoru pri la postulo de pli proporcia sxargxo-portado. Konsciu: cxi tie temas ne pri la pagkapablo de hungaroj aux sudamerikanoj aux cxinoj, sed pri cxiu B- landano!) Laux mi, senco de la tuta temo estas la sinteno de nia monda organizo al bazaj strategiaj demandoj: kiamaniere haltigi la tendencon de malmultigxo de organizitaj (junaj) esperantistoj? Oni konsciu: en Vraca la komitato de TEJO (la plej alta forumo) akceptis decidon, kiun la estraro ignoris. La Peterburga IJK estis kunvokita kontraux la valida decido, do oni (se volas) povas konsideri la tutan IJK-n nelegala. Pro tiu decido-nerespekto multaj B-komitatanoj ne povas partopreni la kunsidon, do se ekz. oni en Peterburgo decidus pri la nuligo aux modifo de la Vracaa 50 %-oj, mi estas certa, ke multaj Landaj Sekcioj de TEJO konsiderus nevalida la tutan kongreson! Tiu cxi diskuto tute ne rilatas al la ali-terena laboro de TEJO-estraro. Cetere pri tio ni volonte raportus en Eventoj, - se ricevus materialojn. Mi scias, ke ili laboras multe (ecx malgraux la problemoj de gxisjunie neaperinta Pasporta Servo), kaj mi tute ne volas elpreni el skatolo tute novan teamon. Eble mi ne tre gxojus al iu estraro, kies duonon konsistigus 3 homoj el la sama urbo - kio momente klacxiras en junularaj medioj... Antauxlaste: la aperigo de la kritikaj artikoloj al IJK tute ne estas kontraux la rusia prepara teamo, (ecx se ili en artikoloj nomas nin "malricxaj hungaroj") kiu devas lukti kontraux skizofrenio: unuflanke B-landano, aliflanke devas zorgi pri la rentablo de IJK... Fine kaj laste: cxu iu povus diri kiu estis la lasta malprofita IJK aux UK? Laux mia scio la fonduso "kongresa garantia kapitalo" (aux io similnoma) estas plensxtopita per la gajnoj de la antauxaj kongresoj. Laszlo Szilvasi, Hungario ************************************************************************* Estimata Sinjoro Redaktoro! Surbaze de nia antauxa interparolo mi petas, ke en la sekva numero de Eventoj bonvolu aperigi la sekvan korektigon Korektigo ========= Rilate al la artikolo "Malpermeso en Hungario", aperinta en la numero 1/aprilo 1995, (transprenita el TEJO-Tutmonde) vicrektoro de la Universitato "Kossuth Lajos", KLTE, dr. Andras Gorombei petis klarigon de la redaktoro Kalle Kniivila, kiu en letero adresita al la rektoro respondis jene: Lund, Svedio, 30-an de majo 1995 Estimata S-ro Rektoro, laux informoj kiujn mi ricevis lastatempe, la artikolo "Malpermeso en Hungario", aperinta en n-ro 1/67 de "TEJO tutmonde", estigis kelkajn problemojn. Lige kun tio mi pardonpetas pro ajnaj maloportunajxoj kauxzitaj de la artikolo, kiu bazigxis sur privata letero de s-ro Salga Attila. La leteron mi ricevis post la finredakto de la antauxa numero meze de septembro, kaj pro la trimonata aperritmo de nia gazeto la artikolo aperis nur januare. Tuj post la apero de la artikolo s-ro Salga informis nin, ke la informoj jam estas malaktualaj. Kvankam la enhavo de la artikolo estis malaktuala jam kiam gxi aperis en "TEJO tutmonde", la hungaria gazeto Eventoj poste represis gxin sen peti nian permeson aux kontroli la aktualan situacion. Pro la artikolo aperinta en Eventoj ni tial evidente ne povas respondeci, des pli, ke jxurnalistoj laborantaj en Budapesxto klare havas pli bonan eblecon esti aktuale informitaj pri eventoj en Hungario ol ni en Skandinavio. Mi petas Vin ankaux rimarki, ke ia alvoko aux adreso, al kiu oni sendu reagojn, ne aperis en "TEJO tutmonde". En posta numero "TEJO tutmonde" jam informis siajn legantojn, ke ne ekzistas ia "malpermeso en Hungario". Mi tamen kaptas la okazon kaj petas Vin, se Vi tion deziras, informi niajn legantojn pri la aktuala situacio de la Esperanto-instruado en Via universitato en nia sekva numero. Mi ankorauxfoje sincere pardonpetas pro ajnaj miskomprenoj aux maloportunajxoj kauxzitaj de "TEJO tutmonde". Plenestime, Kalle Kniivila redaktoro de TEJO tutmonde --- Attila Salga, menciita kiel auxtoro aldonis la sekvajn: "Aferoj, menciitaj en la du gazetoj estas bazitaj sur miskompreno. En la universitato KLTE neniam iu ajn malpermesis la lingvon. Ekde septembro 1994, same kiel antauxe gxi estas libere instruebla kaj lernebla. Studantoj povas fari bazan kaj mezan finan ekzamenon pri gxi. La okazintajxojn profunde mi bedauxras, kaj petas pardonon de cxiu koncernito. Attila Salga". Rim: Supre vi povas legi lauxvorte la tekston, ricevita por aperigado en Eventoj. Mi pensas, ke fari konkludon indos iam per malvarma kapo, sen la nuna emociigxo... Redaktoroj de E-gazetoj al kiu kredu, al kiuj fidu, kion kaj kiel subtenu...Mi konfesas, ke jes, ni faris erar(et?)on, cxar ne tuj kontrolis la enhavon de la materialo, konsiderinte ambaux fontojn fidinda kaj prestigxa... Kaj la telefono, letersendado funkcias same en Budapesxto kiel en Finnlando... Cetere ni havas skriban permeson por represi materialojn simile al plejmulto de E-gazetoj ankaux el TT, vere ne de la nuna, sed de la antauxa redaktoro. La red. ************************************************************************* 1360 MAZI-mendoj (!!!) el 32 landoj de 4 kontinentoj! ===================================================== La interesigxo pri la video-kurso de E-o "MAZI en Gondolando" lancxita de Mila van der Horst-Kolinska el Hago superis la plej belajn songxojn kaj antauxvidojn de cxiuj, kiuj kunlaboris por sukcesigi la projekton. La videa kurso kun la lernolibro eniris la lastan fazon de produktado, danke al la prepara teamo de Mila v.d. Horst-Kolinska, Katalin Smideliusz, Stefan MacGill, Roman Dobrzynski kaj Andrzej Pettyn. Fragmento de intervjuo de Pola Radio al Horst-Kolinska: - Multaj personoj maltrankviligxas kaj demandas, kio okazas pri la MAZI-projekto, cxar de kelka tempo vi silentas? - Mia silento tute ne signifas, ke la MAZI-projekto stagnas. Sed pro la amaso da laboro ligita kun la administrado kaj realigado de la projekto mi devis silenti por arangxi diversajn aktualajn taskojn. - Kiel konate, vi bezonis 800 pagitajn antauxmendojn, kaj vi akiris ecx pli da... - Jes, kaj tio estas gxojiga. Iom da statistiko -laux la mendokvanto la cxefaj landoj vicas jene: Japanio: 301 mendoj, Nederlando: 211, Francio: 198, Hispanio: 77, Germanio: 68, Auxstrio 59 mendoj. El la ceteraj landoj venis po malpli 50. Entute ni ricevis 1360 mendojn (!!!) el 32 landoj de 4 kontinentoj. - Kaj kio nun sekvas? Kia estos la proceduro? - Cxiu mendo havas sian numeron, kion ni petas nepre ne forgesi. Krome, tiuj antauxmendintoj, kiuj certe partoprenos la UK-n en Tampere, nepre informu nin pri tio, cxar laux tiuj informoj ni kunportos la necesan kvanton por enmanigi tie! Cxar ni produktas nur la menditan kvanton, estas bonvenaj ankoraux la mendoj. La prezo estas 180 guldenoj + 18 gld sendokosto, do entute 198. (Riouwstr. 172, NL-2585 HW Den Haag, Nederlando). Nun, uzante la okazon mi deziras la saman sukceson al s-ro Pejno kaj lia "Cxapelilo", kiu ja estas alia profesia produkto. laux E-elsendo de Pola Radio Rim: La dialogoj por la filmoj jam estas pretaj, nun oni finas la laboron pri la lernolibro, kiu estas temporaba pro la abundo de desegnajxoj. GRAVE: La registrajxo de MAZI estas farita per speciala teknika kodigo, kiu malebligas la kopiadon de la kasedo... Konsciu pri gxi! ************************************************************************* Helmuth Kohl: "Ni ne volas Esperanto-Euxropon" ============================================== Dum sia vizito en Nederlando la 23-an de majo la germana kanceliero Helmut Kohl proklamis: "Ni ne volas Esperanto-Euxropon, sed Euxropon en kiu cxiu gardas sian identecon". La novajxagentejo DPA dissendis tri artikolojn, enhavanta tiun esprimon, kaj preskaux cxiu dua germana jxurnalo aperigis gxin. Germana E-Asocio tuj per telefakso dissendis deklaron, en kiu gxi protestis kontraux tiu malbonfamigo de E-o kaj emfazis, ke la E-movado celas protekti la naciajn lingvojn kaj kulturojn anstataux forigi ilin. Kaj DPA kaj pluraj gravaj jxurnaloj sekvatage aperigis la proteston. La 31an de majo Frankfurter Rundschau aperigis legantleteron de mi, kaj Berliner Zeitung promesis fari la samon en la venontaj tagoj. Do, la citajxo de Kohl donis bonajn sxancojn diskonigi la verajn celojn de E-o. Ulrich Matthias, gazetara arkivo de GEA ************************************************************************* FAKA APLIKADO ///////////// Kie estas la aktivuloj-sciencistoj? =================================== "Ni enkonduku E-on en la sciencon, ni enkonduku la sciencon en tutan E- agadon" - estis la slogano, kiun dum UK en Varna (1978) prof. I. P. Bociort proklamis kiel cxefa celo de la iama kolektivo Esperanto kaj interlingvistiko, funkciinta en la kadro de estinta Akademio pri Sociaj kaj Politikaj Sciencoj en Rumanio. Post 1989 la E-movado neatendite iom konfuzigxis. La plej rapida vojo al renaskigxo kaj disvastigxo de E-o estas, laux mia firma konvinko, vigla agado en sciencaj kaj akademiaj rondoj. Oni prelegis multfoje kaj sukcesis en universitatoj de Timisxoara, Sibiu, Brasxov, Oradea, Craiova kaj Bukaresxto, en pli ol 20 liceoj. La sekvoj restis gravaj nur tie, kie junaj sciencistoj kaj kleraj fidelaj esp-istoj transprenis la iniciaton. Jen kelkaj atingoj de la scienca poresperanta agado: 1. Post prelego pri Esperanto en la komuna kunveno de Rumana Akademio kaj Tutlanda Asocio de Sciencistoj (TAS) - filioj en Timisxoara kaj post rediskutoj konkretaj oni estigis en marto Komisionon pri Interlingvistiko kaj Esperantologio (KIE). Gxi konsistas el 28 sciencistoj. La 25-27-an de majo okazos Akademiaj Tagoj Tutlandaj kaj KIE havos apartan sekcion kun 20 prelegoj. Oni prelegos Esperante ankaux dum la oficiala festa malfermo. 2. Laux la iniciato de KIE TAS organizas periodajn debatojn inter la junaj sciencistoj pri Metodologioj de Modernaj Sciencoj. La unuaj prelegantoj, oktobre, estos prof. Frank kaj prof. Bociort. 3. Sub la auxspicioj de KIE aperis komence de aprilo vortaro Dictionar Esperanto-Roman (25-27 mil vortoj) 4. En la eldonejo "Euxrobit" aperis grava scienca verko en du volumoj, "Estetika Literara" (Literatura estetiko) de prof. Bociort. Gravas, ke la grandega verko estas la unua en la rumana scienco, kiu havas la enhavojn ankaux en Esperanto kaj du amleksajn resumojn nur en E-o! 5. Prof. Bociort prelegis pri E-o en la Senato de la Teknika Universi- tato de Timisxoara en aprilo. La sekvo: en la studprogramojn de diversaj fakultatoj oni enkondukos oficiale E-kurson. ...Bedauxrinde estas ankaux la fakto, ke multaj esp-istoj ne konscias, ke oni devas varbi sciencistojn por la movado. Ili kredas, ke suficxas ilia agado kaj la gxusteco de la ideo... Kiom da aktivuloj-sciencistoj en la movado, tiom rapida estos disvolvigxo de Esperanto! Mioara Lacrima Dobre membro de KIE ************************************************************************* Funkcionalaj ekvacioj ===================== Jam de cx. 20 jaroj regule aperas en Japanio matematika fakgazeto kun la esperantlingva titolo "Funkcionalaj Ekvacioj". Tamen esperantistaj interesatoj estu avertitaj: el la 502 artikoloj, kiujn la gazeto aperigis inter 1976 kaj 1994, 489 estis en la angla, 10 en la franca, 3 en la germana - kaj ecx ne unu en la Internacia Lingvo. U. M. ************************************************************************* Harry Harrison: Novaj libroj en la germana ========================================== Jxus aperis du pliaj libroj de la mondfama sciencfikcia verkisto Harry Harrison en germana traduko. Iliaj titoloj estas "Die Stahlratte singt den Blues" ("La sxtalrato kantas la bluson") kaj "Visionen einer Stahlratte ("Vizioj de sxtalrato"). En ili Esperanto ludas rolon de intergalaksia lingvo; cxe la fino de ambaux libroj la auxtoro varme rekomendas al la legantoj lerni Esperanton, indikante (malnovan) adreson de Germana Esperanto-Asocio. U. M. ************************************************************************* Kunlaborantoj, investantoj sercxataj! ===================================== La entrepreno lb linguistisches bureau gmbh ofertas diversajn servojn rilate al lingvoj (skribado kaj traduko de tekstoj, kompostado kaj presado), varbadon kaj informperadon surbaze de komputila datumaro. Gxi utiligas cxefe la germanan, anglan, francan kaj la Internacian lingvojn, krome ankaux aliajn. En internaciaj rilatoj la plej uzata laborlingvo estas Esperanto. Pro la kreskanta laborkvanto, la entrepreno ankoraux sercxas kunlaborantojn ie en la mondo. Ankaux investemuloj estas bonvenaj, cxar la rapida kresko ne eblas sen pligrandigo de la kapitalo. Eblas bona profito. Interesitoj skribu al: LB linguistisches bureau, pf. 1539, D-82355 Weilheim, Germanio. Tel: +49-8809-757, fakso: +49-8809-1234 ************************************************************************* Nudista kasisto =============== La estraro de INOE (Int. Naturista Organizo E-ista) informas, ke la kasistajn taskojn de la organizo - provizore - transprenas la redaktoro de la organiza bulteno "Naturista Vivo": Ervin Fenyvesi, Ujvidek u. 58, H-1145 Budapest, Hungario. Membrokotizo por individuo:12 USD, por paroj: 17 USD. Leif Heilberg laux Naturista Vivo nr. 33. ************************************************************************* Nefumisma E-organizo ==================== Mi informas, ke miainiciate fondigxis nova "faka" movado en Esperantio - pri nefumismo. Mi kun nederlanda s-ano B. Ruigrok jxus fondis gxin. Nun temas nur pri movado, nome TADEN: Tutmonda Agado de Esperantistoj Nefumantoj - kio en la estonto eble transformigxos en asocion. Jxus aperis ankaux la unua numero de nia nova bulteno "Puraj Pulmoj". Kvankam ni celas kiel eble longe eviti membrokotizon ktp, tamen por sendi la bultenon, plenumi reklamon ni bezonas iom da financo, do ni decidis sendi la bultenon kontraux 2 respondkuponoj. Jiri Rada, Rybalka 1029, bl. 645,CZ-43401 Most, Cxehio ************************************************************************* Cxapelilo ========= "Cxapelilo" estas profesinivela, subvindoza teksto-redakta programo por esperantistoj. (Interesigxantoj kontaktu la produktiston: Pejno Simono, A. Moller Str. 4, D-61250 Usingen, Germanio.) La komencon de la prezento vidu en la antauxa numero. Literumadkontrolilo ------------------- Subtene al verkema "Cxapelisto" dejxoras tre ampleksa literumadkontrolilo, kiu ne ecx per umeto malsuperas la plej pintan produkton por iu vaste uzata nacia lingvo. Kontrauxe, la Esperanta kontrolilo de Cxapelilo posedas konsiderindan inteligenton kaj konas la bazajn finajxojn de Esperanto. Per cxirkaux 130.000 registrajxoj la liverata vortaro kapablas efektive kontroli nombron inter 250.000 kaj 500.000 da normalaj Esperantaj vortoj. Cxapelilo povas samtempe konsulti plurajn vortarojn. Tiujn la uzanto povas mem redakti, sxangxante kaj kompletigante ilin lauxplacxe. Por la intersxangxo de tekstoj kun aliaj Esperantistoj oni provizis importajn kaj eksportajn funkciojn por cxiuj popularaj komputilretaj formatoj, por la oficiala internacia ISO-normo LATIN-3 kaj por la dokumenta intersxangxformato RTF. Ene de Cxapelila dokumento oni povas memkompreneble ankaux uzi iun nacian lingvon de la respektiva Vindoza medio. Oni simple elektu alian ne-Esperantan tiparon (karaktraron). La liverataj Esperantaj tiparoj fakte subtenas aldone al Esperanto mem cxiujn lingvojn de LATIN-1 (angla, germana, franca, itala, hispana, portugala ktp) sed sen la skandinavaj lingvoj kaj la antikva angla. Risko ----- La liveranto konscias, ke li entreprenas konsiderindan riskon, lancxante programaran produkton en tiom malgrandnombre popoligxinta lando kiel Esperantujo. Nur la sukceso de la vidbenda kurso "Mazi" instigis lin fari tian pasxon. Se la afero sukcesos - kaj baze de la unuaj ankoraux antauxlancxaj reagoj oni povis esperi tion - Professional Consulting plu disvolvos Cxapelilon. Interalie la produkto ricevos ligilon al datumbankoj laux la normo ODBC kaj plion da prilaboradaj funkcioj. La firmao havas ankaux alian atutan ideon en la maniko, aferon, je kiu Esperantujo vere soifegas. Sed jen ero el tute alia rakonto. Plej unue Cxapelilo devos per la unuaj 1000 vendoj financi siajn proprajn evoluigkostojn. Nur poste oni konsideros la lancxon de plia produkto. Nun estas la vico de esperantistoj montri, ke ili estas pretaj acxeti veran profesiajxon por sia sxatokupo. La tagoj de tiuj mallertmane dekoracxitaj skribmasxinajxoj nun finege apartenu al la pasinteco - movadhistorie enrubrikendaj en la antaux-Cxapelila epoko. - x - ************************************************************************* ARANGxOJ //////// Internaciaj E-kursoj por gejunuloj ================================== La arangxo okazos 01-08.08.95 en Prago, en mezlerneja internulejo, situanta en trankvila medio proksime de la centro. Estas antauxvidataj tri lingvokursoj: A - por komencantoj en la germana kaj en cxeha lingvoj; B - paroliga por progresantoj; C - perfektiga por bonaj E-parolantoj. Partopreno estas limigita je 40-50 personoj. Krom lingvoinstruado - ripoza, kleriga kaj distra programoj, ekskursoj, sporto, muzikado ktp. Prezoj: depende de la lando de 155 gxis 215 DEM. La aligxoj post la 30-a de junio - kun krompago 30 DEM. Same la partoprenantoj super 30 jaroj krompagos 30 DEM. La kotizo inkl. logxadon, mangxadon, ekskursojn ktp. Pliaj informoj, aligxoj cxe: Renata Bervanova, Svatoplukova 43, CZ-78401 Cervenka, Cxehio ************************************************************************* Internacia E-Lernejo ==================== "Monda Turismo", kunlabore kun la "Internacia Studumo pri Turismo kaj Kulturo" en Bydgoszcz, proponas ankaux 20-horajn Esperanto-kursojn por komencantoj aux por tiuj, kiuj deziras praktiki la Internacian Lingvon. La kursoj okazados gxis la 15-a de julio 1995 cxiusemajne - de lundo gxis vendredo - po kvar studhoroj tage, plus turisma programo en Bydgoszcz. La prezo estas 20 USD, kaj inkluzivas la instruadon laux Csheh-metodo dum 20 studhoroj kaj 4 tranoktojn en studenta domo. Samaj kursoj startas cxiulunde ekde la 3-a de septembro 1995, kaj tiam dum la 20 studhoroj eblos ankaux konatigxo kun la jxus produktata video- kurso de Esperanto "Mazi en Gondolando". La prezo estas sama; gvidantoj de min. 5-personaj grupetoj ricevos la kurson kaj la logxadon senpage. Krom la logxado, la partoprenantoj povos ricevi malmultekostajn mangxojn: maten- kaj vespermangxojn ekde 1 USD, kaj tagmangxojn en restoracio ekde 2 USD. Limdato por la aligxoj estas 14 tagoj antaux la alveno. La partopren- kotizojn eblas pagi surloke. Aligxoj cxe: Int. Studumo pri Turismo kaj Kulturo Str. M. Sklodowskiej-Curie 10,PL-85094 Bydgoszcz, Polio Fakso: +48-52-460082 ************************************************************************* AIS-eventoj =========== La 14-a internacia kongreso de Association Internationale de Cibernetique okazos 21-25.08.1995 en Namur, Belgio, kun integra simpozio pri klerigkibernetiko kaj lingvokibernetiko (oficialaj lingvoj la franca, la germana kaj la internacia). 27.08. - 03.09.1995 okazos la 15-a Sanmarineca Universitata Studadsesio en San Marino / Rimini, kun prelegoj, kursoj kaj ekzamenoj en kvin sekcioj. 15-17.11.1995 okazos la 2-a paderborna konferenco "Klerigxo kaj komunikado en kaj por Euxropo" en la Universitato Paderborn, kie oni i.a. diskutos kun politikistoj pri "scenarioj de la estonta euxropa komunikado", krome okazos jarkunvenoj de AIS Deutschland, Instituto pri Kibernetiko, Euxropa Klubo kaj ALEUS. En marto 1996 Instituto pri kibernetiko okazigos en Berlino simpozion, dum kiu oni la unuan fojon transdonos premion Wiener-Schmidt. Detalajn informojn pri cxio petu cxe: Sekretariejo de AIS, Kleinenberger Weg 16, D-33100 Paderborn. Fakso: +49-5251-163533 ************************************************************************* Internacia Festivalo por la dua generacio! ========================================== Cxiujare okazas la famaj Internaciaj Seminarioj de GEJ celanta la gejunulojn. Sed ankaux la mezagxaj homoj ne restas sen Silvestra arangxo, ja la "Internacia Festivalo" estas organizita gxuste por ili! Cxi-jare IF okazos en Rotenburg inter la 27-a de decembro kaj 3-a de januaro. (Atentu: IS okazos samtempe sed ne samloke!) Kadra temo de la cxi-jara festo estos naturkuracado, pri kiu okazos prelegoj, diskutrondoj kaj ankaux praktikaj prezentoj. Kompreneble ne mankos multaj distraj eroj, kun la kutima silvestra balo, la bufedo "Knajpo" - kun diskoteko, Esperanto-vino ktp. En la Festivalo estas bonvenaj ankaux familioj kun- aux sen infanoj (por la infanoj aparta zorgo kaj programo). Kotizoj: depende de la aligxtempo inter 190 kaj 460 DEM, kaj oni havas specialan oferton al netranspagipovuloj. Detalajn informojn, aligxilojn petu cxe: Hans-Dieter Platz (HDP), Postfach 1148, D-34303 Niedenstein, Germanio Tel.: +49-5624-8007 Fakso: +49-5624-322 ************************************************************************* Auxskultantoj kaj redaktoroj ============================ Kadre de la kongreso en Tampere okasos renkontigxo de auxskultantoj de div. radiostacioj, uzantaj E-on. Oni antauxvidas intersxangxon de ideoj pri kunlaboro de auxskultantoj kaj radioredaktoroj, E-organizoj kaj redakcioj. Krome, oni diskutos la temon: kiel plivastigi la reton de lokaj radiostacioj, uzantaj la Intenacian Lingvon. Detalojn pri kunvenloko kaj horo trovu en la kongresa libro. - x - ************************************************************************* Strategiaj kursoj en Tampere ============================ Surbaze de sistem-esploroj de sukcesaj entreprenoj Hermann Behrmann organizos kurson pri strategio dum la UK en Tampere (4 foje po 90 min.). La preparitan skriban materialon oni povas peti kontraux 8 IRK aux 10- marka monbileto cxe: Esperanto-Centro, Pf. 1450. D-33044 Paderborn, Germanio. Fakso: +49-5251-21507 ************************************************************************* JER '95 - Budapest ================== Cxu vi jam havis problemon, kion fari semajnfine? Kelkfoje, kiam mi ekdeziris tion, ne estis tiel facile trovi iun facile atingeblan, ne tro longan, ne tro multekostan arangxon. Lasttempe gxuste tiaj, semajnfinaj aux tri-, kvartagaj arangxoj abundas kaj tio signifas, ke homoj dezirantaj esperantumi ne nepre devas atendi feriojn kaj sxpari amason da mono. Cxi jare mi partoprenis jam tri malmultekostajn "semajnfinajn" e- arangxojn: HURA, MIRO kaj JER. Kaj, mi devas konfesi, tio placxegas al mi. Mi sxategas tiajn renkontigxojn kaj mia opinio estas: IJK, IJS, ISO, MEJS, ...: Jes, ankaux! Sed HURA, MIRO, JER, MKR, Kafoklacxo, ...: Ju pli, des pli bone! Kaj nun mi dirus ion pri cxi jara JER - tio estis bonega ekzemplo por bela kaj agrabla eta renkontigxo. Belaj ejoj (malnova vilao kiu nun gastigas lernantinojn), internacia partoprenantaro (malgraux striko de fervojistoj - 50 homoj venis auxtobuse, flugante kaj petveturante!) el almenaux ok landoj (dank' al bona varbado!), bona organizo (kun varma akvo tutan tagon kaj nokton - memoru IS!), bela Budapesxto, belega vetero,... Kion diri plu! Jes, ankaux programo ekzistis kaj abundis (literatura vespero, prelego pri naturprotektado post kio oni plantis pacarbon, perlumado - la plej partoprenita laborgrupo, prelego pri historio de popolaj lernantdomoj en Hungario, kvizo, lumbildprojektado kaj ecx ni festis naskigxtagon de Judit!) - do, oni vere ne povas diri iun malbonan vorton al organizantoj. Mia konkludo post cxi jara JER estas: informu min venontjare, post IJF mi certe venos! "Reklamis": Vanja! P.S. Tio ne estas pagita anonco de hungaraj esperantistoj sed mi vere bone amuzigxis tiujn du tagojn! Transprenita el JAAK-bulteno n-ro 22. ************************************************************************* Kalendaro ========= Cxiam estas interese scii, kiam, kie, kiu arangxo okazas en Esperantio. Por "ekhavi apetiton" ni aperigas kompaktajn informojn pri diversaj arangxoj, cxerpitaj el plej diversaj fontoj. Pliajn informojn, aligxilojn petu de la menciitaj adresoj. 25.06-09.07. Montaraj kaj Nigramaraj E-Feriadoj, Inf: Esperinform, pk. 44, BG-4300 Karlovo, Bulgario 26.06-14.07. 26-a Somera kursaro, San Francisco. Inf: Cathy Schulze, 410 Darrell Rd, Hillsborough, CA, 94010, Usono. 30.06-06.07. 31-a Auxstralia E-Kongreso, Southport. Inf: Ray Ross, P.O.Box 313, Sunnybank, Qld 4109, Auxstralio. 01-07.07. Int. Konferenco pri turismo kaj medioprotektado, Inf: Espertur, H-1368 Budapest, pf. 193. Hungario. 01-07.07. E-Lingvotendaro por cxiuj generacioj en Szazhalombatta. Inf: Movilo, H-1147 Budapest, Nyirpalota ut 107, Hungario. 01-10.07. E-Somerlernejo, Inf: I. Bekavac-Basic, Kusxlanova 59, HR-41000 Zagreb, Kroatio. 01-15.07. Junulara E-Feriado, Inf: Esperantotur de MT, M. Sklodowskiej- Curie 10, PL-85-094 Bydgoszcz, Polio. 02-09.07. Nigramaraj E-Ferioj, Fiten-Sozopol-Nesebar. Inf: Esperinform, pk. 44, BG-4300 Karlovo, Bulgario. 02-15.07. Somera Esperanto-Lernejo, Bratislava. Inf: Esperanto, Racxianska 80, SK-831 02 Bratislava, Slovakio. 03-07.07. Seminario por litovaj E-intruistoj, Girionys. Inf: Litova E- Asocio, ab.d. 167, LT-3000 Kaunas C, Litovio. 04-12.07. La rolo de la verkistinoj en la E-a literaturo, La Chaux-de- Fonds. Inf: KCE, B.P. 779, CH-2301 La Chaux-de-Fonds, Svisio. 05-20.07. Unua Grupa E-Ekspedicio al Tibet. Inf: Wang Tiany, Xi'an Esperanto-Asocio, Xyiynglu 74 hao. CN-710054 Xi'an, Cxinio. 07-12.07. Instru-metodiko kaj Lingvo-praktikado. Inf: La Kvinpetalo, F- 86410 Bouresse, Francio. 07-12.07. "La Ariadna fadeno estis tamen verda". Inf: KCE, BP 779, CH- 2301 La Chaux-de-Fonds, Svisio. 07-16.07. 4-a Olimpiko de E-sxakistoj (ESxLI). Inf: d-ro Jozefo Nemeth, pk. 402, H-7101 Szekszard, Hungario. 08-15.07. IEK + 5-a EUropa E-Forumo. Inf: Esperantotur, str. M. Sklodowskiej-Curie 10, PL-85094 Bydgoszcz, Polio. 08-15.07. 48-a Kongreso de IKUE, Olomouc. Inf: Miroslav Sxavacxek, Trsxcka 6, CZ-75127 Prencxice, Cxehio. 08-16.07. 31-aj Baltiaj E-Tagoj (BET-31). Inf: Litova E-Asocio, str. Zamenhof 5, LT-3000 Kaunas, Litovio. 08-22.07. Someraj Kursoj. Inf: Kastelo "Gresillon", FR-49150 Bauge, Francio. 09-14.07. 31-a Brazila Kongreso de E-o, Juiz de Fora. Inf: Brazila E- Ligo, C.P. 3625. BR-70084-970 Brasilia, Brazilio. 09-15.07. Antauxkongreso de SAT-Kongreso, Alpa Slovenio. Inf: Inter- Kulturo, SLO-62000 Maribor, Kocxevarjeva 12. Slovenio. 09-23.07. Nigramaraj E-Ferioj, Fiten-Sozopol-Nesebar. Inf: Esperinform, pk. 44, BG-4300 Karlovo, Bulgario. 10-15.07. E-Kursoj, Univesitato Hartford. Inf: Hilda Grossman, 200 Blomfield Av. West Hartford, CT-06117, Usono. 12-15.07. 10-a Int. Medicina E-Konferenco, Ternopol. Inf: Pk. 83, UA- 282001 Ternopol, Ukrainio. 13-16.07. Pop & Rok' E-Festivalo Int. (PREFI), Toulouse, Francio. Inf: Euxrokka, F-31450 Donneville, Francio. 13-16.07. La 2-a E-a Sciencteknika Simpozio, Putuo. Inf: Zhao Shoutang, Zhejiang, Huangian-shi, Yao Jian Sou, CN-317400, Cxinio. 14-19.07. Rusaj originalaj verkistoj en E-o. Inf. La Kvinpetalo, F-68410 Bouresse, Francio. 15-17.07. 43-a Jarkongreso de ELNA, New York City. Inf: P. O. Box 1129, El Cerrito, CA 94530, Usono. 15-19.07. Int. Literatura Forumo en Gdansk, Polio. Inf: Esp. PEN-Centro, pf. 117. H-1581 Budapest, Hungario. 15-21.07. Int. E-Konferenco de OSIEK, Varsovio. Inf: Eric Laubacher, 1 rue des Vosges, F-78180 Montigny-le-Breionneux, Francio. 15-22.07. 68-a Kongreso de S.A.T. Inf: Inter-Kulturo, Kocxevarjeva 12, SLO-62000 Maribor, Slovenio. 15-22.07. JULIA, Junulara Landlima Internacia Arangxo. Inf: Inter- Kulturo, Kocxevarjeva 12, SLO-62000 Maribor, Slovenio. 15-22.07. Stagxo pri tradukado. Inf: Kastelo Gresillon, F-49150 Bauge, Francio. 17-23.07. KISO, Kafoklacxa Int. Somera Renkontigxo. Inf: Marburga E- Grupo, Kaffweg 9-B, D-35039 Marburg/Lahn, Germanio. 18-21.07. Oficiala Antauxkongreso, Turku. Inf: E-Societo, Puuranhakatu 26 a 11. SF-20100 Turku, Finnlando. 18-22.07. 61-a Int. Kongreso por Blindaj E-istoj, Tuusula. Inf: Arvo Karvinen, Makelankatu 50, SF-0510 Helsinki, Finnlando. 20-26.07. Junulara E-ista Renkontigxo de Cxinio, Japanio kaj Koreio, Xi'an. Inf: Pactur, Esperanto-sekcio, Zhu Baogang, Xi'an Gongdianju, CN- 710032 Xi'an, Cxinio. 22-29.07. 80-a Universala Kongreso de UEAen Tampere. Inf: UEA, Nieuwe Binneweg 176, NL-3015 BJ Rotterdam, Nederio. 23-29.07. Stagxo pri gramatiko. Inf: Kastelo Gresillon, F-49150 Bauge, Francio. 23.07-05.08. Someraj Kursoj. Inf: Kastelo "Gresillon", FR-49150 Bauge, Francio. 23.07-06.08. Montaraj E-Feriadoj. Inf: B. Leonov, pk. 44, BG-4300 Karlovo, Bulgario. 25-31.07. "Kinarto kaj ni". Inf: KCE, B.P. 779, CH-2301 La Chaux-de- Fonds, Svisio. 29.07-06.08. Somera E-ista Familia/Feria Tendaro, Thomsdorf. Inf: Wener Pfennig, Uns Husung 29/1104, D-17034 Neubrandenburg, Germanio. 29.07-04.08. 29-a Konferenco kaj 3-a Gimnazio de ILEI, Ovik, Finnlando. Inf: B. Andreasson, Sodra Rorum pl. 455, S-24294 Horby, Svedio. 30.07-03.08. Oficiala Postkongreso, Tallinn-Tartu-Saaremaa, Estonio. Inf: UEA, Nieuwe Binnenweg 176, NL-3015 BJ Rotterdam, Nederlando. 31.07-07.08. IJK, Peterburg. LKK: pk. 34, RUS-117071 Moskvo, Rusio. 31.07-05.08. 1-a Int. renkontigxo de junaj blindaj esperantistoj en Peterburgo. Inf: LKK, p.k. 130, RU-197022 Moskvo, Rusio. 31.07-05.08. IX-a Int. Konferenco de la Komunisma E-Kolektivo en Peterburg. Inf: RUS-197022 Sankt-Peterburgo, p/k. 130, Rusio. 31.07-07.08. 11-a Ekumena Kongreso kaj 45-a Kongreso de Kristana E-ista Ligo Int. kaj 49-a Kongreso de Int. Katolika Unuigxo E-ista. Inf: Erikas Laiconas, p.k. 165. LR-3000 Kaunas, Litovio. ************************************************************************* MOVADO ////// Jarcxefkunveno de GEA- en Parizo ================================ En Parizo jxus dum la Euxrop-Unia Kongreso okazis la cxi-jara kunveno de Germana E-Asocio. S-ino Elsbeth Bormann transdonis la prezidantecon al Frank Stocker. Estrarano farigxis nove Christian Darbellay kun la fako "internaciaj kontaktoj". Li jam multe klopodis pri kunlaboro cxirkaux la Balta maro. Germana E-Asocio intensigos siajn kontaktojn al siaj najbaraj landoj (la tasko: "regiona laboro"). Al tiu laborkampo apartenas la komuna agado en Euxropa Esperanto-Unio, kie ekde nun anstataux Elsbeth Bormann kunlaboros Frank Stocker kune kun la nova afergvidanto d-ro Ursula Niesert. Pri sia euxropa laboro la jarcxefkunveno akceptis rezolucion. GEA kontribuos al la euxropaj laboroj ankaux per la okazigo de la sekvanta Euxrop-Unia Kongreso en Stuttgart 1997, kion aprobis la pariza kunsido de Euxropa E- Unio. En bilanco kaj bugxeto evidentigxis, ke la kuragxa pasxo de la Asocio ekhavi dungitan afergvidanton estas eltenebla. Alfluis donacoj, tio kaj la normalaj enspezoj ebligos dauxrigi tiel. La jarcxefkunveno auxdis unuan raporton el la nova GEA-oficejo en Freiburg kaj dankis al gxia gvidantino d-ro Ursula Niesert. Tio estas esperiga gajno. De la du germanaj A-komitatanoj cxe UEA nun d-ro Werner Bormann post 28 jaroj forlasos sian postenon; lia posteulo farigxis Christian Darbellay (restas Elisabeth Schwarzer). Koncerne UEA-n, membroj de Germana E-Asocio ankaux kontribuos, arangxonte antaux- aux postkongreson de la Universala Kongreso en Prago 1996, kaj la Asocio subtenas la intencon de la Esperanto-Ligo en Berlin inviti la Universalan Kongreson de la jaro 1999 en la germanan cxefurbon. La cxeestanta estraranino de UEA Michela Lipari notis tion kun kontento. La jarcxefkunveno nomumis d-ron Rudolf Fischer (Nordwalde/Munster) Honora Membro kaj aljugxis la honormedalon "Zamenhof" al Hermann Behrmann. Dr Werner Bormann Rim: La nova prezidanto Fank Stocker estas la gxis nun plej juna: li estas 26-jara studento pri politologio kaj slavistiko cxe la universitato de Heidelberg; momente li verkas sian magistran laborajxon pri la lingvo- politiko de la EU. Antaux sia elektigxo li dum tri jaroj redaktis la germanlingvan eldonon de "Esperanto aktuell". ************************************************************************* Konversaciaj rondoj en Tampere ============================== La konversacian rondon dum la UK gxi jare gvidos Andrzej Pettyn, red. de la Pola Radio, kiu kompreneble ankaux cxiutage raportos pere de la E- elsendoj de Varsovio ankaux pri la kongresaj debatoj. Kune kun la gvidado de la konversacia rondo samtempe li gvidos seminarion pri organizado kaj gvidado de studrondoj kun aparta atento al paroligaj ekzercoj (principoj de memlernado, prononcado en la praktiko, elekto de lernolibroj ktp). Al la Rondo estas invitataj kaj komencantoj kaj gvidantoj de studrondoj por intersxangxi la spertojn. Bonvenon! - x - ************************************************************************* Esperanto en lingvistika konferenco =================================== En la Studenta Konferenco pri Lingvistiko en Saarbrucken (Germanio, 24- 28.05.1995) Ulrich Matthias ofertis prelegon pri "Esperanto kaj aliaj planlingvoj", kiun li finis per duonhora Esperanto-kurseto. Malgraux du aliaj samtempaj programeroj 30 el 50 konferencanoj cxeestis la prelegon kaj montris viglan intereson. U. M. ************************************************************************* E-o en novaj ejoj ================= Ekde la komenco de 1995 E-societo de Maribor solvis siajn ejan problemon. Gxi nun disponas pri novaj ejoj apud la cxefa fervoja kaj busa stacio en Partizanska str. 44. La societo kontraktis kun maribora sekcio de Demokratia Partio de Slovenio povi uzi iliajn ejojn, suficxe grandaj por kursoj kaj konferencoj. Tuj vigligxis la agado tiel, ke junaj membroj de la societo (gimnazianoj), kiuj nun frekventas C-kurson, gvidas novajn A-kursojn por siaj samagxuloj. Momente okazas tri tiaj kursoj. En Fervojista E-societo oni gvidas kurson por lernantoj de meza faka fervojista lernejo kaj Z. Tisxljar gvidas kurson en elementa lernejo de urbeto Radlje. Z. T. ************************************************************************* Eldonas "Flamo" =============== La E-societo "Flamo" en Torun (Polio) eldonas BK kaj prospektojn pri famaj homoj, kiel Nikolao Kopernik, kiu logxis en Torun, eminentaj e- istoj (Antoni Grabowski - patro de E-poezio), pri la urbo Torun kaj pri la Lingvo Internacia. Cxiuj bild- kaj posxtkartoj - kun la tekstoj en E-to. Krome, "Flamo" eldonas belajn glumarkojn pri E-to. Kontaktadreso: E-Societo "Flamo", PL-87-100 Torun-1, p.k. 16, Polio. ************************************************************************* Regiona eldono de LF-Songazetoj =============================== Estas renovigita la kontrakto pri kopiado de Esperantaj Songazetoj (escepte de la plej fresxaj) en Ruslando - ja nur tre malmultaj rusiaj esperantistoj povas pagi la realan prezon de 18 svisaj frankoj por unu songazeto (=$ 14,5!). La kopiado efektivigxas per la magnetofono, kiun LF-koop antaux kelkaj jaroj disponigis al la Urala E-Societo, kaj la rezulta kvalito estas bona. Momente ULS ofertas 8 numerojn de la Esperanta Songazeto. laux Ruslanda Esperantisto nov/94 ************************************************************************* 25 jaroj... =========== En septembro '94 estis arangxita en Budapesxto jubilea ekspozicio (25 jaroj de LF), kio resumis la plej gravajn eventojn de nia kulturo en la lastaj 25 jaroj. Por eventuale uzi aliloke la ilustrajxojn oni devas nepre havi la skriban konsenton de LF-Koop. * * * 1987 ---- La centa datreveno de Esperanto pasas inter lumoj kaj ombroj. La kanzonoj de Amplifiki 1, rok-ensemblo el kvar skandinavoj (Kim, Micke, Martin, Bertil) plus du francinoj, inauxguras la jaron en Germanio, cxe nombre impona junulara seminario. La 3-an de majo Gaston Waringhien tondas la rubandon kaj senvualigas la sxildon cxe La Kvinpetalo, kiu komencis sian oficialan vivon. Kelkajn tagojn poste forpasas Istvan Szerdahelyi. Pli ol ses mil personoj cxeestas la Universalan Kongreson en Varsovio: por la okazo, kunigxas diversaj membroj de familio Zamenhof kaj estas lancxita la propono (gxis nun ne plenumita) konstrui en Bjalistoko Mondan Esperanto-Centron. La dua plej nombra kongreso (rifuzita de la polaj auxtoritatoj) okazas en Bulonjo - cxe-Maro, organizita de SAT, la eldoninto de PIV: Gaston Waringhien, cxe la inauxguro, lauxtlegas la lastan strofon de la poemo plej kara al Zamenhof, memcenzuritan en 1905, samloke, dum la unua Universala Kongreso. Ivo Lapenna inauxguras grandiozan monumenton al la internacia lingvo en Graz, kaj likvidas sian movadon. Li forpasas la 15-an de de decembro (naskigxtago de Zamenhof). Literatura Foiro festas la jubilean jaron aperante preskaux cxiumonate (dek numeroj anstataux ses). ************************************************************************* Impona gratulo! =============== Prof. Reinhard Selten, Nobel-premiito 1994, uzas cxiun okazon por propagandi E-on. Ankaux la 3-an de junio 95, cxe festo de 65-jarigxo de prof. Rokuro Makabe, kiu konatigxis kun li antaux 35 jaroj pere de E-to, salutis antaux 100 neesperantistoj grandparte en E-to. Tio ege imponis ilin. Kelkaj esprimis la intencon lerni E-on! -rm- ************************************************************************* Finfine malskandalo =================== En TT 93/4 ni raportis pri la Internacia Naturista Organizo Esperantista (INOE), kiu eksigis sian membron pro la fakto, ke li estas gejo. La artikolo vekis multajn reagojn; nun ni povas definitive informi, ke la diskriminacio cxesis. Pasis unu kaj duono jaro post la komenco de la disputo interne de INOE, kaj Jesus Moinhos Pardavila informis, ke la estraro de INOE oficiale nuligis lian eksigon. La estraro krome deklaris, ke INOE estas neuxtrala, ankaux pri seksaj inklinoj, simile al UEA. el TEJO tutmonde, marto/95 ************************************************************************* ILEI //// La moderna estas antikva ======================== De la 29-a de aprilo gxis la 1-a de majo 1995 okazis en la urbeto Bolsena, 100 km norde de Romo, vigla seminario pri la temo: "E-instruado: metodoj kaj materialoj." La seminarion organizis la roma katedro de la Itala E-Instituto. Gxi malfermigxis per brila prelego de d-ro Renato Corsetti pri la instruado de la fremdaj lingvoj en la historio, de la sxumera gxis E-to. Corsetti klarigis, ke la t.n. tradicia, la gramatika metodo de lingvo- instruado, estas relative moderna, cxar gxi plene disvastigxis nur en la 18-a kaj 19-a jc., dum la "moderna" rekta metodo estis uzata jam de la antikvaj egiptoj. Elizabetta Formaggio, kiu interalie estas la auxtoro de "Ludu kun ni!", propedeuxtika lingvokurso por infanoj, Alessandra Di Donato, Carlo Bourlot kaj Leonardo Pampaloni prelegis pri la instruado de E-to al infanoj. Krom la ekskursoj cxiuj spektis videofilmon en E-o, "La fontanoj de Romo" (acxetebla cxe UEA aux itala libroservo). Okazis prelego de P. L. Cinquantini, kiu donis mallongan ekzemplon de Cseh-metodo kaj pluraj homoj intervenis per siaj opinioj. Michela Lipari, UEA-estrarano pri kulturo, parolis pri la problemoj de la dua- kaj tria-gradaj kursoj de E-to. Fine cxiuj esprimis deziron, ke tiu renkonto farigxu komenco de serio de fruktodonaj kunvenoj. Fabizio Pagliaroli ************************************************************************* Porinstruista seminario ======================= La Nederlanda Grupo de Instruistoj pri Esperanto (NGGE) organizas porinstruistan seminarion por la membroj de ILEI-sekcioj en Nederlando kaj najbaraj landoj. La seminario estas planita en la semajnfino de la 15-17-a de marto 1996 -aj okazos en la naturamika domo "Eikhold" en la urbo Heerlen, provinco Limburgo. La temoj de la seminario estos: La instruado al rifugxintoj; Auxd-vidaj kursoj. La domo disponas pri 2-personaj cxambroj kaj kunven-salonoj. La partopren-kotizo: 150 NGD. Plia informo, aligxoj cxe: Sekretariejo de NGGE, Middenweg 587, NL-1704 BH Heerhugowaard,Nederlando. ************************************************************************* LIBROJ ////// Fascina paroliga libro por infanoj ================================== Antaux nelonge aperis en Britio la kolora bildvortaro "Mil unuaj vortoj en Esperanto". Sur 63 pagxoj gxi prezentas abundon da objektoj kaj situacioj el la vivsfero de cx. 6-jaraj infanoj per fascinaj koloraj desegnajxoj. La libro jam aperis en sep naciaj lingvoj, kio klarigas gxian profesinivelan kvaliton. La esperanta traduko estas suficxe bona; mi volas kritiki nur, ke kelkfoje eblus elekti pli simplan aux pli ofte uzatan vorton, ekz., "vermo" anstataux "lumbriko", "serpento" anst. "kolubro" aux "fungo" anst. "agariko". Sendube povas esti granda plezuro por infanoj trarigardi la libron kune kun plenkreskulo kaj eklerni nian lingvon babilante kun li pri la bildoj. Sed gxi tauxgas ankaux por plenkreskuloj, kiuj povas cxerpi el la libro ideojn por simplaj konversacioj. La uzado de tiom alloga lernilo certe kontribuas al la sukceso de E-kurso. Ulrich Matthias Heather Amery: Mil unuaj vortoj en Esperanto. Ilustris Stephen Cartwright. Esperanto-Asocio de Britio. Londono 1994, 63 pagxoj. Havebla por 31,50 NGD + sendokostoj cxe UEA. ************************************************************************* Asterikso elcxerpita! ===================== Laux informo de Marija Belosxevicx, prizorganto de la distribuado, la unua volumo de la nova Asteriks-serio estas plene disvendita. La unuaj informoj aperis pri la libro novembre en Eventoj, gxi estis eldonita en 1000 ekzempleroj - kaj nun ili estas disvenditaj. Neatendita kaj brila sukceso, kiu estas atingita i.a. per bona kaj vasta reklamado. Kun iom da malfruo sed sekvas ankaux aliaj numeroj de la serio... L. S. ************************************************************************* Estu abonanto-apoganto de "Kargo"! ================================== La nomo de Jean-Claude Bernard sonas prestigxe por librosxatantoj en Francio pro verkoj, presitaj arte, laux la gutenbergaj tradicioj de sia metio (plumba kompostado permana, sur papero pure el cxifono). En la pasinta jaro estis lancxita eldono de nova beletra serio "Kargo", kies gvidanto estas Istvan Ertl. Jam aperis la unua volumo: Vivi sur barko de Eugene de Zilah, kaj atendas la aperon serio de aliaj libroj: Lando malekzista, Havenoj, Kaoso en Budapesxto, manuskriptoj de Manuel de Seabra, Gafur Gazizi kaj aliaj. Por doni elanon al la E-literaturo estas sercxataj abonantoj-apogantoj: - se vi sendos 25 guldenojn (al la UEA-konto: "KARG-X") vi ricevos la aperantajn librojn kalkulante kun 25 %-a rabato gxis elcxerpigxo de tiu 50 guldena sumo. Poste vi povos renovigi vian statuson de abonanto-apoganto kun denova sendo de tiu sumo. - se vi sendos almenaux 75 gld, vi povas mendi ankaux la jam aperintan "Vivi sur barko" kun 25 %-a rabato. - se vi sendas almenaux 100 gld, vi estos dankata per aperigo de Via nomo en la Kargo-volumo kies eldonon vi helpis financi. Detalajn informpetojn kaj mendojn bonvolu sendi al la adreso de la gvidanto de la serio "Kargo" Istvan Ertl, Deensesstraat 44-B, NL-3028 GK Rotterdam, Nederlando ************************************************************************* INTERVJUO ///////// Ursula Niesert: Ni ne forgesu rikolti ===================================== D-rino Ursula Niesert estas la unua salajrata aferdirektanto de Germana Esperanto-Asocio. Per tiu dungo GEA iras plian grandan pasxon al pli da profesieco. La pasxo helpos ankoraux pli konvinkige prezenti E-on kaj la Asocion al la publiko. Esperanto-Aktuell (2/95) publikigis intervjuon kun Ursula Niesert. - Kiuj estas Viaj taskoj? - La oficejo ofertu cxiajn informservojn pri Esperanto kaj en kaj ekster la E-komunumo - de simpla respondado al informpeto, tra - ekzemple - perado de regionaj kontaktadresoj inter la membroj, gxis konatigo de E-o kaj Germana Esperanto-Asocio en ekstermovadujo. Cxi-lasta estas la tasko, kiu plej transiras nian antauxan honoroficajn fortojn, al gxi apartenas la ekigo kaj flegado de kontaktoj kun ekstermovadaj gazetoj, asocioj, entreprenoj, politikaj grupigxoj. Nobla defio trans cxiuj tiaj konkretaj taskoj tamen estas certigi longdauxran ekziston por la oficejo. - Germana Esperanto-Asocio estas nur relative malgranda unuigxo. Kial regule dungita aferdirektanto estas necesa por tia malgranda asocio? - UN: Jes, jen la vunda punkto: se la taskoj de la oficejo estus nur la membro-prizorgado, vi ja pravus: tiam salajrata dungito ne necesus. Tamen, laux la nova strategio GEA ja havas pli ambiciajn celojn de intensa, pli vasta konatigo de E-o, el kio - duapasxe - refluu financaj kaj movadaj fortoj. Momente GEA do "riskas oron por gajni trezoron". - Vi uzos parton de via logxejo en Freiburg kiel oficejon. Cxu vi pensas, ke la granda distanco de Freiburg al Berlin kaj Bonn kun la publikaj kaj sxtataj instancoj malhelpos Vian laboron? - UN: La nuna E-komunumo estas ne centrita reto de aktivuloj (kio plej ofte estas nia forto kaj ne malavantagxo!). La distanco de GEA al la membroj, kiun mi volas malgrandigi, tamen nur suprajxe dependas de la kilometroj: leteroj bezonas unu tagon - ene de Berlin kaj same de ie en la respubliko al Freiburg. Ankaux la plimulto de kontaktoj al publikaj kaj sxtataj oficialuloj certe realigxos perletere aux telefone - do senrilate al la geografia distanco. Kiam en politika agado persona prezentigxo en Berlin aux Bonn estas dezirinda, mi strebas al intensa kunlaboro kun la tieaj E-oficejoj kaj aktivuloj kaj fine ambaux urboj estas ja atingeblaj en malpli ol ok horoj. - Kiel Vi pritaksas la estontan evoluon de E-to en Germanio kaj la mondo? - UN: Dum la lastaj jaroj E-to ricevis oficialan agnoskon en diversaj kampoj, mi menciu nur UNESCO-rezolucion, la agnoskon de E-to per la PEN-klubo, la respektataj vidpunktoj de Umberto Eco kaj Reinhardt Selten, La FAME-premion en la urbo Aalen, la partopreno en la konferencoj de FME (Fakinstruistoj pri Modernaj Fremdlingvoj)... Do, la reputacio de E-to bone evoluis, kaj la hodiauxa situacio estas certe pli avantagxa ol antaux dek jaroj al nia oferto en la publika mondo. Ni sekvu tiun vojon! Sed se tiel sukcese ni dauxrigas nian semadon, ni ne forgesu ankaux rikolti. D-rino Ursula Niesert estas atingebla cxe: Immentalstr. 3, D-79104 Freiburg. Tel.: +49-761-23963 mll laux E-o Aktuell, 2/95 ************************************************************************* KONKURSO ///////// Ni parolu modele! ================= Konkurso pri modela Esperanta parolo honore al Ivo Lapenna la duan fojon estis arangxita en Kecskemet, Hungario, por mezlernejanoj. Partoprenis en gxi 16 gejunuloj. La unua refoje igxis Auxrora Farkas el Kecskemet, la duan kaj trian lokojn okupis zagrebaj mezlernejanoj: Verdan Starcevicx kaj Goran Jovanovicx. La internacia jxurio konsistis el Kremona Baceva (Bulgario), Ilona Koutny (Hungario) kaj Germain Pirlot (Belgio). Kiel videble, la jxurio reprezentis tri lingvofamiliojn, nome la slavan, finnougran kaj la latinidan. Sxajnas, ke estus utile dauxrigi cxi tiun konkurson kaj disvastigi ties popularecon. Geza Kurucz ILEI-komisiono pri lernejaj aferoj ************************************************************************* ESPERANTO EN RADIO ////////////////// Pola Radio per la Varmega Birdo! ================================ Post pli ol jara preparado en komenco de junio ekfunkcias nova brodkasta satelito, nomata Varmega Birdo (Hot Bird), kiu transprenos la emanigadon de serio da popularaj TV-kaj radioelsendoj (anstatauxante ekz. la malnovan Eutelsat-on). Jxus oni faris la decidon, ke la aleksterlandaj programoj de Pola Radio, inkluzive la E-lingvajn elsendojn utiligos la novan sateliton (oficialnome Eutelsat II F6, situanta je 13 gradoj de la orienta latitudo, frekvenco: 11.474,41 MHz, horizontala polarizado, sonportanto: 7.56 MHz). Tre versxajne en la proksimaj du monatoj (junio kaj julio) oni uzos samtempe kaj la novan kaj la malnovan "cxielan" emanig-eblecon. Estas emfazinde, ke la nova satelito Varmega Birdo ofertas multajn allogajn tv- kaj radiajn programojn en plej diversaj lingvoj, ankaux la vatikanajn E-elsendojn, kio eventuale povas instigi al acxeto de satelita ricevilo (cx. 250 gld) ebliganta perfektan auxdeblon sendepende de la vetero kaj sezono. La nova satelito ebligos la kaptadon de la E-elsendoj de Varsovio en Israelo, norda Afriko, euxropa parto de Rusio kaj Islando, ne parolante pri la centra Euxropo, kie suficxos simpla, malgranda parabola anteno por la ricevado. La E-redakcio de Pola Radio organizis ankaux klubon de satelitaj auxskultantoj, kie oni atendas aligxon de cxiuj tiaj auxskultantoj. Skribu al: Esperanto-redakcio, pk. 46, PL-00-977 Warszawa, Polio. ************************************************************************* REAGOJ ////// Figemal... ktp. =============== Cxu s-ro Lukas ne rekonas sxercojn? Tute ne venis al mi en la kapon, ke iu ajn esperantisto traktus serioze tiun 24-literan vorton, kiu originis en legxera klascxambra amuzajxo: "Kiu sukcesos konstrui la plej longan analizeblan vorton, uzante nur la radikon afabl- kune kun afiksoj?". La vortoj "tuj klare" (mi opiniis) estas ironiaj. Neesperantiston la vorto povus erarigi, kaj tial en la anglalingva versio de mia libro mi aldonis subnoton: "This example is not intended to be taken seriously!" (Cxi tiun ekzemplon oni ne traktu serioza). Mi scivolas nun, al gxuste kiu mankas la bona sagxo? William Auld ************************************************************************* HUNGARA ANGULO ////////////// Esperejo ======== La 28-an de junio je la 19-a horo en Esperejo okazos prelego de Klari Mikola "Bhagavadgita - la sankta libro de hindoj". ************************************************************************* MOVADA HUMURO ///////////// Oni prefere lernu nagxi... ========================== Iu homo, dronante en rivero, krias en diversaj lingvoj: Help me! Pomogitje! Segitseg! ktp. Iu el rigardantaj de la ponto rimarkas: "Jen strangulo! Anstataux ol lerni tiom da lingvoj, li prefere devintus lerni nagxi..." ************************************************************************* ANONCETOJ ///////// Kun grandega gxojo ni anoncas al Vi la naskigxon de niaj infanoj Lino kaj Luca la 31-an de marto. Michel & Marie-Jeanne Basso, 8-rue du Tir, F- 68000 Colmar, Francio. *** Ni petas s-anon Istvan Szabo el Budapest, reaginta al la artikolo pri heredajxoj, anonci sian gxustan adreson al ni! Red. de Eventoj. *** Gratulojn al Ajgun kaj Oksana Junusov okaze de ilia geedzigxo la 30-an de junio! *** Cxu vi havas malnovajn numerojn de Int. Pedagogia Revuo? Mi estus danka, se vi sendos al mi. Marija Belosxevicx, sekr. de ILEI, Sveti Duh 130, HR- 41000 Zagreb, Kroatio. *** Kiu povus sendi al mi kserokopion de artikolo en "Hungara Vivo" (okdekaj jaroj) pri J. A. Komenski? Kiu povas certigi, ke L. L. Zamenhof uzis teorion de Komenski? Andrzej Szczudlo, ul. Konopnickiej 53, PL-67-400 Wschova, Polio. Tel. +48-65-401991 *** En Mediprotekta Instituto mi organizas la uzadon de komputiloj. Mi pretas kunlabori en la profesia uzado de E-o. Zoltan Nemeth, Kassai ut 38.IV/13, H-5000 Szolnok, Hungario. Tel. of. +36-56-375111/395 aux +36-56- 423422/395. *** Tendumi en Svisio cxu multekostas? Ne! Vi pagas per via landa valuto kaj laux via landa prezolisto. Averto: ne-esperantistoj estas senkompate forpelataj! Hans Kastli, Esperanto-tendumejo, Sunhejmo, CH-9424 Rheineck, Svisio. ************************************************************************* ************************************************************************* EVENTOJ, Nyt. sz.: B/TSZL/85/1991. ISSN 01215-959 X A kiado es a szerkesztoseg cime: H-1675 Budapest, pf. 87. Tel./fax: 282-88-85. Internet: eventoj@forigu.odin.net Megjelenik kethetente. Kezbesiti az MPV-HPI. Nyomas: SZELKER Bt. H-1161 Bp, Baross u. 114. EVENTOJ, dusemajna gazeto pri la esperanto-movado. Eldonas LINGVO-Studio kaj Kultura Esperanto-Asocio. Respondeca eldonanto kaj cxefredaktoro: Laszlo Szilvasi. Kunlaborantoj: Istvan Bajnogel, Abdurahman Junusov, Istvan Meszaros, Zsuzsanna Virag La redakcio ne nepre konsentas pri la enhavo de unuopaj artikoloj, kaj ne respondecas pri la anonc-enhavoj. ************************************************************************* La kompiladon de reta versio prizorgis: Kristaly Tibor