Jaanisto Johannes, estono,
instruisto. Nask. 15 marto 1893 en Tartu. De 1930 prez. de Tartua ES, de 1931
landa sekr. de lnt. Cseh lnstituto kaj vicdel. de UEA. En 1932 estrarano de
EAE. Red. de la E angulo en la gazeto "Postimees". Gvidis multajn kursojn
en Tartu.
Jackson (Gakson) Wayne, usonano,
komercisto. Nask.16 aŭg. 1895 en Waco (Texas). Prez. de EG de Seattle
(Washington); sekr. de Nordokcidenta ES; regiona direktoro de EANA.
Jaĉjo Holm kaj liaj Amikoj.
Romano de Holst, el la nederlanda trad. Leeuwen, ilustrita de Isings.
1933 235 p. "Ĉarma libro pri knaboj, destinita precipe por junuloj,
sed pro la interesa karakter-pentro certe leginda ankaŭ por
plenkreskuloj." (y, Lingvo Libro,
1934, p: 13.).
Jadot (ĵado) Paul, franco
(de belga deveno) kontisto. Nask. 27 apr. 1883 en Bas-Oha (apud Liége). De 1908
ne ĉesis propagandi sindoneme. Sekr. kaj kursgvidanto en diversaj grupoj.
Komitatano de la Pariza Fed. kaj de SFPE. Prez. de la prop. komisiono de SFPE.
Jaffe (ĝefi) Saul J.,
usonano, ekonomisto. Nask. 25 dec. 1894 en Rezekne, Latvolando. E-isto de
1909. Gvidis E kurson en sia naskiĝa urbo. Propagandas E-n en Flint
(Mich.) Oficiale reprezentis ŝtaton Michigan ĉe la UK en Budapest.
Jahns (jans) Kate, germanino, ĵurnalistino.
Nask. 2 febr.1881 en Wolfenbüttel Laboras multe por virinaj unuiĝoj kaj
por ties gazetoj Kunfondintino de GEA, sekr. de la grupo en Braunschweig
preskaŭ de la fondojaro. Gvidis kursojn precipe por laboristoj kaj
policistoj. Verkis: Erk; Kantotrezoro.
Jakob Hans (ankaŭ Hans Jakob‑Notz),
svisa civitano, direktoro de UEA depost 1924; profesio antaŭa: komercisto.
Nask. 15 dec. 1891 en Heidelberg (Germ.). Membro de UEA de 1909, delegito en
Heidelberg, 1909-12, de tiam oficisto ĉe la Centra Oficejo de UEA:
Administranto de la revuo Esperanto ĝis 1914, poste Librejo. De
1920 ĝenerala sekr. Kunlaboranto de ,E' kaj teknika aranĝanto.
Redaktanto de la Oficiala jarlibro de la E Movado depost 1924 kaj de la
antaŭa Jarlibro de UEA (de 1921). Respondeca afera gvidanto de
UEA, konforme al la Statuto Art. 47/48.
Verkinto de multaj artikoloj en E sub
ps. Agricola. Verkis serion da artikoloj s. t. Esperantistaj
Problemoj, kiuj atestas pri funda kono de nia movado. Pro ofico partopreninta
preskaŭ ĉiujn UK kaj multajn naciajn kongresojn, unu el la plej
konataj gvidantoj de la movado. Multe okupiĝas per kolektado de plej diversaj
aferoj, tamen plej preferata kromokupo estas por li la legado kaj ordigado de
lia granda biblioteko privata.
Jalava Leo, finno, direktoro de
eldonejo "Suomen Setilas". Nask. 11 febr. 1892 en Turku. E-isto de
1906. Fondinto kaj unua prez. de "E-a Grajneto" en Turku 1908. Sekr.
de "La Polusstelo" 1911, estrarano de EAF 1913-25 (?). Multaj kursoj
en Turku kaj Helsinki kaj prop artikoloj en 1908-13 kaj 1917-22. Kunfondinto de
EIF. Kunlaboranto de finnaj E gazetoj, komitafano por UK en Helsinki, 1922.
Reprezentis la finnlandan ministerion por instruado dum la UK en Nürnberg,
1923. Del. de UEA en Helsinki, 1918-25, kaj ĉefdelegito, l928-1932.
Jamin Joseph, belgo, arĥitekto
en Bruxelles. Li multe akcelis la propagandon, verkis du broŝurojn; dum
1902-05 estis ĉefred. de La Belga Sonorilo.
Jammes (ĵam) Fernand,
franco. De 1908 seninterrompe UEA-del. (Le Puven-Velay).
Janaliková Antonie, ĉeĥino,
instruistino. Nask. 1874 en Holeŝov, mortis 1924. Propagandis pacifismon,
E-ismon, liberan penson, ktp. Dum la mondmilito arestita pro suspekto de
nepatriota sinteno. Multe vojaĝis uzante E-n. Post ŝia morto por
honorigi sian rememoron, oni eldonis broŝuron, kies kelkaj partoj
propagandas E-n efikplene.
Janjiĉ Fran, kroato, d-ro.
Tradukis beletristikaĵojn, i. a. Ano de l' ringludo de D. Simunoviĉ.
Jansson Sam (ps. SJn), svedo,
liceestro. Nask. 9 dec. 1876 en Linde. E‑isto de 1921. Prez. de SEI,
1922-30, vicprez. de SEF, komitatano de UEA, nacia dir. de Isosek, gvidanto de
ABF duonhoro per radio. Verkis korespondan kurson de SEF kaj aliajn E-pedagogiajn
verkojn.
Jansson Sam Owen, svedo, muzea
asistanto, filo de J. S. Nask. 19 marto 1906 en Stockholm. E-isto de 1921.
Prilaboris svedan eldonon de angla E‑lernolibro kune kun sia patro kaj
S-E vortaron kune kun Linden. Sekr., poste rez. de Stokholma EG.
Japana E-isto, oficiala organo de
JEA, Tokio. De aŭg.- dec. 1906 ĝi estis nomata La JE. Ĉefred.
d-ro Kroita kaj d-ro J. Takakusu. JE estis riĉe ilustrita kaj enhavis
krorm nacia prop. kaj kroniko artikolojn pri la japana vivo, precipe pri la ĉerizflora
festo, pro kio ĝi baldaŭ akceptis la subtitolon: Int. ilustrita revuo,
konigas la mondon pri la ekstrema Oriento. De jan. 1914 ĝi aperis tre
malgrandigita kaj nur por la prop. en Japanujo. Vol. 1: aŭg. 1906-marto
1907-8 kaj 8xIV+104 p. Vol. 2: apr.-dec: 1907-9 kajeroj 9xIV+174. Vol. 3: jan:
aŭg. 1908-7 kajeroj 7xIV+112 p. Vol. 4: jan.-dec. 1909-11 kajeroj.
IIxIV+180p. Vol. 5. jan. apr-majo 1910-3 kajeroj. 3xIV+64 p. Vol 6: apr: okt.
1911-6 kajeroj 6xIV+60 p. 27x20. En 1912 kaj 13 ĝi ne aperis. Reaperis
jan.1914-10p. 18xl2.
Japana Esperanto-Instituto v. Nipono.
Japanlando, Gvidlibreto pri-.
Trad. de JEI, eld. de Japana Ministerio de Ŝtatfervojoj, 1927, 102 p., 37
ilustraĵoj, 9 landkartoj. Bela libro, grava dokumento pri la progreso de E
en Japanujo.
Japanujo, v. Nipono.
Jarlibroj antaŭmilitaj. La
unuaj ĉefaj jarlibroj en la diversaj landoj kaj Asocioj, antaŭ la
milito, estas la jenaj (krom la adresaro de Z). Jarlibro E-ista de la Societo
Espero en Peterburgo (Uppsala, 1897), kun helpo de Klubo E-ista en Uppsala. Ĝi
enhavas sciigojn kaj eltiraĵojn pri E, historion pri la ekzistantaj
societoj (Nürnberg, Peterburgo, Odessa, Uppsala, Louhans, Societo E-ista en
Danujo, liston de agentoj de E, de ĵurnaloj akceptantaj artikolojn, de
librovendej, de libroj jam publikigitaj.
Jarlibro de SPPE (1899-1900). Ĝi
enhavas 313 nomojn el 17 landoj; el kiuj 169 francoj. Ĝin anstataŭis:
Tutmonda Jarlibro E-ista,
enhavanta ankaŭ la Adresarojn de Z (eldonejo Hachette), kompilita de De
Ménil. Ĝi aperis por la jaroj 1904, 05, 06, 07, 08, 09, 10. En 1908, la
kreskado ne ebligis plu, ke oni daŭrigu plenan nomaron; depost tiu jaro
oni
enskribis
nur la Societojn, Komitatojn kaj Konsul-Agentojn. La lasta aperis en 1910. Ĝin
anstataŭis:
Tutmonda jarlibro E-ista, kiu daŭrigis
la antaŭan. Ĝin redaktis Sebert, Chavet, Ferter-Cense (eldonita en
E-ista Centra Oficejo). Ĝi aperis en 1912, 1913, 1914.
Hispana Jarlibro en 1905 (152
nomoj) - en 1906 (347 nomoj)... en 1910 (1544 nomoj); sed tri kvaronoj ne pagis
sian kotizon.
Jarlibro de Pacifistoj (Paris
1906), redaktita de Moch.
Jarlibro de U.E.A., unua eldono
1908.
Itala Jarlibro: la unua en 1908
(prof. Luigi Giambeune) enhavas ĉ. 1500 nomojn.
Germana jarlibro, unua eldono
Dresden 1908, redaktis Schramm.
Sveda Jarlibro: la unua en 1908
(Ahlberg) enhavas ĉ. 1200 nomojn.
Angla Jarlibro: la unua en 1909
enhavas ĉ. 1400 nomojn.
Jarlibro de Centra Asocio Bohema
Unio E-ista (Kühnl): la unua en 1909 enhavas 551 nomojn.
Pola Jarlibro: la unua en 1909
enhavas ĉ. 2000 nomojn, sed ĝi kalkulas la polojn en la tuta mondo.
Jarlibro TEKA. La unua eldono
aperis en 1909 kaj enhavis 414 kuracistojn kaj 15 studentojn. La dua aperis
en 1910 kaj enhavis 610 kuracistojn kaj 19 studentojn.
Belga Jarlibro; la unua en 1910.
Ruslanda Adresaro: la unua en
1912. Ĝin verkis la studento-grupo ĉe Moskva Universitato. Ĝi
dissendis pli ol 20.000 demandfoliojn; 6.000 respondis. Se oni deprenas la
polojn, restas ĉ. 3000 rusoj. L. BASTIEN.
Noto. Artikolo - ne tute kompleta -
farita laŭ la jarlibroj ekzistantaj en la Biblioteko de C. O, kaj en
kelkaj Bibliografioj.
Jarmiloj Pasas. Mondhistorio,
originale de H. Haetker. 1931, 500 p.
"La historiisto donis en teksto, ne tro longa por lacigi, bonegan
resumon de l' tutmonda kaj tuttempa evoluo; per lerta elekto inter citindaj
faktoj kaj forigendaj detaloj, li evitis tedon oftan ĉe historiaj
lernolibroj. Sinteza kapablo, klara vido, taŭga stilo." (G. S., ,E'
1932, p: 12.) - "Ĝi estas en la unua triono ne historio, sed hipotezaro;
la lingva stilo estas tre peza; historie ĝi ne estas fidinda kaj ĝi
estas vere tendenca kontraŭreligia polemikaĵo." (M. C. B.)
Jarmotoviĉ V. T ruso. Mortis
juna 2 sept. 1916 en batalkampo en Bukovina. Verkis poemojn en E, kunlaboris
je La Ondo de E, LI, Pola E-isto.
Jasuda Jukiĉi, japano,
arkitekto de ĉefregistarejo de Formoso Nask. 1 marto 1904 en Kyoto-si. Dum
la studenta tempo en tria nacia kolegio kunkompilis J-E vortareton. Trad. Inkubo
(dramo), 1924. De 1927 laboras por E en F.
Jaumotte (ĵomot) Maurice,
belgo, ĵurnalisto. Kunlaboris por la UK 1928. Redaktis la francan parton
de la Belga Antologio 1928.
Jaunvalks, Eduards, latvo, poŝtoficisto.
Nask. 10 aŭg. 1901 en Dungada. E-isto de 1918. Kursgvidanto. Fondis ES de
Liepaja 1925. UEA-del en Liepaja 1925-1929. Trad. unuan kolekton de latvaj
popolkantoj, 1927. Kunlaboranto de LM.
Javal (ĵavai) Emile, franco
d-ro, fama okulkuracisto. Nask. 5 majo 1839 en Paris, mortis 20 jan. 1907 en
Paris. Fariĝis inĝeniero. Sed, ĉar lia patro estis straba, kaj
ankaŭ lia pli juna fratino, li provis kuraci ŝin: li sukcesis, kaj
la priokulaj studoj altiris lin; li decidis fariĝi okulkuracisto. Dir. de
la oftalmologia laboratorio de 1878 (dato de ĝia fondo) ĝis 1900. -
Post la franca-germana milito de 1870, li dividis sian ĉiumomentan agemon
inter la publikaj aferoj kaj la scienco. Al ambaŭ li dediĉis sian
klaran spiriton, senlacan paciencon kaj perfektigemon. Deputito (1885-1889), li
sin dediĉis precipe al la demandoj pri higieno. Li voĉdonigis la
"Leĝon Javal", kiu liberigis de ĉiuj impostoj la gepatrojn
de sep infanoj. Li eltrovis mem novajn instrumentojn por la okulmezuroj. Publikigis
tre gravajn verkojn pri oftalmologio.
J. mem iĝis okulmalsana; dum 2l
jaroj li luktis, sed sesdekdujara li iĝis tute blinda. Tuj, kun mirindega
trankvileco li organizis sian novan vivon, kiun li estis preparinta jam de
kelkaj jaroj. Ekzemple li skribis preskaŭ ĉiujn leterojn propramane,
per helpo de skriba aparato elpensita de li mem. Li tiris el la sperto de
multaj korespondantoj kaj el la sia tuton da perceptoj kaj konsiloj por blinduloj,
kiujn li publikigis en la libro "Entre Aveugles" (Inter Blinduloj),
kiun tradukis E-en lia bofilino: libro plena de filozofio praktika kaj serena,
de filantropio tiel alta kiel kortuŝa. Lia granda pasio estis E. Kvankam
de longe varbita al E kiel aprobanto, li praktikis ĝin nur de 1903. Li ĉeestis
Kongresojn en Boulogne kaj Genéve, gastigis Z dum lia loĝado en Paris, kaj
de tiam ili fariĝis veraj amikoj. Tuj post la Bulonja Kongreso li
faciligis la fondon de la E-ista Centra Oficelo (v.) kaj ĝis sia morto li
prenis sur sin la ĉefan monhelpadon de tiu institucio, kaj testamentis
kapitalon. - Tuj kiam li lernis E-n, helpita de sia perfekta scio de multaj
lingvoj, kaj malgraŭ sia aĝo kaj kripleco li fariĝis baldaŭ
unu el la plej lertaj kaj kompetentaj E-istoj, ĉar li legigis al si preskaŭ
ĉiujn verkojn, novajn aŭ malnovajn, pri la historio kaj la progresoj
de la lingvo. Uzante sian grandan influon,- li klopodis fervore por favori la
oficialajn progresojn de la lingvo, kaj estas li, kiu agis plej efike por
havigi al Z la ordenan de la Honora Legio, okaze de la Bulonja Kongreso. Tre
scivolema kaj progresema spirito, ĉiam dezirante perfektigon, li aspiris
al reformoj en E, kaj pli ol unu fojon li interparolis pri tiu temo kun Z, kiu
fine opiniis danĝera tiun proponon. En siaj lastaj du jaroj li vivis
preskaŭ ekskluzive por E. Estis L. K. de 1905.
L. BASTIEN.
Jayet Charles, franco svisa,
komercisto en Morges. De 1908 seninterrompe UEA-del. Kunlaboris je la UEA-Jarlibro.
Jeitler (jajtler) Franz (ps.
JoFo), aŭstriano, popollerneja instruisto, ŝtate dipl. instr. de E.
Nask. 17 marto 1895 en Zistersdorf. Laboras multon por gepatraj unuiĝoj
kaj infanliteraturo. Estrarano de ALLE de 1927 ĝis 1932. Raportoj precipe
pri la interna kaj kleriga laboro en la grupoj Artikoloj en "La Socialisto"
kaj TEPS.
Je la Nomo de l' Vivo.
Filozofi-lirikaj fragmentoj, originale verkitaj de E. Izgur. 1927, 214
p, multaj ilustraĵoj. "La alta kanto de feliĉa vivo, fajra
protesto kontraŭ militarismo subpremo kaj mizero." (O. Simon, la
Socialisto,1927, p: 36.)
Jen. Int gazeto por ŝerco
kaj satiro, ilustrita. Red. Pulula. Jul. 1909-majo 1910 en Barcelona. Formato
28x22; 12 kajeroj po 16 p. (Laŭ BIL.)
Jiik Richard, estono, kemiisto.
Nask. 14 marto 1905 en Tallinn. Red. de Informoj de EAE, kunlaboranto
de E Inst. kaj de granda E-Estona Vortaro. Eksestrarano de EAE.
Jobo ps. de J. Baghy (v.).
Jodko Adam, polo, sovetiano, arĥivsciencisto.
Nask. 1892. E-isto de 1910. Kompetenta laboranto de CK SEU (Moskva, Minsk).
Trad. La Faktoro de Turgenev, l914; verkis prop. broŝuron. L. K
1925-33.
Jofre S. Alberich, kataluno. Nask
7 aŭg. 1897 en Barcelona. E-isto de 1913. Kunlaboris al KEF, Int. Floraj
Ludoj, estis red. de K. E-isto, 1926-27. Verkis prop. artikolojn,
originalajn kaj tradukitajn literaturaĵojn.
Johano, la Brava. Poemfabelo de Petöfi,
el la hungara trad. Kalocsay. 1923, 88 p. "Ĉarma, okazoplena,
idilia versrakonto, vestita en popularan stilon. Tre konvena por legigo dum
progresaj kursoj." (Totsche, De Paĝo, p. 87)
Johansson (juhanson) Carl Johan,
(ps. Joĉjo; Li; J-n), svedo, kunlaboristo de gazeto Social-Demokraten,
Stockholm: Nask. 22 marto 1890 en Eskilstuna. E-isto de 1907, estis iama
estrarano de EG en Eskilstuna. Fondinto de Lab. EG en Stockholm, estis sekr. de
SLEA. Prez., poste sekr. de Lab. EK en Stockholm, estrarano de SEI. Multaj
kursoj depost 1908, precipe inter sindikatanoj. Sukcese prilaboris favorajn
decidojn de socialdemokrata parti-kongreso. Multaj artikoloj.
Johansson Gustav Edvin (ps.
Geji), svedo, librobindisto-mastro. Nask 4. nov. 1898 en Falun. E-isto de 1916.
Prop. paroladoj, kursgvidado (laŭ Cseh-metodo), organizado. Interpretis
prelegantojn. Lerta gramatikulo. Kunfondis E-distrikton en Dalekarlio kaj SLEF.
Multaj artikoloj.
John (jon) Sári, hungarino,
oficistino. E-isto de 1929. Bibl. de HES kaj sekr. de la ekzamena komitato:
Gvidas kursojn laŭ Cseh-metodo.
Johnson (ĝonsn) Ernest
Bertram, anglo, helpadministranto en kuirista fako de brita mararmeo en Portsmouth.
Nask.14 okt. 1889 en P. E-istiĝis en 1909. Dum pluraj jaroj gvidis I,
grupon en P ĉiuflanke.
Johnson (ĝonsn) Wilfred B.,
anglo, arĝentometiisto Nask. 29. dec. en Sheffield. En 1908 transloĝiĝo
en Birmingham-on E-isto de dec. 1924. Instruas E-n sub la loka komitato de
Edukado. Del. de UEA, kontrola ekzamenisto de BEA. Kunlaboranto de la Enciktopedio.
Johnston (ĝonston) Georgo Jameson,
irlandano, d-ro, prof. de ĥirurgio en Dublin. Mortis okt.1926 en Dublin.
Aliĝinte al BEA en 1909, li estis unu el la vicprez. de IEA. En 1913 estis
prez. de TEKA.
Jokl Hugo, ĉeĥa aŭstriano,
gimn. prof. por historio, ĉeĥa lingvo. Kaj geografio en Wien. Nask.
en Pacov (Ĉeĥosl.). Membro de la ŝtata ekzamena komisiono.
Gvid. E kursojn. Estro de Bohema Klubo E-ista en W. Raportanto de ĉeĥaj
gazetoj en W. pri E. Ĉeĥa lernolibro de E kun d-ro E. Pfeffer.
Jonescu-Capatana (jonesku-kapacana),
rumano. Nask 27 marto 1915 en Bucureŝti. E-isto de 1931. Sekr. de RES.
Red. kaj eld. rumanlingvan "Vegetarismul" kaj la Vegetarano,
organo de Int. V. Ligo E-ista, kies ĝen. sekr. li estas.
Joó (jó) István, hungaro, d-ro
jura, urba konsilisto en Debrecen. Nask. 19 aŭg. 1886 en D. E-isto de
1903, la unua en D., kie elkreskis vigla E movado el lia amika kaj konatula rondo.
La unua kaj la nuna prez de la loka grupo. Poemtraduko en LI, 1905 (L. H. Heroldo,
1930. n-ro 4.)
Jörgensen Poul, dano, instr. mezlerneja.
Nask. 24 jan.1905 en Ordrup. E-isto de 1924 Prez. de Konversacia EK en
Kopenhago de 1930, estrarano de landa societo.
Josif F., rumano, d-ro, kapitanokuracisto
en Bucureŝti. E-isto de 1923. Tradukis el rumana lingvo por LM kaj HDE.
Joŝino Sakuzo (-zoo) japano,
prof. de Jura Fakultato de Imperia Univ. de Tókyó. Dum kaj post la mondmilito
multe gvidis junularon al demokratio. Nask. 29 jan. 1878 en Miyagi-ken,
mortis 18 marto 1933. En 1905 interesiĝis je la artikolo de W. Stead en
"Review of Review" kaj ĝin tradukis por "Sinzin".
Jovanoviĉ P. Jovan, serbo,
pens. inspektoro de ministerio por popola klerigado en Beograd. Eldonis en
1908 la unuan serban lernolibron. Retiriĝis de la movado.
Jozef kaj la edzino de Potifar.
Romano originale verkita de Bulthuis 1926, 388 p. Spritaj lokoj, amuzaj
ĉapitroj, lerta aranĝo, bonstila prozo. (G S., ,E' 1927, p: 185.)
Joziĉiĉ Antonija,
kroatino. Antaŭmilita pioniro. Trad. en 1913 la rakonton La Konfeso
de Milka Pogaĉiĉ.
Jugoslavio. E-istoj el la urbo Zemun,
ĉijare enurbigita al Beograd, nomis sian organizon "EK Mojsije Paiĉ".
Per tiu ĉi nomo ili interligis kun la E movado aŭtoron de apriora
mondlingv-projekto, M. Paiĉ, kiu en 1859 en Zamun eldonis sian
universalan, per arabaj ciferoj kunmetitan skriblingvon.
Forpasis jaroj kaj nur antaŭ 25
jaroj aperis la unuaj sudslavlingvaj lernolibroj sur la teritorio de nuna J.,
malgraŭ tio, ke izolulaj E-istoj jam ekzistis, inter ili advokato d-ro
Haas en Maribor (jam mortinta) kaj (laŭ UEA-jarlibro 1928) M. Avramoviĉ,
en Beograd, 1904. En 1908 eliris el diverslokaj presejoj, tute spontanee la
kroata lernolibro de Mavro Spicer, la serba de Jovan P. Jovanoviĉ
kaj la slovena de Ljudovit Koser. Nur post tiu unua literatura preparo
naskiĝis samjare la unuaj organizoj: Unuiĝo de kroataj E-istoj en
Zagreb sub gvidado de Spicer kaj Danica Bedekoviĉ, E-ista rondo en Slovenujo,
fondita de Koser kaj la Beograda E Grupo kun Siniŝa Budjevac kiel
fondinto, al kiu en la sekvanta jaro en reformita Serba E-ista Societo
aliĝis inĝ. Drag. Andonoviĉ, Rad Klajiĉ (kiu eldonis serban
lernolibron), Milica Gjuriĉ, k a.
Tiujn unuajn fajrujojn sekvis kluboj en
diversaj urboj kaj urbetoj precipe en Kroatujo, kie ekzistis jam la unua
interligilo Kroata E-isto, kreita kaj red. de la pioniro Spicer kaj
diskoniginta inter alilandaj E-istoj la hejman literaturon. Post du jaroj en
1910 ekaperis Serba E-isto, eld. kaj red de inĝ. D. Andonoviĉ,
certe kiel sekvo de la propagando, farita de rusa E-isto Evstifejev, kiu en
1909 vizitis Beogradon kune kun la bulgara E-isto I. H. Krestanov.
En postsekvaj tri jaroj aperis la unuaj
beletristikaj verkoj "La trezoro de l' oraĵisto", historia romano
el la 16-a jarcento de kroata verkisto A. Ŝenoa, trad. de Fran Kolar, la
kroata antologio kun detala lit.-historia enkonduko "Kroataj Poeziaĵoj"
el la plumo de Spicer kaj la rakonto de Milka Pogaĉiĉ "La
konfeso", trad. de Antonija Joziĉiĉ. Menciindaj estas ankaŭ
du kantoj el la epoko "La morto de l' Smail-agao Cengiiĉ", trad.
de D. Bedekoviĉ kaj I. Stalcer en la gazeto K E-isto. Tiutempe
agema Spicer verkis diversajn por-kaj pri-E-ajn prop. kaj beletristikajn
artikolojn studojn, rakontojn kaj poemojn por hejmaj kaj alilandaj nacilingvaj
kaj E gazetoj kaj okazigis en provincaj urboj paroladojn.
Sur la faka, la ekonomia kampo, la unua
eklaboris d-ro P. Staniŝiĉ en Zemun, aperiginta la broŝuron
"La reforma mono de Silvio Gesell."
Inter aliaj antaŭmilitaj pioniroj
en J. troviĝas geedzoj Kellek, Zora Zupic, Slavko Dragiĉ,
Paŭlo Kastner, I. Stemberger, Stjepan Vidak, Nedeljkoviĉ.
La movado iom post iom ekdormis dum la
balkanaj kaj la mondmilito, en kiu lasta la naciisma revolucio de sudslavaj
serboj, kroatoj ksj slovenoj finiĝis per ilia unuiĝo en la sendependa
ŝtato Jugoslavujo (Sudo-Slavujo). En la nova lando la movado ekmarŝis
kun freŝa forto. Vekiĝis malnovaj, fondiĝis novaj organizoj neŭtralaj
kaj fakaj: laboristaj, studentaj, fervojistaj, ŝakaj, vilaĝanaj, instruistaj,
blindulaj. La centro de la movado funkciis en Zagreb, kie okazis ankaŭ la
unua Sudslava E Kongreso en 1923, kaj agadis tie la Sudslava E Ligo kaj
Sudslava E Servo (eldonejo kaj vendejo de libroj) sub gvidado de d-ro Dusan
Maruzzi. La aranĝon de la 2-a enlanda kongreso en Split en 1924
kunhelpis kiel daŭrigo de hektografita, jam presita Konkordo, sub
bonstila redaktado de d-ro J. Domac, kiun en 1925 sekvis I. Rotkviĉ.
En tiu organo per beletristikaĵoj vigle kunlaboris N. Hohlov, M. Solovjev,
F. Janjiĉ, F. Slogar, Ŝkito J. Manojloviĉ, M. Spicer, S.
Balkanano, Djuro Vojkoviĉ, Viktorina Lichtenwaller, R. Rakuŝa, L,
Kitzler, D Radovanoviĉ, N. Slaviĉ. Krom tiu gazeto en 1924 post fondiĝo
de la Int. Asocio de Fervojistaj E-istoj, kies sidejo kaj estraro estis en J.,
ekaperis ankaŭ la faka organo fervojista sub gvidado de St. Stojniĉ
kaj Ilija Puhalo. ("La Fervojisto".)
El la aperintaj literaturaj verkoj
estas menciindaj "Ano de l' ringludo" de Dinko Simunoviĉ,
E-igita de d-ro J. Janjiĉ en 1926, "Orientaj fabeloj" de Doroŝeviĉ,
el rusa trad. N. Hohlov kaj de la sama aŭtoro la originala komedio
"La morto de la delegito de UEA", uzata sur scenejoj, originala
rakonteto "La diino de la maro" de S. Balkanano, "Oro kaj
paco" de Silvio Gesell, trad. de d-ro P. Staniŝiĉ, kiu en la
sama jaro 1926 kun samcelanoj el Germanujo eldonis kaj kunredaktis la
ekonomisciencan revuon "La nova ekonomia politiko". Krom tiuj libroj
aperis lernolibroj de Maruzzi, Agoriĉ, Dobravc, prop. broŝuroj, ŝlosiloj,
vortaroj, inter ili la plej zorge prilaborita tiu de Niko Bubalo.
En la movado partoprenis multnombraj
prop-istoj el diversaj regionoj, inter ili krom la jam cititaj: d-ro Crlenjak.
M. Neŝiĉ, Rupĉiĉ, Herkov, Dinko, Baselli, Bertolli, d-ro
Peiĉiĉ, prof. Novljan kaj Ŝaj, Ferhad Kapetanoviĉ, prof.
Tavĉar, d-ro Rosenstock, M. Moniĉ, Drad. Wranka, L. Prebil, d-ro
Winterhalter, Dohravc, Rajŝiĉ, d-ro Sidorenko, Spitzer, Schneider,
Agoriĉ, Kozlevĉar, Golobiĉ, Predrijevac, D Jovanoviĉ, Miŝak, Jociĉ,
Lapenna, Jevremoviĉ, J. Dornanjko, d-ro F. Salamon, k. a.
Post la 3-a enlanda kongreso, okazinta
en 1926 en Maribor la movado sub influo de enŝteliĝinta ekonomia
krizo same kiel sub premo de akriĝintaj politikaj cirkonstancoj
ekstagnis. La Ligo, ne povinte aprobigi siajn statutojn, ne povis solidarigi la
latentajn fortojn. La jam preparita 4-a kongreso en Sremska Mitrovica en 1928
ne okazis. La Liga estraro plejparte translokiĝis al Maribor, kie la
sekretariajn aferojn gvidis d-ro Winterhalter kaj la Konkordon
samloke redaktis L. Kitzler. Post inaŭguro de provizore
senparlamenta reĝimo per la reĝa akto de 6 jan. 1929 komenciĝis
malfavorigo aŭ fermado de E-istaj organizaĵoj kaj kelkloke
persekutado de funkciantoj. Ankaŭ akuzoj antaŭ la ŝtatjuĝejo
okazis, sed ili montriĝis nur vanaj senargumentaj suspektoj flanke de
policaj organoj, entute ne sciantaj la lingvon. Pro tiaj cirkonstancoj fine en
1929 ekmutis la vigla interligilo "Konkordo".
Ĉiun defluon sekvas alfluo. En plej
malfavora medio ekbatalis Beogradanoj, reorganizis la societon en
printempo 1930 kaj per aranĝo de kursoj, regulaj semajnkunvenoj kun
devigaj paroladoj kaj diskutoj, per radioprelegoj kaj paroladkurso plifortigis
siajn internajn fortojn. Formiĝis laborista kaj ŝaka sekcioj. La
societo pere de sia prez. d-ro Stefanĉiĉ kun la edzino kaj L.
Prebil partoprenis la bulgaran kongreson, okazinta en Sofia en 1930, kie
kunsidis la Balkana E Konferenco, kun reprezentantoj el Bulgarujo,
Jugoslavujo, Grekujo, Rumanujo. Ĝi i. a. decidis eldoni komunan organon Balkana
Konkordo, kiu en la sama jaro ankaŭ aperis kun plejparte beletristika
enhavo kaj kies jugoslavujan parton redaktis I. Rotkviĉ. Samjare en
Zagreb formiĝis post kunvokita konferenco prepara komitato por reorganizo
de la Ligo. Laŭtiĝis voĉoj, postulintaj denovan kunvenigon de
la E-istaro. Tiun taskon prenis sur sin la filio de la Beograda societo en
Subotica sub gvido de E. Weis. La plano sukcesis. Post sesjara interrompo la
samideanaro de J. kunvenis en printempo de 1931 en la plej norda urbo Subotica.
La bone vizitita kunveno tuj dum la malferma kunsido sin proklamis 4-a kongreso
inaŭgurante novan periodon de la enlanda movado. Sub prezido de R. Klajiĉ,
St. Vidak, M. Neŝiĉ kaj I. Rotkviĉ la kongreso post ĉiuflanka
pritraktado de la E-isma problemo surbaze de la koncerna parolado de J. Stefanĉiĉ
akceptis unuanime la internan ideon pri l' unuiĝo de ĉiuj nacioj
kaj popoioj en unu Internacio kiel gvidideon de sia estonta agado.
Konstatinte plue, ke la prepara komitato de la Ligo pro eksteraj kaŭzoj
ne sukcesis funkciigi la centran organizon dum unu jaro, la kongreso komisiis
la komitaton de societo Beograd ĝis la venontjara kongreso okazonta en
Slav. Brod, finsolvi la demandon de la Ligo.
Surbaze de tiuj decidoj la societa
komitato en Beograd ekagis kiel prepara Liga estraro, kompilis la statutojn
kaj ĝis printempo 1931 ilin aprobigis kun oficialigita interna ideo.
Ekaperis litografita Bulteno kun laboristaj sciigoj sub redaktado de S.
Zivanoviĉ, resp. d-ro J. Stefanĉiĉ. La renovigita
antaŭpuŝo donis impulson al disigitaj organizoj. Freŝaj fortoj F.
Homar, d-ro Kun, presisto Buk, Demetroviĉ kaj Kirchhofer
en Slav. Brod preparis la 5-an kongreson, kies programon propagandis
belaspekta kongreslibreto. Krom ĝi aperis speciala jugoslava n-ro de LM.
Sub prezido de la reaktiviĝinta pioniro 70-jarulo Mavro Spicer, R Klajiĉ,
d-ro Duŝan Maruzzi, Herkov kaj d-ro Kraus la kongreso akceptis la novajn
ligajn statutojn, elektinte por la kuranta jaro Beogradon kiel sidejon de la
Ligo, sub gvido de d-ro j. Stefanĉiĉ, d-ro M. Begoviĉ Zupaniĉ,
d-ro Kraus, Prebil, Dim. Jovanoviĉ
kaj F. Homar kiel redaktoro. Menciinde estas, ke tiu kongreso unuafoje
funkciigis fakajn kunsidojn de laboristoj, instruistoj, studentoj, abstinuloj,
blinduloj.
En samjara julio kiel daŭrigo de
"Bulteno" aperis el la presejo Buk en Sl. Brod moderne presita, parte
ilustrita monata Liga organo La Suda Stelo (L 55) sub redaktado de Homar
kun ideologia, socikultura, literatura enhavo kaj kun speciala laborista paĝo.
En la regule aperanta gazeto kunlaboras M. Ŝpicer, prof. Novlan kaj Rakuŝa,
V. Lichtenwallner, S. Zivanoviĉ, Radovanoviĉ, R. Klajiĉ, Herkov,
Kozlevĉar, Golobiĉ, d-ro Kraus, Wranka, d-ro Kun, d-ro Stefanĉiĉ,
Demetroviĉ, blindulo S. Roth, Kirchhofer, d-ro F. Janjiĉ, I. Rotkviĉ
kaj sur la laborisia paĝo D Jovanoviĉ, Lovrekoviĉ, Ŝelem,
Anĝelka kaj Danica Jovanoviĉ, Cabriĉ, Miŝak, M. Periĉ,
Stojanoviĉ, F. Modrijan, J. Riznar. Sur ŝaka fako eklaboris T.
Krick.
En la eldonejo de LSS aperis ĝis
nun la fake prilaborita lerno- kaj legolibro de Novljan, la nacia heroeposo de
kroata poeto I. Mazuranoviĉ "La morto de l' Smail Aga Ĉengiiĉ"
trad. de Ŝpicer, kaj "Servulrajto" de J. Stefanĉiĉ,
en 6 kantoj kun prologo kaj epilogo poemigita kaj koncizigita sociheroa
rakonto de slovena verkisto I. Cankar "Servulo Jernej kaj lia rajto".
En la eldonejo kaj presejo de la blindulinstituto en Zemun aperis samtempe
"Ni vojaĝas al Jugoslavujo" de l' blindulino Helen Keller, trad.
de Branko Rajŝiĉ kaj la Brajlskriba eldono de
"Servulrajto" kaj de la "Morto de Smail Aga Ĉengiiĉ".
Antaŭ la apero de LSS en 1932 eliris krome kelkaj n-roj de memstara Monda
Kuriero parte iIustrita informorgano por turismo, trafiko kaj komerco sub
redaktado de Nik. Lisac en Sarajevo. Krom literaturaĵoj aperis diversloke
broŝuroj por turismo, flugfolioj nacilingvaj kaj prop. artikoloj en tagaj
gazetoj kaj revuoj.
La nombro de l'aktivaj organizoj en la
postmilita periodo varias inter 20-30. La agado de la Ligo samkiel ties organo
okazas sub influo de sociscienca direkto de l' internacianismo. Por substreki
tiun novan momenton en la movado de l' E-ismo, la JEL-komitato kunvokis dum la
6-a landa kongreso, okazinta en Beograd en junio 1933 apartan int.
E-konferencon, kies programon ĝi antaŭfiksis en la januara n-ro de
LSS per la temo: "La ideologia problemo de l' E-ismo". Tiusence la
komitato jam en 1932 sugestis al la E-centro en Geneve la kunvokon de speciala
int. konferenco de elstaraj E publicistoj kaj prop-istoj por pridiskuti krom
la reorganiza ankaŭ la ideologian problemon. Ĉar tiu propono ne
realiĝis, la komitato mem okazigis la nomitan konferencon, kiun aktive
partoprenis H. Jakob el Geneve, Marta Root el New York, V. Bleier kaj edzino
el Budapest, Harabagiu kaj Behron el Bukureŝti, Fuchsmann el Byalistok. La
parolado de d-ro Stefanĉiĉ kaj la prelego de R. Rakuŝa,
donintaj la bazon por la diskuto estas publikigitaj en la 8-10 n-roj de LSS
1933. La b-a kongreso en Beograd imponis per la ĉeesto de la menciitaj
E-istoj, krom kiuj partoprenis ankaŭ la negra prelegisto Kola Ayaji. Ĉeestis
ankaŭ la protektanto, la prez. de la Scienca Akademio, d-ro Bogdan Gavriloviĉ,
reprezentanto de la ministerio por publika klerigado, kelkaj eksministroj kaj
pioniroj: La kongreso akceptis la statutojn de la J-a E Instituto, diskutis
pri ta eldono de "J Antologio", ktp. La aliĝo al centro restas
pendanta ĝis la 7-a kongreso en Koprivnica. Same dum la Beograda kongreso
okazis fakaj kunsidoj de laboristoj, instruistoj, studentoj, ŝakistoj kaj
blinduloj
Pro la morto de juna, entuziasma kaj
impulsema F Homar la komitato elektis kiel redaktoron de LSS d-ron Kun.
Krom la enlanda laboro E-istoj en J.
aktive kunlaboras en int. gazetoj, kongresoj, kelkaj retiriĝas, alia reaktiviĝas,
novaj fortoj aperas kaj la movado pluen marŝas sub nova devizo:
"Por
ni super ĉio la internacio" J. ŜTEFANĈIĈ.
Jukl Vlado, ĉeĥoslovako,
prof. ĉe la Komerca Akademio en Bratislava. Nask.12 febr. 1892 en Mannheim
(Germanujo). Funkciulo de diversaj E-organizaĵoj" dum 1911-1913
ankaŭ en Rusujo. Instruis dum vico de sinsekvaj jaroj en sia lernejo. Dum
1933 kunlaboranto ĉe la E-disaŭdigoj en Bratislava.
Julin Teodor, (ps Jln), svedo, poŝtoficisto,
red. de faka gazeto. Nask. 31 okt. 1880 en Sater. E-isto de 1923, kiam, estante
parlamentano, partoprenis la kurson de A. Cseh por parlamentanoj en Stockholm.
Vicprez. de EG en Stockholm, ĉefdel. de ILEPTO. Aranĝis kursojn, ktp.
Prez. de la trivira komitato por organizi la UK-n St. en 1934.
Julio Cezaro. Tragedio de Shakespeare,
el la angla trad. D H. Lambert, 1406, 86 p. "La tradukinto nenian
penadon ŝparadas, por ĝuste kompreni la sencon, nek por esprimi ĝin
per konvene elektitaj vortoj kunligitaj en belsona ritmo." (A. E. W.,
British E-ist, I906, p: 90.)
Julivert Aulés (huliver' auleez)
Maria, katalunino, prof. de pentro-kaj desegnoartoj. Nask 31 apr. 1888 en Vendrell.
E-isto de 1911, kursgvidanto depost 20 jaroj, div. prelegoj kaj propartikoloj.
Skribis kelkajn tradukojn kaj originalajn rakontojn, trad. katalunen Esenco
kaj estonteco el la Fund. Krestomatio.
Juna E-isto estis la kreaĵo
de du junaj, entuziasmaj E-istoj: Privat kaj Hodler en Geneve, kiuj unue
intencis nur eldoni Genevan lokan organon, sed post la 2-a n-ro JE jam fariĝis
int. ligilo de diverslandaj junaj E-istoj. Dum 1903 aperis de apr. 6 n-roj, ĉiuj
hektografiitaj, binditaj ktp. de la eldonantoj mem; de jan.-sept. 1904 ĝi
aperis litografiita kun presita kovrilo kaj kun ilustraĵoj kaj de nov.
1904- dec. 1905 presita; la formato estis ĝis tiam 21x14 kaj 24x16, la paĝnombro
4-24. Finan fundamenton ricevis JE kiam en jan. 1906 "Presa E-ista Societo"
en Paris prenis sur sin la eldonadon; red. Paŭlo Lengyel, Gazeto por
Junuloj, Instruistoj kaj E-Lernantoj. De jan. 1910-dec.1911 aperis 24 n-roj.
IV+16-18 p. 24x15 kun entute 372 p.; de jan. 1912-julio 1914-31 n-roj.
IV-VIII+16-24x16. P. TARNOW.
Junek (naskiĝinta Bílek)
Rosa, instruistino de lingvoj. Nask. 24 majo 1850 en Tábor (Bohemujo) mortis
27 jul. 1929 en Bordighera (Italujo). Loĝis en Italujo de 1890. E-isto de
1897, deklamis poemon en Boulogne ĉe la unua UK. Fariĝis vicprez. de
la grupo en Bordighera. Verkis multajn artikolojn en kaj pri E por italaj kaj E
gazetoj. Tradukis "Floro de Pasinto", 1906 ?, "Kverko kaj
Floro", 1906, ambaŭ de Amicis; trad. en italan la "Fundamento
de E".
Juneco kaj Amo. Legendo el Venecio.
Originale de Payson. 1930, 72 p. "Amaventuro de pentristo. Priskriboj
de l' urbkvartaloj, de l' markanalo, de sunsubiĝo. Malnovmoda novelo,
bonintenca. Stilo flua". (G. S., ,E', 1930, p:136.)
Jung Teo (komplete: Theodor Karl
August Heinrich Jung), germano, presisto, ĵurnalisto kaj eldonisto
(E-ista). Nask. 21 dec. 1892 en Meckenheim. En la 15-a vivjaro pro malriĉeco
devis rezigni la pluan gimnazian studadon. E-istiĝis en 1909-10. Fondis du
grupojn, gvidis kursojn. En 1919 restarigis (kun aliaj) la Rejnlandan-Vestfalian
E-Ligon; fariĝis ĝia estrarano, kaj eldonis en Horrem bei Koln
monatan revueton Progreso kiel organon por Revelo. En 1920 sekvis fondo
de semajna ĵurnalo E Triumfonta, kiu en 1925 ŝanĝis sian
titolon je HDE. Per tiu gazeto li sukcese helpis revigligi la E-movadon en
Germanujo kaj ankaŭ internacie. Li batalis por konkorda laboro inter anoj
de diversaj projektoj de int. lingvo (artikoloj "Ni kaj la aliaj"),
poste por unueca laborado inter ĉiuj faktoroj de la E-movado kaj por ilia
unuecigo en plilarĝigita UEA. En 1910 li publikigis sub ps. sian unuan
originalan rakonton en Germana E-Gazeto, al kiu sekvis vico da aliaj sub vera
nomo. Dum kelkaj jaroj li laboris pri projekto de "ideala lingvo"
tutmonda, kiu ideo revenas ankaŭ en lia romano. Skribis multnombrajn
artikolojn, poemojn, skizojn, rakontojn en multaj E-gazetoj. Verkoj: La
alta kanto de la amo, poemo, 1926, rekantita laŭ malnova legendo flue
kaj korektforme: premiita per la Natura floro ĉe la 12-aj Int. Floraj
Ludoj; Lando de l' fantazio, romano, 1927, fantazia, riĉa je
romantikecaj aventuroj. Sakuntala, postrakonto, 1927; Mil kaj unu
noktoj, postrakonto, 1927; Gerstacker: La ŝipĉarpentisto, 1928,
trad. sub ps. Egruho; Gudrun (postrakonto), 1928. Kuntradukinto de Remarque:
En okcidento nenio nova, 1929. Kunaŭtoro de Lernolibro,
1929. HILDA DRESEN.
Jungfer Johannes, germana ŝtata
oficisto en Lübben. Prez. de la Int. Radio-Komisiono, komisiita de UEA. De
jaroj regule kaj sisteme gvidas la prop. laboron en la radio-sfero, redaktas ĉiusemajne
E-radio-programon, preparas statistikojn.
Jungschaffer (jlungŝafer)
Hans, aŭstro-germano, fakinstr. en Ried i I. Bona prop-isto, gvidanto de
EG. Verkis prop. libreton.
Junker August, germano, komercisto.
Nask. en Köln. Kunfondinto de Revelo. Prez. de la ekzamena komitato de la
E-Instituto. Aperigis originalajn prozaĵojn en gazetoj.
Junularo. Junuloj estas pli korresonaj
al idealismo ĝenerale, ol plenkreskuloj, pli emaj entuziasmiĝi kaj
allogiĝi je ia ajn movado kun noblaj tendencoj. Pro tio de la komenco mem
de la E-movado ili grandnombre partoprenis ĝin kaj ofte ludis en ĝi
ne malgravan rolon. Post diversaj provoj antaŭmilitaj en 1920 fondiĝis
Tutmonda E-Junulara Asocio (TEJA), celanta unuigi la E-istajn junulojn. TEJA
eldonis dum kelkaj jaroj gazeton E-ista junularo. Post kelkjara stagno
en 1933 TEJA denove pli vigle ekagadis; ĝia nuna prez. estas d-ro W.
Perrenoud, St. Gallen.
ŜIRJAEV.
Jürgensen Hermann, germano. Pioniro.
Verkoj: gramatikoj, 1903 kaj 1905; Vortaroj G-E, 1904, 2-a eld. 1906;
E-G, 1904, 5-a eld. 1912.
Juri Tradukacu, japano, firmano.
Nask. 23 sept. 1900 en Kyoto-hu. Bona E-oratoro. Verkis: Frazaro de
E-Interparolado, 1925; Modela E-Konversacio, 1928.
Juristoj, organizitaj en la Int
Societo de E-istaj Juristoj. Celoj: krei per E int. aferajn rilatojn inter
juristoj, labori per E por evoluo de la int. kaj kompara juro Fondita en
Geneve en 1906 dum la UK. Ĝis la milito la societo kalkulis 160 membrojn;
gvidis ĝin prokuroro Degon, ĝen. sekr.; prezidis ĝis nun adv.
Michaux el Boulogne sur Mére; ĝia organo estis "La Revuo". Post
la milito gvidis la societon adv. Litauer el Warszawa kaj adv. Liebeck el
Berlin, ĝen. sekr. estas adv. Chapron el Le Mans. La societo havas siajn
kunvenojn dum la UK. Aperis kelkaj jarlibroj de la societo kaj en 1932
germana-E jurista vortaro verkita de Liebeck. JOZEF LITAUER.
Ĵavoronkov Viktor Feodosieviĉ,
ruso, sovietiano, radiometodisto. Nask. 1 majo 1885 en Mologa, gubernio de
Jaroslavl, lernis en Rjazana gimnazio kaj en jurfakultato de Moskva universitato.
E-isto de 1908, unua diplomito de Moskva instituto de E en 1911. Ĝis 1914
partoprenis en Moskva studenta grupo E-ista. De 1915 ĝis 1922, laborante
en sanitara vagonaro, li prelegis ĉirkaŭ 350 lekciojn pri E, kaj
gvidis kursojn en multaj urboj. De post 1922 membro kaj kandidato de CK SEU. En
1923 j. iniciatis unuan E-radiodisaŭdigon en Sovetunio kaj de post tiam
dum kelkaj jaroj gvidis E-kursojn el la Moskvaj radiostacioj. Aŭtoro de radiovortareto.
En 1922-26 li estis organizanto de E-movado inter rusaj blinduloj kaj fondis
E-bibliotekon ĉe Sovetunia Societo de blinduloj. En 1930 estis administranto
de ŝtataj kursoj de E en Moskva, multe propagandis E-n inter PTT-istoj,
funkciante dum kelkaj jaroj kiel gvidanto de E-fako en centra librejo de
PTT-ista sindikato.
Ĵeleznjakov Vasilij ruso,
sovetiano, fervojisto. Nask 1894. E-isto de 1912. Prop-isto inter fervojistoj
en Samara, Sverdlovsk kaj aliaj urboj.